俾小B攪到瞓唔到,老公一出左門口返工,我就醒起今日停食水,發覺今日唔洗衫係唔得,因太多喇,仲要點都要洗2機先得要襯9點前要洗好!!

順便就襯cobi未起身前,掃地抺地;攪好哂,就只有等喇,又襯lee個時候,整理返擺酒時影既相,其實係換相簿但都攪左好耐,洗埋第2機衫都未整理好!!

晨早流流7點幾洗衫又執屋,真係未試過,做好哂要做既野之後cobi就起左身,變左想瞓都無得瞓不過都不及肚入面果個令我咁辛苦!!

 今日同cobi瞓到2點先起身,之後就整飯食,係食返琴晚食剩既咖哩薯仔雞奕,再加半罐茄汁焗豆,3點幾4點就食到好飽lu,cobi都食左一大碗飯,佢真係要留係屋企先食到野咁,一出街食就心野哂,唔係點肯食野!!

跟住就要佢做功課,佢好似好開心咁,可能因13號到依家都無返過學,覺得悶啦,所以做功課時佢好定,中文線條同埋假期作業做哂喇,只係剩返英文線條有4頁未做,同埋份閱讀報告,算係好好既一次(係對自己講)......

(閱讀全文)

 見今日好有精神同power,就叫Cobi做功課,13號開始放假之後,佢就無掂過書同功課既野喇,真係要好好咁定個時間表俾佢先得!!

琴日係花園街買左3粒學寫字既揸筆膠,但就發現用左之後Cobi仲緊加唔識寫野咁,最後都係拎返起,等佢真係學寫字時先俾佢用,搵日去買三角筆俾佢同黎做功課仲好,好彩只係"哂"左3蚊!!

今日要佢做左3頁英文線條功課+2頁中文線條+8頁假期作頁,都幾好,佢認字認數都ok,同埋最開......

(閱讀全文)