[豆卜魚片咸酸菜炒芽菜]

                    [菜芯炒臘腸]

今晚煮左3味餸,[豆卜魚片咸酸菜炒芽菜]係好平既餸,不過因今日懶既關係,全都一次過倒哂落鑊炒就算,D魚片炒得唔夠透,差少少!!

[菜芯炒臘腸]就好好喇,好快就無左半碟,晴晴仲好like食d臘腸!!

話有3味,仲有一味就係煎豆腐喇,不過無影相!!今晚餐飯真係豐富咯!!

今日原先都好好心情,因整好左曲奇接晴晴放學,同琳琳一齊行時都諗緊唔知佢地見到d曲奇會唔會好開心;點知佢就發我脾氣話要食糖,

事原係豪仔媽咪俾左粒糖晴晴,但佢咳緊,叫佢好返先食,佢唔聽,仲要係街到發哂爛榨,我嬲既唔係食唔食糖既事,而係佢對我既態度,真係好硬頸,好大脾氣,佢叫我要行另一邊,我唔肯佢就發癲,果刻我真係好滾呀我拉住佢返入學校,話唔帶佢返屋企,佢好驚咁話唔好,一見到老師個樣就驚驚地,因佢知係自......

(閱讀全文)

4號果日整剩既蛋撻皮,今日終於俾我整左做曲奇餅,真係好好味呢!!

仲好鬆脆tim,帶左d落樓接晴晴放學,但好快就食哂lu,因分左d俾同學仔&老師食,

好在屋企都仲有4塊係到,晴晴一入屋,即話要食聖誕樹餅!!