今日嚇死我喇,晴晴今朝8點,成身慶哂,好滖咁....佢燒成38'c,果刻好亂,即時打俾老公,老公提我屋企有退燒藥,好在佢提一提我咋,唔係既話我會等到診所開門...真係好緊張,成個人魂不付體咁,不斷諗點樣可以同個女退燒,等佢無咁辛苦,因仲未退燒果陣,晴晴訓到轉來轉去,不停咁郁架,睇到就知佢好唔舒服...好在佢依家食左退左燒,希望聽日可以好返哂啦...
今日媽咪帶我到大埔婆婆家,因為今日係冬至,要返去食飯,婆婆煮左好多好好味既餸俾媽咪,baba食,佢地食到好飽,我亦都有份食,食魚飯,好好味架,我食左半碗,好飽呢!!...每日都可以食到婆婆煮既野就好喇..
