天氣惡劣，地勢險峻，能見度極低，解放軍空降汶川縣，在接近一片黑暗的環景下空降落一個完全陌生既地方，加上現在大風大雨，空中被吹去悬崖一个撞擊就會無命。現知已有多名軍人犠牺或失去聯絡。4500直属空降兵第一隊已全部寫好遺書。

佢地不顧一切，深入山區，救幫災民，實在係人民既好軍隊。

如今更有多名軍人犧牲或失去聯絡，我地好應該為佢地所作既行為感到自豪。

雖然網上有人自以為事，話去軍人致敬好白痴。

但我唔理人地點講，我在此去所有參與是次救援既解放軍致敬！

用手機send 個空白message到 50881903，每一個message代表你捐了$5 比「香港紅十字會」作賑災用途。(即日起至5月15日早上6時前)

網上有人話：1月25日,雪災=天災 3月14日,藏獨=人禍 5月12日,地震=地災 1+2+5=08 3+1+4=08 5+1+2=08 08年08月08日奧運會 巧合？

廢話！天災呢d野，隨時都會發生，如果咁講既話，地震果日咁多人出世，你唔賴佢地。唔話佢地係災星。

災難已經發生，而家再講咩都無用，我地應該諗下有咩方法幫助國內災民。

各大傳媒不斷呼籲捐款，我諗到呢d時候，唔洗人講大家都識自動波呀？

講番琴日先，琴日阿媽節，夜晚同阿媽、阿哥出左街食飯。

出到去，話.....香港市道好好咩，咁多人既？

但一年一次，無所謂。

雖然食既野都無咩特別，但都好好味。^^

到今日，佛誕假既開始。放一個禮拜。

要溫書準備考試。

下午時，老簡、老盛、吳過上左黎做功課+打機。

本來準備左"o者o尼"招呼佢地，但無成型佢地就走。

下次有機會再請你地食。

今日最高氣溫30度，眾所周知我校所處於既地區會比其他區高一兩度。

我地偉大既校長仍然堅持堅守衛生安全。

將學生中暑既即時危險及老師受課時既汗水忘卻，堅持唔開冷氣。厲害！

但教員室、校務處及校長室的冷氣就年終無休。

所有流感病毒，由教職員及校長吸晒入體內，確保學生安全。

佢地咁無私既精神，絕對值得我地敬佩！

各位睇完呢篇blog想通知校方既好同學，請自便。我無所謂。

本人此舉之由本人家長之同意，如校方追究，請聯絡本人家長。