數下手指:一日...兩日....,

原來仲剩番兩日上課天,

剩番兩日屬於2E嘅上課天,

突然之間有D好唔捨得嘅感覺,番埋嚟兩日,

考完試之後,就放暑假啦!

數埋都唔夠兩個月,就要同2E分開啦!!!

唸番起當初學期頭影班相,

個個都超樣衰,又seven!!!真係睇番都覺得好好笑,

但係經過唔同嘅專題研習,要分組,要同唔同嘅人合作,

無論係男又好,女又好,都可以挽埋一齊,

細聲講,大聲笑,真係好開心!!!

去班會旅行,一齊挽遊戲,一齊係旅遊巴度訓覺,

到宜家我都仲記得,講真,你哋訓覺個樣真係好好笑,

中二軍訓營,大家一齊曬,一齊操軍體拳,

一齊叫,一齊食D難食到嘔嘅飯,

雖然係好辛苦嘅三日,但係大家都好開心,

竟然番到嚟大家都有同感:

好想成班一齊再去軍訓(除咗胖妹之外),

仲白痴到係班房到操軍體拳,真係好得意!!!

講真,我真係好鍾意,好鍾意2E,

除咗胖妹之外,2E嘅每一個都好可愛,

無論係男仔定女仔,我鍾意2E嘅每一個,

但係升咗中三之後,一定冇可能35個同班,

因為張童,亞桃可能入番精英班,

但係我唸我嘅班應該冇人升唔到班,

至少可以35個可以係同一級裡面,

至少係出年見到會講聲哈囉,咁已經足夠,

希望大家會記得有傻朱嚟個人,

傻朱又要溫書啦!!!拜拜!!!

送上2E班相: 

(2E個個都超得意!!!XDD!!!)

沖完涼,刷完牙,整好哂間房,

成身乾淨哂,成屋乾淨哂,人都醒神哂!!!!

點解我會係朝頭早先沖涼???

因為尋日係禮拜五,

係禮拜五傻朱有一個習慣,

傻朱會嘜都唔理,飯又唔食,涼又唔沖,就去訓覺,

所以我就訓到今朝早,唔洗講傻朱尋日緊係冇打"傻朱日誌" ,

所以今日傻朱先講番尋日嘅嘢,

尋日傻朱話好唔開心又唔係,話好開心又唔係,

其實傻朱番咗一日學,就真係唔係好開心,

一路都心裡都唔係咁舒服,

但係到咗放學,我同no rain,

魚腩,一齊去禮堂換閱讀獎勵計劃嘅禮物,

雖然我本來想換史迪仔,

但係當傻朱見到個海綿寶寶袋,我就愛上?

但係到我換嘅時候,個袋已經比人換咗啦!!

所以到最後傻朱換咗隻ELMO,我幫佢改咗個名,叫做"傻ELMO",

今日傻ELMO正式入住傻朱嘅大家庭,

當我哋離開學校嘅時候,我見到兩個F.3嘅男女,

(係人睇到都知道佢哋係度拍緊拖),

佢哋令到傻朱唸到一句愛情金句:

"世上最痛苦的事是兩個相愛的人不能相愛或你不知我愛你,

其次是我愛你,但你不愛我。

"兩個人相識嘅時候,係好開心,好甜蜜,

可能只係一句說話,一個訊息,都會開心都到訓唔著,

但係時間一耐咗,大家開始覺得對方好煩,好討厭,

無論對方做d咩,都會覺得好討厭,

甚至只係一句"你唔好嘈住啦!!","你收聲啦!!",可能已經好唔開心,

 一路都唔想講嘢,唔想做任何嘢,"

其實如果換個角度,只係換個角度姐,

可能已經完全唔同,但係愛情就會將人嘅理智完全磨滅,真係可怕....

今日冇咩特別,同普通禮拜六一樣,

但係今日傻朱有個目標:我希望今日可以溫完GEOGRAPHY,

同開始溫MATHS啦!!

加油呀,傻朱一定得,一定得!!!

六月四日,對傻朱嚟講係一個好特別嘅日子

今日傻朱番學真係好開心

本來等三,四堂:何老大上堂,煩到死,

做D咩舊年嘅試卷,做題19分就要係20分鐘內完成,

但係到咗第四堂,我個胃痛到亞媽都唔認得,

點知何老大連小息果三個字時間都要用埋嚟對工作紙,

真係佢亞媽個仔!!!

搞到我要忍多一個鐘,痛到我死咁亞,

跟住到咗history堂,梁國傑上嚟代課,茶包同腸腸調咗位(YAYA),

所以我哋四個齊齊講淫嘢,咩茶蛋呀,奶白色呀!!!超核突!!!

後嚟我哋仲係度M嚟M去,搞到茶包囧到冇嘢講,淨係識話我好變態!!!

仲話d咩我細細個就思想變態,又話咩我唔識保護自己,都唔知你講咩???

之後我仲問咗個超白痴嘅問題:條M巾應該"痴"係身度定條底底度呢!!!

佢哋聽到之後,笑到傻咗,仲話我真係傻朱嚟架!!!

但係傻朱真係唔知,我又未嚟M,我點知亞!!!

到咗夜晚,我同媽咪去咗<六四>二十週年燭光悼念集會,

原來不經不覺就二十年啦,我唸我一世都唔記得嚟件事,

成晚我最鍾意就係唱歌嘅部分,而我最鍾意嘅歌係<自由花>,

其中一句:但有一有個夢,不會死,記著吧!!!來自你我的心,記著吧!!!,

到咗大約十點,集會正式結束,

之後,我仲想參加<支聯會青年組>去幫手,令更多人認識<六四>,

傻朱唔講咁多啦!!!宜家已經兩點半啦!!!傻朱朱要訓覺覺豬啦!!!