新的一年祝大家新年快樂，萬事如意，身體健康
祝大家聖誕節快樂
養生之道
近況
大家好嗎?首先多謝各位的關心 我好耐無寫blog la、好耐無整蛋糕，好耐無同D師奶兵團攪攪新意思，好多好想做嘅事都好耐好耐無做啦，整餅天地真係有D失去左原來嘅意義…….
其實工作不算太忙，只不過返工放工搭車嘅時間太長，返到屋企已經天黑，人又攰仲 可以做D咩!我諗大部份香港人都係咁，為兩餐無辦法la，只好比心機d。
曉頌返幼稚園已經快3個月la，初初返下午班時，無得瞓晏教成日發脾氣﹝我好慘﹞ ；而家轉左上午班就好好多la；曉頌學嘢好快，無論扮老師、唱歌仔、講英文、諗詩都學得好叻，但就連鬧人、駁嘴 都一樣學得咁叻 。
家中嘅印傭下個月就約滿la﹝咁就2年﹞，經濟唔好，暫時都唔打算再請住， 遲D家中大小事務就由我全包辦，到時更加無時間﹝其實都唔知自己攪唔攪得掂﹞，盡力而為la，希望萬事順利
Hello 大家好
一年一度嘅中秋節又到la，您哋點樣慶祝呀？希望大家都開開心心咁享受哩個假期!
祝大家中秋節快樂
每年嘅5月第2個星期日就係母親節，呢個日子我諗大家都唔會唔記得，因為無論係電視、收音機、仲有好多不同嘅慈善團體，都一早就提你，哩一個咁重要嘅日子，等你好好安排為母親慶祝嘅節目；自從自己做咗媽媽之後，更覺得做母親真係唔簡單，要做一位偉大嘅母親更加難上加難，所以除咗母親節之外，我哋每日都要孝順父母！
今年嘅母親節跟往年都一樣，大家約堆一齊返娘家食飯，同時為二家姐慶祝生日，哥哥喺溫哥華所以唔可以同佢一齊慶祝生日，但係佢睇咗我個blog一樣感受到我哋嘅歡樂。
祝媽媽身體健康，母親節快樂
5月份有我二家姐同哥哥生日，一位係5月10日, 另一位就係5月13日, 但我成日都唔記得邊個係10日、邊個係13日，唔好意思到而家我都係唔記得，不如.....
祝五月之星生日快樂、心想事成
近排每晚食完晚飯，我同老公都會帶曉頌去元朗大球場玩，我就散步做下運動，而曉頌同爸爸當然係踢波la！
上星期開始，大球場好熱鬧，因為多咗一大班年青男女，佢哋差不多每晚都喺到好勤力、好認真咁練習，目的係為咗4月28日嘅天后寶誕巡遊表演，佢哋跳嘅潮州舞真係好精彩，靜係睇彩排已經拍案叫絕，正式更加唔可以錯過。靜雞雞話比你哋知！我已經請定假去睇la！
元朗每年(農曆3月23日﹞舉行嘅大巡遊，節目非常豐富，包括有舞龍、舞獅、舞麒麟、潮州舞、中國舞、蘇格蘭儀仗隊表演等等，大家有興趣都哩元朗一齊熱鬧下la
好開心終於可以寫下blog, Hello 大家好!
由舊年11月到而家，日日過住d飄飄泊泊嘅生活，好似過咗幾十個世紀咁呀，好彩暫時可以坐定定，不過.....就無錢靜！
3月13日係我個寶貝仔嘅３歲生日，今年都同舊年一樣，為曉頌開咗一個小型生日會，一家人傾下、食下、玩下聚一聚，真係開心快樂也。
講起我個仔真係覺得佢大咗好多，而家佢講嘢好叻，成日唱歌﹝佢模仿教會歌詠團嗰位指揮哥哥最攪笑﹞；曉頌最鍾意係踢波，未夠２歲己經好鍾意踢波，身邊嘅朋友每一位見過佢踢波都讚佢好有天份，咁細個但就好似一個大人一樣；有時喺公園玩，連唔識我嘅人見到都會走哩同我講﹝你個仔踢波真係好叻，將來你一定要好好栽培佢），其實有邊一位父母唔想自已嘅孩子出人頭地，但係我更希望曉頌健健康康，日日都開開心心，我就已經很安慰la。
哩個蛋糕係我今年第一個自製嘅蛋糕，特別送比曉頌！
時間過得真係快，農曆新年又到la，秋菊子祝大家新嘅一年，萬事如意，心想事成，身體健康，恭喜恭喜！
源滾.滾.滾滾來
加拿大的哥哥,Irene, Brain,Bonnie
北愛爾蘭的三家姐, 姐夫, 許文, 俊傑, 許倫一家三口
祝您們 - 新年快樂，身體健康，萬事勝意！
禽日係我屋企嘅姐姐﹝印傭﹞生日，蛋糕無時間整la，喺聖安娜訂咗個靚靚蛋糕同佢慶祝，希望佢開心！
Kasiyem嚟咗我屋企做嘢已經快一年la，一直都當佢係屋企嘅一份子，佢除咗幫我打理家裏大小事務之外，仲好細心照顧我個百厭仔，我個仔而家識嘅英文，大部份都係佢教架，佢d英文真係
kasiyem生日我諗最開心嘅係我個仔同謙謙，因為佢哋一見到蛋糕就以為係自己生日，仲爭住唱歌同吹立燭，小朋友真係好天真可愛。
