開心嘅時間係過得特別快，十堂麵包課程已經嚟到第十堂la，今堂學嘅動物包包，大家都整得好叻，仲好有創意添，由陳sir帶領下，我哋個個都變咗小師傅，睇下我哋d出品.............
點呀!大家睇唔睇到係咩嚟架？不如嚟個大特寫睇真d
工聯會麵包課程(初班)，我哋畢業la！
陳sir 、明哥﹝麵包超人﹞
9月20日→蛋糕課程再見la
肥姐，一位陪住我成長嘅朋友，一位成日都哈哈笑嘅開心果，知道妳近來除咗比病魔困擾之外，仲比個d瘋癲狗仔隊追纏，無論發生咩事，都要開開心心，千萬唔好氣餒，我哋默默地支持您！
開心果，願早日康復，再展笑容
今日掛一號風球，又打風又，好多同學都無返﹝包括妹妹﹞，連明哥都要偷懶去飲，無咗明哥哩個得力助手，亞sir忙到一頭煙 ，差d焗燶晒d包包添
仲有一堂就學完啦！有d唔捨得，希望下期嘅蛋糕課報到名la﹝因為好多人報名﹞， 特別係陳sir教果班，希望可以順利報倒名la，到時又可以一齊玩啦!
平台花園班師奶兵團食過我整嘅muffin都話好食，仲問我識唔識整，佢哋同d小朋友都好鍾意食，其實好多食譜我都想試整，但又担心無人食，而家有咁多人做白老鼠，就可以放心整啦
哩款係....花生同堆花生朱古力曲奇
紅莓乾曲奇 第一盤出爐雖然外型唔係咁靚，但味道唔錯，小朋友好鍾意，第二盤由婷婷同kashi負責造型，整得好靚.....可惜中途亞b瞓醒 掛住抱佢，d曲奇焗到燶晒，浪費咗佢哋嘅心機，下個星期再嚟整過啦！
一至好評嘅咖啡曲奇，味道同外型都
同場加影星期日特別整比同同食嘅蛋白蛋撻，睇見都唔錯，其實靜雞雞話你知，中間d蛋白漿焗極都唔熟，全部掉晒落垃圾筒。
同同有得睇無得食
已經嚟到第八堂啦，整麵包最緊要係搓麵團，哩樣野而家已經難唔倒我哋啦!
炸泡芙 ..... 焗泡芙.....
亞sir話炸嘅熱氣又多油，所以做堆焗嘅比我哋試下，佢話今時今日最緊要健康，點知掛住講健康焗到過晒火.......燶晒啦，真係唔方唔健康啦
第一次整唔係咁成功，因為剛剛屋企d沙糖唔夠，只好用甘糖代替，出爐都好香，但食落好鬆散，散到周地都係，加上用咗大嘅muffin柸，食一個己經飽la
今日得閒，買好材料再整過
蛋糕出爐la！
哩次蛋糕嘅味道同口感都好好，而且細細柸好得意，同同食完一個又一個為食猫，留返d比小朋友食呀
總之整餅整得成功呢就
食譜來自：獨角仙 (我無用新鮮雜莓，改咗用紅莓乾、朱古力粒)
亞sir每一堂梗有d好嘢醒我哋，今堂特別做咗個示範比我哋睇，目的係話比我哋知，出面街買嘅提子“墨”包，同佢教嘅提子麥包嘅分別。
喺出面街買嘅係用煮濃咗的焦糖加水整架，食咗咁多年，而家先知，以後唔買啦
亞sir整嘅係加咗黑啤同庶糖，焗出嚟嘅包包又香又好味，最緊要健康
今日妹妹有事無同我一齊返學，亞sir叫我做堆妹妹個份，仲叮囑我記得攞返d包比妹妹食，唔好成日.......妹妹呀!亞sir真係好好玩，無時無刻都有話題講笑。我知道la
哩個迷你合桃酥係亞sir私人醒架，又香又脆，又簡單。
今堂係學麵包以來最難嘅一堂，大部份同學喺look 麵團個一part出事，大部份將d牛油look晒出嚟，亞sir教唯有用d手粉去補，左補d、右補d，補到成塊麵團都係乾粉！
你哋睇下！仲乾過我個銀包.....
包包出爐，大家都一齊試食，異口同聲咁話，唔多得，要再努力啦!
發....酵之後
我同妹妹都好比心機學架，下面係我哋嘅作品
越來越鍾意陳sir，佢除咗教我哋整包包之外，仲比咗好多歡樂我哋，每次仲可以提早1個鐘返屋企添，真係very good
我哋住嘅屋苑泳池已經開放，妹妹約我再帶謙謙同曉頌去游水，去到泳池睇到謙謙已經玩到好開心
細姨丈第一時間就抱咗曉頌落水，膽小嘅曉頌嚇到不停咁叫﹝唔好呀，唔好呀，返去，返去呀﹞，我只好帶佢返屋企，行到平台花園，佢話要玩水水，企咗一陣，我再帶佢返泳池，表弟不停咁叫佢﹝落嚟la，落嚟玩la﹞，慢慢地佢一步一步行近池邊........你睇!
