[牛井牛肉飯]

今日係吉仔超市買左牛肉片(類似肥牛),只係$13.9咋,好抵呀;份量仲岩岩好夠哂一家3口食tim!!^.^

我都係跟人地食譜做咋,但就無用哂佢講既野,因我唔想用味淋呀!!

不過一定要買支牛井汁先做到,係吉仔有得買架喇!!

我無用哂成支黎煮架,倒30ml既汁,就加多30ml既水,自己去試味就ok!

當然唔可以用吉野家牛肉飯做比較啦,但都幾好味架,係另一種味道,good!!

 [叮芝士蟹柳腸仔意粉]

琴晚整剩左少許意粉,咁就留黎今日食既下午茶,加蟹柳,腸仔,再加上李錦記既香草蕃茄醬,就ok哂喇,當然唔少得既芝士片放面啦,放入微波爐加熱即可,都幾香架!!

不過今次失手於,落得太多香草蕃茄醬!!

今日帶左晴晴去睇醫生,佢已經鼻塞左1,2日架喇,瞓覺時佢瞓得好辛苦,

襯佢岩岩作病,就早d帶佢睇醫生,好在醫生都話岩岩起,會好快就好返,唔駛擔心,

但晴晴今次都係氣管敏感影響,佢瞓覺時唔成日踢開哂d被就好啦

咁攪法,著幾多衫都無用,上月睇一次,今個月又睇一次...唉,真攞命!!