快樂尋回犬﹏。

喺電視睇左《快樂尋回犬》 以哥哥偷狗 想送俾阿妹做生日禮物為開頭 令我諗 如果有人為左我做d咁嘅野就好.. 最好又係送隻狗啦 哇哈哈 之後做阿哥好鍚阿妹 但佢就郁d唔開心 發脾氣 真係俾我感覺好煩.. 小白 (狗名) 一直同佢地兩兄妹生活 直到有一次 佢地喺冰上玩 小白唔小心跌左落水 阿哥又行開左 阿妹就走近d去睇 點知d冰又裂開 阿妹都跌埋落去 小白自己爬番上黎 但阿妹就沉左 就咁死左嚕.. 睇到呢度我又覺得好可惜 就算佢鍾意喊 但係喺戲入面咁嘅角色又顯得幾可愛 之後阿哥太嬲 留低小白去搵佢阿媽 小白竟然行去搵阿哥 =_=  仲有一大堆 就唔講埋啦 :D

睇呢齣戲 我總共喊左3次 比較深刻嘅係 阿哥終於原諒小白 但係佢地開心玩嘅時間就唔長 最後因為小白要保護阿哥 俾個衰人毆打 阿哥帶住小白番屋企 喺車站度死左嚕.. 果時我眼淚流得最多 =.=  真係非常非常咁感人嫁 而佢地阿媽呢 因為知道左阿妹死 都覺得好內疚 搬番去同阿哥一齊住 既然佢死會傷心 點解唔一早就陪住佢兩個呢 丟低佢地唔理 到失去一個之後先黎後悔 會唔會太遲 佢地需要嘅時候 冇人幫 到後來覺得歉疚先搵番剩低果個 真係遲左d啦

其實呢我一直都想養番隻狗 但係居住環境同我媽嘅反對一直都冇得養 睇過呢齣戲 我喺度諗 如果我可以養 養嘅又係咁乖咁聰明咁忠心嘅狗 我一定會好鍚佢 因為佢帶俾我幸福 我都要回報佢 可惜阿 我就連養隻唔乖唔聰明唔忠心嘅狗嘅機會都冇.. 希望第時 會有一日 我可以養狗 就算佢幾咁唔好都好啦 我都會陪住佢 照顧佢 直到佢或者我 失去生命嘅一日 咁就唔會俾機會我 去後悔 冇好好同佢一齊生活