曉頌敢坐喺池邊喇！
媽媽，我唔驚la，好好玩，好開心呀 !
雖然佢仲未敢落池游水，但已經進一步喇！
今日係曉頌嘅姨丈﹝大哥成﹞ 嘅生日，剛巧大家都放假，就約堆一齊飲茶，咁大陣容另到主角有d..... 受寵若驚!
生日當然唔少得生日蛋糕la，又係我 秋菊子大顯新手嘅時候喇，多謝大家一直比面食我整嘅蛋糕，感謝感謝。
上次學完唧花之後都無機會實習，哩個蛋糕抆cream抆得唔夠靚，所以最後嘗試唧花籃圍邊，近睇唔多得，遠睇都....得得地la!
曉頌，祝姨丈
婷婷，多謝你幫我影嘅蛋糕內心世界
粟米牛肉包、士的包、雞尾包、麥西哥包
上個星期我同妹妹都無返學整包包，因為三家姐6月21日返英國，所以大家一齊去咗流浮山食海鮮!
今日亞sir教咗4款包，我最鍾意食嘅係麥西哥包，今次我醒目喇，上堂之前無食嘢，留返個肚嚟食自己親手整嘅熱辣辣出爐靚包包，好好味呀!
哩兩款就係我同妹妹嘅出品喇
一年一度端午節又嚟喇！當然要食稯嚟應下節la，你哋會自已整定係出街買?
我就最鍾意食我媽媽整嘅客家花生稯，一年只係食倒一次，咁好味，梗係要整好多d!
哩d就係我媽媽嘅出品，絶無蘇丹紅，因為d咸蛋黃係我屋企d鴨生嘅，所以絶對食得開心，又放心！
嘩嘩!哩個係.....咩東東，係大灶，有咗佢幫手，百幾個稯就唔洗分幾次蒸，方便好多架
掛住食唔記得影個內在美比大家睇，下次補返啦！
祝大家端午節快樂！
今日約堆家姐、妹妺一大班人柴娃娃返娘家，皆因 荔枝成熟了
你睇！哩d就係我媽媽嘅產業之一，大家都好忙！哩道只係其中一小部份，因為近排成日落雨，d荔枝都未完全成熟，我哋只係楝d比交紅嘅嚟摘，如果哩幾日有陽光，下個星期就係大豐收啦!
差d忘記咗d大粒黃皮，原本收成好多，因為落雨太多，大部份都爛了，可惜可惜！
全麥合桃方包、提子大麥包、提子小麥包
喺出面街買嘅係用煮濃咗的焦糖加水整架，食咗咁多年，而家先知，以後唔買啦
亞sir整嘅係加咗黑啤同庶糖，焗出嚟嘅包包又香又好味，最緊要健康
.......妹妹呀!亞sir真係好好玩，無時無刻都有話題講笑。我知道la
點呀!大家睇唔睇到係咩嚟架？不如嚟個大特寫睇真d 
陳sir 、明哥﹝麵包超人﹞ 
，無論發生咩事，都要開開心心，千萬唔好氣餒，我哋默默地支持您！
早日康復，再展笑容
，好多同學都無返﹝包括妹妹﹞，連明哥都要偷懶去飲，無咗明哥哩個得力助手，亞sir忙到一頭煙 
，差d焗燶晒d包包添 
，佢哋同d小朋友都好鍾意食，其實好多食譜我都想試整，但又担心無人食，而家有咁多人做白老鼠，就可以放心整啦
哩款係....花生同堆花生朱古力曲奇
第一盤出爐雖然外型唔係咁靚，但味道唔錯，小朋友好鍾意，第二盤由婷婷同kashi
負責造型，整得好靚.....可惜中途亞b瞓醒 
掛住抱佢，d曲奇焗到燶晒，浪費咗佢哋嘅心機，
下個星期再嚟整過啦！
，中間d蛋白漿焗極都唔熟，全部掉晒落垃圾筒。
炸泡芙 ..... 
焗泡芙.....
我都唔執輸，試下先！
今日得閒，買好材料再整過 
蛋糕出爐la！
食完一個又一個
為食猫，留返d比小朋友食呀
你哋睇下！仲乾過我個銀包.....
發....酵之後 
曉頌敢坐喺池邊喇！
受寵若驚!
上次學完唧花之後都無機會實習，哩個蛋糕抆cream抆得唔夠靚，所以最後嘗試唧花籃圍邊，近睇唔多得，遠睇都....得得地la!
曉頌，祝姨丈
掛住食唔記得影個內在美比大家睇，下次補返啦！
