cky104
暱稱: [秋菊子]__''
性別: 女
國家: 香港
地區: 元朗區
« July 2017 »
SMTWTFS
1
2345678
9101112131415
16171819202122
23242526272829
3031
最新文章
Happy Birthday to Ka...
祝聖誕快樂
Happy Birthday to Sh...
工聯會西餅蛋糕課(二)...
工聯會西餅蛋糕課(二)...
文章分類
全部 (76)
麵包天地 (9)
人間有情 (6)
中式甜品小食 (2)
生活日記 (19)
曲奇餅乾 (4)
蛋糕天地 (28)
節日食品 (6)
遊戲天地 (2)
訪客留言
Water Pills ... (Chassype)
Come Viagra ... (Chassype)
Vente Baclof... (Chassype)
Macrobid Buy... (Chassype)
Acheter Viag... (Chassype)
每月文章
日誌訂閱
尚未訂閱任何日誌
好友名單
尚無任何好友
網站連結
藍秋哥哥
Ivman自家製的美食
Shirley Li
sina
yahoo
手作日誌
大懶蟲@煮食@玩樂
大少奶
小鈺
小魚仔
卜口的日記
亞B的無鎖事事
肥家私房菜
阿愛's 寫意空間
美味DIY
為食加菲
為食貓
韋太烹飪教室
粉粉的甜蜜時間
得意仔
雪媽媽
蔡師奶廚房
獨角仙
最近訪客
最近沒有訪客
日誌統計
文章總數: 76
留言總數: 288
今日人氣: 0
累積人氣: 49286
站內搜尋
RSS 訂閱
RSS Feed
2007 年 3 月 19 日  星期一   晴天


傳統黑森林蛋糕 分類: 蛋糕天地

給麗梅的生日蛋糕 - 傳統黑森林蛋糕

3月20日係好朋友麗梅嘅生日,早兩日已經整咗個黑森林蛋糕送比佢,希望佢鍾意la!

麗梅,成日麻煩您真係唔好意思,係哩到同妳講聲﹝因為日後都會繼續麻煩妳﹞;蛋糕我好比心機去整,但唔知好唔好味?Anyway少少心意......

                      心想事成 

%u672A%u88DD%u98FE%u4E4B%u524D 未裝飾之前         

                                     已裝飾咗la         再扮靚d先

           麗梅,生日快樂!

傳統黑森林蛋糕

6" 圓形蛋糕模

餅底:

朱古力海綿蛋糕       

材料:                                做法:

蛋            2隻                    1.    預熱焗爐175度

砂糖        35g                    2.    蛋、糖、乳化劑用高速打起;然後加入低粉、可可粉拌勻﹝粉類先過篩﹞。

低粉        38g                    3.    加入菜油及牛奶,輕輕拌勻。

可可粉    7g                       4.    入爐焗約25分鐘。

乳化劑    4g                       5.    出爐放涼後橫切3片備用﹝表皮及底部不要﹞。

菜油        15g                   

牛奶        10g

黑加龠子啫喱餡料:             

材料:                                做法:

啫喱粉    30g                       1.    將啫喱粉+魚膠粉+熱水拌勻至溶化,待涼後放入雪柜凝固。

魚膠粉    少許                       2.    將凝固了的啫喱切粒備用。             

熱水        90g

 

餅面裝飾及組合:

甜忌廉            300g (打至企身備用)

Rum酒            少許

碎朱古力          1 盒

士多啤梨           適量   

組合:

1.    將一片海綿蛋糕放在轉盤上,噴上Rum酒,抆上甜忌廉,再放上啫喱粒,再一層甜忌廉;重複之前步驟。

2.    抺上已打發的甜忌廉,碎朱古力圍邊,鋪上生果及唧花即成。

 



2007 年 3 月 18 日  星期日   晴天


士多啤梨乳酪芝士凍餅 分類: 蛋糕天地
給老公的蛋糕 - 士多啤梨芝士蛋糕

今日係同同嘅牛一,擒晚已經整咗個靚靚蛋糕,準備今日同佢、亞B一齊唱生日歌慶祝,夜晚就會去尖沙咀食Buffet,自從亞B出世之後,我哋好耐無去拍拖仔啦,咁啱同事比咗張酒店食Buffet嘅優惠卷,就襯哩一個好日子去好好享受一番啦!