to Kasiyem
今日係聖誕節，首先祝各位今個聖誕及新年假期都滿載歡欣與喜樂！
我都好耐無寫blog同整蛋糕la，點解.....?因為新工作地點好遠，每日都早出晚歸，唔好講整蛋糕，屋企所有大小事務都無時間處理，日日都好攰 返到屋企就想但個仔就成日纏住要我同佢玩，真係身心疲累。
生活往往就係咁架la，俗語有話:有得必有失，辛苦唔緊要，最緊要開心 。聖誕節係我喜愛嘅節日，希望大家都有個溫馨快樂嘅聖誕節
呍呢拿芝士蛋糕
12月3日係師奶兵團主席珊姨嘅生日，掟日會喺平台花園攪個乳豬仔生日會，點解叫乳豬仔生日會呢?因為佢好想食乳豬，仲講咗好多次﹝食下乳豬仔la、玩下la﹞，主席妳真係可愛，所以今日幾忙幾攰都要整個蛋糕賀一賀佢la。
珊，蛋糕整得唔係咁靚﹝妳知la，師傅d功力都係.....，都係咁尚下la﹞，希望妳會鍾意。
祝妳生日快樂，心想事成，日日都
食譜:一個6"蛋糕
海綿蛋糕材料 - 牛油 15克 砂糖 40克
低粉 50克 雞蛋 3隻
海綿蛋糕製法 - 預熱焗爐175度
低粉過篩，溶化牛油至液體狀態(保持熱)，雞蛋先用暖水浸暖。
雞蛋打至大泡後加入砂糖打至濃稠，質感具黏性。
加入低粉攪勻，再加入熱牛油快速攪勻。
倒入蛋糕模，入爐焗20分鐘，取出後倒轉待涼備用。
芝士餡料材料 - 甜忌廉 125克 忌廉芝士 125克
魚膠粉 2茶匙 熱水 25克
砂糖 60克 蛋黃 1個
牛奶 60克 呍呢拿香油 1/4茶匙
製法 - 魚膠粉加12克砂糖放入熱水中溶解備用。
蛋黃加入餘下砂糖打至濃稠，加入己煮沸的牛奶，再加入魚膠水拌勻。
忌廉芝士打滑，加入上述材料；甜忌廉打起，分2-3次拌入上述材料中。
拌入呍呢拿香油(如果喜歡食合桃的可在此時加入40克合桃碎)。
將海綿蛋糕分成2片(將蛋糕邊略為修細)。
先將一片海綿蛋糕放入模底，倒入一半芝士漿，再放上另一蛋糕
片，再倒入餘下的芝士漿，放入雪櫃冷凍2小時，加上喜歡裝飾即成。
今日已經係最後一堂la，今堂學嘅蛋糕都依然係果句，整法好簡單，都係好好味。
整蛋糕原來有好多秘訣，唔學都唔知，每一部份都要注意，只係其中一少部份出錯都會有影響蛋糕嘅效果，出邊買嘅蛋糕書通常都唔會教，跟陳sir學就學到好多秘訣，不過當然要多Ｄ練習，所為日子有功！
今個課程學咗咁多款蛋糕，但我一個都未試過整，點解？ 皆因好忙，掛住返工去錢；嚟緊嘅日子我會用多d時間去練實整蛋糕，因為通常喺屋企自己整都會雞手鴨腳，希望遲d會出產d好作品啦!
上星期因為曉頌唔舒服，所以無上堂，今日問同學抄返d筆記，遅d可以係屋企試下整！
今日學嘅綠茶芝士蛋糕，整法好簡單，蛋糕出爐後我哋個個都有得食，真係好好味。
哩個蛋糕珊姨都整過幾次都唔係咁成功，而且味道較苦，而家我學咗可以教妳la，不過亞sir話最好買哩隻綠茶粉味道比較清香，喺日資百貨公司可以買倒，珊姨妳快d買定la
源滾.滾.滾滾來
一個人的情緒與健康有密切關係，很多疾病其實都是「鬱」出來的。你看那些內地高官，若被人鬥下來、失勢，之後很快便會生病，甚至去世；若不失勢的話，個個都活到九十幾歲，精神奕奕，所以即使生病，亦不要悶悶不樂，應該盡量保持心境開朗
，再「鬱」到更病??
仲 可以做
﹝我好慘﹞ ；而家轉左上午班就好好多
都一樣學得咁叻 
。
，不如.....
！
。 
講起我個仔真係覺得佢大咗好多，而家佢講嘢好叻，成日唱歌
﹝佢模仿教會歌詠團嗰位指揮哥哥最攪笑﹞；曉頌最鍾意係踢波，未夠２歲己經好鍾意踢波，身邊嘅朋友每一位見過佢踢波都讚佢好有天份，咁細個但就好似一個大人一樣；有時喺公園玩，連唔識我嘅人見到都會走哩同我講﹝你個仔踢波真係好叻，將來你一定要好好栽培佢），其實有邊一位父母唔想自已嘅孩子出人頭地，但係我更希望曉頌健健康康，日日都開開心心
，我就已經很安慰la。
to Kasiyem
但個仔就成日纏住要我同佢玩，真係身心疲累。
?因為佢好想食乳豬，仲講咗好多次﹝食下乳豬仔la、玩下la﹞，主席妳真係可愛
﹞，希望妳會鍾意。
。
錢；嚟緊嘅日子我會用多d時間去練實整蛋糕，因為通常喺屋企自己整都會雞手鴨腳，希望遲d會出產d好作品啦!
隻綠茶粉味道比較清香，喺日資百貨公司可以買倒，珊姨妳快d買定la
