返到學校，第一時間同學借功課既種。

完成晒後，第一堂就係體育.凍........

淨係跑左五個大圈，緊住咩都冇做。老盛話我體能好左(唔係掛-.-？？？)

會計堂，阿sir講左大半堂"破產"呢樣可免則免既野。

經濟堂，我不斷叫阿sir組織下d思維先講野-.-

跟手兩堂都係講座，一個講寫作、一個講法律

我已經盡量令自己唔訓著...

食完飯就返左明愛練拳，練左d步法同反應之類既野。

走既時候同阿sir一齊坐車走，淺談跆拳道。

Blazed 組成一周年

今日同Kenny、阿文、Deco到310隔黎果間MONO(310未啟市)夾band

聽Kenny講，MONO以前好差，個近排裝修完。我地入到去，"話"左一聲。

洗唔洗呀？？？

但d隔音真係好差，可以勁清楚聽到隔黎房玩緊咩歌-.-

我地夾左幾首舊野，再夾我地既自己歌"零"

夾左幾次，尚算ok。

之後夾完去左搵野食，T time，度度都勁多人，最後去左大快活-.-

食完係旺角行左陣。kenny同阿文都有收獲。我同deco去好景睇槍。

最後各自番歸。

阿文講左一樣好重要既野，點解一週年都冇咩氣氛？

但點都好，我地會繼續做好我地既音樂！

唔舒服左兩個星期，終於係星期三晚被Heavy感冒擊敗..

放學番到屋企，左耳耳鳴，不斷"溫溫"聲。最終決定星期四唔番學，去請醫生飲茶-.-($錢錢錢錢$)

阿媽話:「橫掂都係，不如請埋禮拜五啦！」

我冇咩所謂，所以禮拜四、五都冇番學，係屋企冬眠-﹏-

兩日冇番學，非常掛念班同學。多謝"大鼻"同一眾哇鬼係禮拜四打黎既玩野問候><

禮拜五其實已經好番好多，所以夜晚如常去練拳。

同明愛班"高手"練d我好熟既野..

同教練傾我跆拳道既過去..

聽日就家長日，我無事不可對人言，所以唔去練拳，番學校聽下阿sir既"至理明言"

星期一會如常番學辦工..(番學如番工，你睇我好，我睇你好姐)

29號晚同阿文去左亞洲國際博覽館睇My Chemical Romance live in Hong Kong..

雖然當晚又凍，路途又遠，車費又貴，但非常值得去睇..

本來8點開show，但MCR到9點鐘先出場，佢地出場前由一隊不知名樂隊搞興個場..

果隊都十分出色，風格似Linkin Park，主音又rap，又有電子效果，全場都好興奮。

經過全場觀眾一齊呼叫MCR後，佢場終於出場喇！

全場不斷尖叫，又嗌又跳。

個show大致上係跟住The Black Parade呢集碟既次序，再幾首上兩隻碟既歌。

成個show我不斷狂跳狂嗌！跳到我隻腳差d抽根^^

最後佢地唱完The Black Parade最後一隻歌Famous Last Words就立刻番後台完埸，

但我覺得完得太快喇-.-

MCR既表現比我預期中好好多，因為之前睇過佢地係外國既live video，Gerard Way既表現都唔係禁理想。

聽閒佢成日食煙，所以唱歌唔夠氣。但今次佢一口氣都唱左好幾首歌，令我非常滿意。Ray Toro手結他就不嬲都出色，唔洗多講。

完show後同阿文一齊搵車番屋企，都搵左好奈下-.-

最後12點幾鐘番到屋企，但仍然非常興趣，訓唔著。

呢個show，今我十分難忘^^

上堂比以前專心，冇"咩"訓教^^

但眼見好多同學同上學期一樣，冇進步過，反而因考試成績差而不再留心..

我心感..

.

.

.

.

.

.

.

我就睇下你下學期個考試點死！

機會係自己爭取既，你唔讀，唔會有人迫你，包括我。

唔該你地繼續keep住，等下次考試少d對手。