                            

       

 

士多啤梨乳酪芝士凍餅

6" 圓形蛋糕模

餅底:        消化餅        5塊

               冇鹽牛油      28g

餡料:        忌廉芝士     200g 

                砂榶            25g

                原味乳酪      150g (1杯)

                士多啤梨茸    80g     

                魚膠粉          7g 

                水                3湯匙

啫喱夾心:    士多啤梨粉    30g

                 魚膠粉        半茶匙

                 熱水           90g

                 糖             半茶匙              

餅面裝飾:    士多啤梨茸    適量

                 生果             隨意

                 甜忌廉唧花    隨意

     

做法:      1.    先將啫喱粉+魚膠粉+糖+水拌勻,隔水加熱至溶化,倒入4"盆內,待涼後放入雪柜凝固備用。

             2.    將消化餅壓碎,加入牛油溶液拌勻,壓實於蛋糕模內雪凍﹝約10分鐘﹞備用 。

             3.     忌廉芝士加糖打至軟滑狀,順序慢慢加入乳酪,士多啤梨茸及已隔水加熱溶化的魚膠水拌勻。

             4.    將1半份量的芝士漿倒入蛋糕模內,放上啫喱夾心,再倒入餘下的芝士漿,然後入雪柜雪2小時,取出放

                   上喜愛裝飾即成。                       

 

 

 

 

 

 

                                                                                                             



2007 年 3 月 13 日  星期二   晴天


曉頌的正日生日 分類: 生活日記

今日係曉頌嘅2歲正日生日,老公喺返工之前己經將禮物放咗喺亞B枕頭底,細細聲同佢講〈祝您生日快樂,身體健康〉;生日蛋糕當然唔少得,不過就無時間整la,係伊籐家買咗個迷你心型朱古力蛋糕來慶祝。

曉頌 有個熱鬧開心嘅生日會之外,仲有一個溫馨愉快的生日!

    心型朱古力蛋糕好靚呀,多謝爸爸媽媽!                          

                                               我兩歲喇  

    第一次切蛋糕有d驚驚呀     

     

 

   爸爸陪我,我唔驚喇



2007 年 3 月 12 日  星期一   陰天


曉頌的2歲生日會 分類: 生活日記

給寶貝的生日蛋糕  ...芒果士多啤梨脆脆忌廉蛋糕

時間過得好快,星期二係我個仔曉頌嘅2歲生日,我同老公星期六晚先決定同亞仔開個小型生日會,除咗為佢慶祝之外,仲好想同我D屋企人聚一聚,所以楝咗擒日(星期日)舉行。

除咗沙律同堆蛋糕係我整之外,其他美食都係買返嚟嘅,當然係佢哋鐘意食架啦!講起個蛋糕就驚險啦!自從新年有一晚,同D同事去食飯好夜返屋企,老公話果晚亞仔成晚唔出聲,唔開心,仲自己上床瞓覺﹝未試過),從果晚到而家,亞仔好痴身、郁D就又要我抱,攪到我連  都做唔到,好慘;擒日亞B2點半至瞓晏覺,我即刻趕工,點知剛剛抆完第一浸cream 亞B ,唉!又(已經係4點半),最後..... 

        

蛋糕用咗3片海綿蛋糕,第一層夾咗朱古力薄脆;第二層就係芒果同,我都唔執輸,食咗一件。經師傅指點過,今次整哩個蛋糕比上次好好多,海綿蛋糕好鬆軟,打cream都ok,但抆cream就真係要再下苦功la!

曉頌   身體健康,越大越聽話,越大越可愛!

 

 



2007 年 2 月 25 日  星期日   晴天


香蕉蛋糕 分類: 蛋糕天地

每逢星期日如果無街去,就會趁亞B午睡時間整吓嘢食,今日楝咗個香蕉蛋糕,因為Kasi﹝家中印傭﹞鍾意食。

       



2007 年 2 月 24 日  星期六   晴天


黑森林脆脆蛋糕 分類: 蛋糕天地

2月26日是姨甥仔禧頭嘅生日,佢一早已經叫我整個黑森林蛋糕比佢,因為舊年試做個一次,佢食過好鍾意,但因為我嘅抆Cream技術仲係唔掂,所以決定比錢去學,一舉倆得。

頌禧想事成,身體健康  

  

今晚已收到婷婷﹝我姨甥女)嘅電話報告,蛋糕真係好好味,由其是中間夾住果層脆脆心特別好味,吩咐我要努力再整,梗係la佢哋又有得食ma!

 



2007 年 2 月 19 日  星期一   晴天


極品藍莓芝士蛋糕 + 芒果忌廉蛋糕 分類: 蛋糕天地

慧慧的生日

今日係年初三,亦都係同同嘅姪女慧慧生日,知道佢好鍾意食藍莓芝士蛋糕,所以預先買定材料,如果二哥叫,就可以整嚟送比佢。係美味DIY多聲道發現哩個“極品藍苺芝士蛋糕”食譜,好多網友都話一試難忘,就決定整哩個啦!

                   

    

因為芝士蛋糕唔係個個鍾意食,想照顧一下唔鍾意食芝士蛋糕嘅長輩,所以再整多一個芒果忌廉蛋糕,餅內有三層高,用咗好多芒果做餡同堆裝飾,雖然餅樣唔夠靚,但我諗都應該幾好味!

