今日係母親節，我諗好多孝順嘅仔女都會好忙，佢哋要千方百計、絞盡腦汁去諗好多好多節目另媽媽開心，有ｄ會整靚靚蛋糕ｌａ、買靚花ｌａ、又或者晨早去等位飲茶la、夜晚出去酒樓食返餐勁ｌａ；總之，無論幾貴幾唗時間都無所謂，只想媽媽開心。

我哋７兄姊妹每年喺哩一日都好想同其他人一樣，可以晨早去等位同媽媽飲茶、整蛋糕、買靚花、夜晚出去酒樓食返餐勁嘅，一家人聚一聚，享受一下天倫之樂。但每逢母親節前一個禮拜，一定會收到媽媽嘅電話，千吩咐萬吩咐唔洗去飲荼、唔食飯，蛋糕呀花呀咩都唔要，唔好夾錢比我，淨係買個金枕頭﹝榴槤﹞就得ｌａ，因為佢知道我哋搵錢辛苦，個個都要供樓，唔想我哋唗錢！記得好多年前嘅母親節，我哋喺酒樓book咗一圍枱，一家人開開心心咁同媽媽慶祝母親節，果晚食咗＄５０００幾蚊，哩＄５０００幾蚊足足比亞媽鵝咗幾年，話我哋咁唗錢，就係咁！這幾年我哋可以做嘅就係一齊返去見見面、傾下玩下、食下，最後都會比錢媽媽，因為就只有咁，內心會覺得好過ｄ，但其實我哋知道媽媽唔會用d錢，只會儲堆哩比我哋，佢所做嘅一切一切都係全為了我哋!!

媽媽今年已經７１歲，但佢覺得自己好似譚詠倫咁，年年都係２５歲，仲好後生，你哋梗係會問我點解?因為佢永不言休，仲精力過盛，除咗返工之外、仲有養雞、養鴨又養狗、放工又要去拔草比佢公司ｄ羊食、仲要打理田間30幾棵荔枝、黃皮同龍眼樹，最誇張就係荔枝收成時佢會爬上樹去摘！佢真係不怕天不怕地，最怕我哋成日叫佢辭咗份工，休息下，ｄ錢係搵唔盡嘅，做人要知足常樂；照顧下老豆；得閒嚟元朗同我哋飲下茶；買d鍾意食嘅嘢，又或者叫佢去英國探下三家姐，仲有去加拿大哥哥道同d孫玩下等等!