今朝八點幾就同老簡、大鼻、阿臭出石崗軍營排隊拎五月一開放日既飛。

d解放軍真係好有禮貌，搞到我有d唔好意思。

拎完飛，時間尚早，去左新元中睇早場-女拳霸

呢套戲比我預期正好多。d武打動作比“拳霸”更精彩。

加上本身故事吸引，女主角演技又出色，令呢套戲成為一套非一般既動作片。

題外話：個女主角有d似松山研一

之後我離開大隊，同阿媽去食飯。

lunch因太悶，玩左一d好癡既野，我亦成功左。><

不過下次真係唔好喇。

lunch後，福建同台灣衝突，大打出手。好彩鄧老及時制止。

台灣，你平時玩得太癡喇。唔係個個人都會接受到，唔係個個人都會遷你嫁。你明唔明？

今日放學行行下，唔知邊個突然話今日係呂梓生日。

我地先晃然大悟：「係喎！」

即刻同去佢餅店買個蛋糕仔番學校食。

食完，就當係慶祝完。

        順祝

球技猛進、愈跳愈高、見波格波

琴日 - 腸胃炎

今日 - 醫生話我本身有少少感冒，加上食左d肚痛藥，所以d菌發埋出黎。

Holy Shit！

周身骨痛。

一個禮拜前以開始痛。年年夏天都係咁。

一食凍野就中招。

今朝起身開始肚呵。

決定唔番學。

去睇醫生，同醫生吹水。

我近呢十年都係睇同一個醫生，所以我一講肚痛，佢已經知我咩事。

可以話唔算睇醫生，係去拎藥食

番到屋企online，竟然見到老盛online。心諗：「佢唔洗番學咩？」

原本佢琴日比賽受傷，今日去睇鐵打，所以唔番學。

同是天涯淪落人。

大家都休息一下吧。