啦啦隊.. ]

好耐無打blog啦... 因為最近超級勁爆忙...

又要啦啦隊啦

又要sing con啦

學校又勁多功課啦

仲有tests & exams...

不過今日都抽小小時間黎打blog =`)  硬係覺得唔記低呢d野遲早會唔記得 sosad

年年我都有參加啦啦隊, 今年當然唔例外啦 =")  由一開始學覺得好難, 練多幾日就發現原來自己已經識點跳, 呢個過程真係好好玩 ^^~  當你發現自己識左之後, 就會覺得好開心; 當你可以一次過跳哂成隻舞, 就會有種難以形容嘅成功感...... 其實再過無耐我地嘅sports day就會到, 之前我地社嘅啦啦隊攞唔到獎, 雖然好唔開心, 但我都無喊到 /_\  但係見周圍好多人都喺度喊囉` 果一刻我的確有衝動想一齊喊出黎, 但我始終忍住左, 因為我係一個好重面子嘅人...... 今年有勁多人參加啦啦, 我真係好開心, 其中大部分都係F1新生黎... 原本我係諗住佢地可以幫社拎番個獎番黎, 但後來見佢地成日hea, 又唔黎練, leader 教左幾次仲係唔識, 專門搗亂, 唔聽leader 話...... 我真係勁唔開心囉` 我甚至有諗過會因為佢地而輸...... 距離sports day 嘅日子所剩無幾, 我希望佢地可以好好咁改善, 喺果日嗌大聲d, 為我地爭光, 為我地攞獎!!! swimming gala 果日我地游泳嘅項目攞唔到第一, 其實我地預左` 但係因為啦啦隊睯努力, 拎到第一, 結果我地喺果日嘅總分同另一個社平起平坐, 一齊攞到swimming gala嘅第一!! 番到屋企, 我喉嚨沙哂, 兼且我果日原本就唔舒服, 喉嚨勁痛, 嗌完之後我更加痛囉` 但親眼見住社長上台拎獎, 心情真係好激動, 就算點都係值得 =")  其實拎完獎應該個個都係鬥志激昂, 但係就變得完全相反, 我希望唔好係因為攞左獎而不思進取啦` ="(  我地一定要keep住個勢, 拎埋sports day嘅champion & 啦啦隊嘅champion, 成日全場總冠軍, 成為the best champion!!!