  



2007 年 2 月 17 日  星期六   晴天


新年快樂__'' 疑惑 分類: 人間有情

秋菊子一家

大家係豬年身體健康,心想事成........

                 



2007 年 2 月 16 日  星期五   晴天


香滑年糕 驚訝 分類: 節日食品

因為近過年的關係,大部份餅友都做好多應節食品,我都唔執輸,整番底滑滑年糕賀一賀年先。

        

食譜來自Kae,我將紅糖改用黑蔗糖﹝隔水蒸1個鐘)。

雖然表面唔夠靚仔,但真係好滑,又唔會太甜,好好味。

   

 
 
 
 


十五週年結婚紀念日 疑惑 分類: 生活日記

大哥成和蘭芝的結婚十五週年          

2月18日係妹夫同妹妹既十五週年結婚紀念日,我&同同都好想係喱一日送份特別既禮物俾佢哋,本來想整個心型靚靚蛋糕,但因為當日咁巧係大年初一太多美食,而且蛋糕食咗之後就唔記得咗當中意義。前幾日行街時發現再加上自己一點心思,決定咗送喱一份禮物,希望佢哋鍾意。

         飲杯     

 姨姨,您辛苦了!

                 姨丈,藍妹啤酒送比您!    

         姨姨,花生您一定鍾意!     

 大哥成 、蘭芝, 您哋結婚週年快快樂樂!

親愛的姨丈、姨姨,曉頌敬您哋一杯,感謝您哋照顧咗我(臭b)咁耐,多謝姨丈咁鍚我,成日帶我去飲茶又買玩具;多謝婷婷表姐日日送愛心湯比我媽咪飲又時常陪我媽咪去健康院檢查,又喂我食mum mum同埋咩我玩;多謝禧頭表哥成日同我玩;最後衷心多謝姨姨,日日煲愛心湯比我媽咪飲,我出咗世又咁辛苦湊我喱個(咁難湊既bb);我和爹d媽咪永遠都會記得您



2007 年 2 月 14 日  星期三   晴天


情人節快樂 驚訝 分類: 人間有情

                        祝大家情人節快樂,快快樂樂過情人節! 

更祝願沒有情人的朋友們佷快會搵到你們的真命天子,

一雙一對,甜甜蜜蜜,快快樂樂!



2007 年 2 月 5 日  星期一   晴天


__新手做蘿蔔糕'' 疑惑 分類: 節日食品

好味蘿蔔糕

今次是我第一次由自已一手一腳做蘿蔔糕,出來的結果__

真係開心 

                     最可惜相片已刪去了      

           

 

 

 

 

 

 



2007 年 1 月 6 日  星期六   晴天


挑戰忌廉蛋糕﹝黑森林蛋糕) 分類: 蛋糕天地

近幾個月己經嘗試過好多芝士蛋糕,好想試整忌廉蛋糕,因為好鍾意餅面嘅裝飾,好靚,而且有D屋企人同朋友唔係咁鍾意食芝士蛋糕。

第一次整真係雞手鴨腳,Dcream打得唔夠硬身,一路抆一路溶,痴朱古力碎時,攪到周圍都係,真係要再好好學習。

蛋糕內層:黑加倫子啫喱加車厘子蓉

但無諗到蛋糕雖然唔靚仔,但姨甥仔同老公都話好好味,可能佢地都一様,好鍾意食朱古力啦!



2006 年 12 月 31 日  星期日   晴天


2006年作品 分類: 生活日記

今年5月由舊同事介紹,入咗而家哩間顧問公司做嘢,雖然人工比已前少好多,但公司好近屋企、時間好、工作好輕鬆無咩壓力、加上同事們相處得好開心;其實我而家真係好需要多D時間嚟照顧我嘅家庭同堆個百厭仔,哩個或者係天主比我最好嘅安排;除此之外最開心係識咗Anders,係佢感染我整餅興趣,教我整餅既知識,而且仲借咗好多用具比我添;係哩短短5個月期間,我睇咗好多網上餅友既食譜同堆整蛋糕嘅方法,亦都嘗試過整好多嘢,當中有D失敗、有D掉咗落垃圾筒、當然亦有D成功啦、好好味啦,希望2007年會有更多成功嘅作品

Anders 能認識您是我的福氣,多謝您一直以來對我的關心同忍耐﹝特別係我患病期間),係哩到向您說聲

      

      

      

       

      

     

         

 



2006 年 10 月 7 日  星期六   晴天


藍莓芝士凍餅 驚訝 分類: 蛋糕天地

大雄的生日

同同的大侄仔生日,好想我整個  送比佢(原來老公對我整D蛋糕都好有信心),就整個藍莓芝士凍餅,因為之前做過,屋企人都話好好味!

祝大雄