絕對戀愛命令

考完試, 對埋卷, 心情變得極端 (輕鬆冇壓力-->緊張驚訝) 嘅日子已經過去 xD  都係時候到我打機睇漫畫睇動畫啦~ 不過... 電腦唔知咩事冇左聲, 睇動畫超冇feel. 於是, 上次借電腦俾我家姐用果時, 係完全唔覺得遺憾嫁 x)  反正我有大把漫畫可以重睇, 更何況佢已經買左2,3本新嘅漫畫~ 今次我想講嘅係絕對` 第4本. 頭3本係講, 雪菜捉到時雨把柄, 就要脅佢教自己戀愛~ 好啦睇我咁打好似好浪漫, 但實情係, 佢地唔鍾意對方, 但係又要做d 曖昧行為, 令到故事發展非常緊張 >v<~  不過晶嘅存在同麻美嘅出現, 令雪菜對時雨嘅心搖擺不定.. 唉... 原本前3本都幾正常嘅, 但係第4本果時出現左d 更加色色的情節 >口<  哎呀哎呀, 果陣我喺度諗, 乜遠山繪麻老師畫埋d 咁嘅野... 呵呵, 不過事實上我唔抗拒, 更激烈嘅我都睇過 xp  呢d, 濕濕碎啦~

好開心發現, 老師畫得d 人物又靚左 0v0  以前我係稍微認為人物側面好怪, 不過而家改善左~ 故事發展得幾唔錯, 但係一見到麻美就憎.. 不過可以好明顯咁襯托雪菜嘅遲鈍, 亦都加深左佢對時雨嘅感情嘅遲疑, 讚好 +1+1+1+1+1+1+1 ~~~ 其實我係幾鍾意晶呢個角色, 又靚仔啦又專一啦又溫柔喎, 雪菜唔揀佢真係大哂 (我擺明咁踩緊時雨 xD ) . 好似晶呢種角色, 喺咩故事入面, 即使係男主角, 都只會係第二男主角. 男人不壞, 女人不愛. 呢句話真係講得超好. 明明晶喺邊方面都咁好 (事實上我係想話同雪菜有血緣關係又鍾意佢呢點好 =v=` ) , 可惜佢太善良 =   =||  通常都係會鍾意果d 明明好關心人地又表現到冷酷無情果類+毒舌嫁嘛 >//<  睇到呢d 情節應該有好多人會會心微笑 (雖然我唔會微笑, 而係奸笑/大笑/偷笑) , 晶果種就只會令人覺得, 女主角有個咁好嘅人關心真係好, 但唔會認為佢地應該喺一齊咯.

4角戀故事真係複雜到令人頭痛, 但其實都只可以話係整篇野入面嘅配菜, 由一開始就已經可以估到, 結局嘅大概, 其餘嘅, 只係令故事好似好峰迴路轉咁, 黎黎去去咪又係講果2個注定一齊嘅男女主角? 經過一次又一次嘅考驗, 兩個人終於喺埋一齊啦~ 完 -   -+  大部分少女動漫都係咁嫁啦, 不過 >//<  我暫時比較鍾意嘅果類型動漫都係呢本啫~