| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2005 年 6 月 12 日 星期日  |
冰冰  |
分類: 未分類 |
張淑冰!!我講你聽呀 ~你呢一世都係我既好朋友呀~~你唔使指意可以走佬呀 . 呵 !!我真係好唔鐘意見到你喊呀 . 我記得自從中一之後 , 我就已經好少見到你喊啦 . 但你呢排 , 成日都喊 . 你知唔知呀 . 你一喊 , 攪到我勁心痛哦 . 我好唔鐘意見到你喊呀 . 所以呢 , 你要堅強d呀 , 唔好成日喊呢 , 要知道你對眼已經唔大架啦 , 喊完之後 , 對眼就淨返一氣線咋 , 咁樣就唔靚架啦 , 知唔知呀 . 所以呢 , 唔好成日喊啦 , 想喊果陣 , 搵我啦 , 我隨時stand by 等你呀 . 知唔知呀 . 講你聽哦 , 你淨係準起我膊頭喊架咋 =.=收到未 >.<呢個權利你要留返比我呀 . 知唔知呀 . ^^呀. 仲有樣野唔記得講 , 你隻手真係好軟淋淋呢 , 好好拖哦 . 呵呵^^
謝你哦~~~謝謝你比我地識左5年 , 又做左5年好朋友哦 . 謝你哦~
同時今日都好多謝阿ben哦~~呵~~
|
| 2005 年 6 月 10 日 星期五 |
| 興奮 |
分類: 未分類 |
呵~~今日好好太陽哦.好興奮哦 , 所以我出左去踩單車呀 . 正呀~~好熱 , 又好好太陽呀 . 美中不足既地方係無藍天白雲 =.=不過唔緊啦~都係好開心.
今日踩單車既人都幾多 . 唔知點解 , 仲有好多露體狂tim =.=呵~~~~~~不過....佢地應該操fit d先除衫啦 =.=
今日勁好彩呀 . 比我見到有個靚仔 , 佢靚唔係靚在個樣 , 而係隻手 . 嘩佢隻手真係好靚架 , 有肌肉得黎 , 又唔會肌肉橫生 , 而且又曬到好黑 , 天氣太熱 , 攪到佢隻手勁多汗 . 嘩...配搭埋一齊 , 真係prefect !!! 當然佢個樣都唔差啦 . 呵~~*
返到屋企 , 沖左個靚涼 , 再訓左一教 , 真係正哦. |
| 停 |
分類: 未分類 |
我已經考晒所有試 , 每一日都十分空閑 , 好想搵一份工做. 但每一份都係話 , 你返屋企 , 等電話啦 . 唉~~~~~�幙ㄙ器D無咩機會架啦 . 突然 , 我覺得好迷茫 , 唔知自己應該點行 , 應該向前行 , 定係停止? 唉~~~~~
最近過得好平淡 . 每日都係做相同既事 , 但係我好多謝星 , 雖然你話係我陪你 , 但我覺得係你陪我過呢d咁迷糊既時間 . 謝你哦 . 識到你真係好開心 , 謝哦.
最近 , 已經好少同冰冰傾計lu , 呵~~已經五年既友情 , 唔知仲可以維持幾耐呢? 唔知我 , 阿盈 , 芝姐同6筒既友情又會維持幾耐呢 , 但無論點啦 , 都好開心識到你地 . 呵呵~~
唔知 , 如果有一日 , 我突然死左 , 你地會唔會為我而喊呢?記得當初 , 有人咁答過我 , 我係一個好冷血既人 , 所以真係唔知會唔會喊 . 當時我既心情 , 真係嚇左一跳 , 點解佢既答案係咁? 呵~~好無奈哦~~原來友誼就值咁多~~呵~ |
| 2005 年 6 月 8 日 星期三 |
| 抱擁這分鐘 |
分類: 未分類 |
今日去左睇戲 , 睇我一直都好想睇既抱擁這分鐘 , 好失望哦 . 無我想像中咁好睇 . 而且我去之前 , 做左個好失敗既決定哦..呵~~就係同阿盈一齊睇 . 佢出晒名係咁笑 , 無論幾開心定係慘既事 , 佢都可以笑到肚痛 , 真係服左佢呢 , 勁 . 呵呵 . 記得有一場 , 女主角寫左封信比個男仔 , 個男仔一邊讀 , 就一邊好慘咁喊 , 我都喊左 =.=因為真係好慘呢 , 點知坐我隔離既阿盈 , 佢不停係咁笑 . 個場面勁無奈囉 , 因為四周圍d人都喊到好似豬頭咁 , 但佢笑到見牙唔見眼=.=攪到我都喊唔出 , 同佢一齊笑 .....呵~~~
睇完戲 ,食埋飯 , 攪到11點喎...我電話整左震機 , 所以聽唔到阿ma個d電話 , 唉~~~~又比人鬧囉...真無奈.....
返到屋企 , 沖完涼就訓教啦 , 呢排唔知點解 , 晚晚都發d好奇怪既夢哦 . 但奇怪的黎 , 晚晚出現既人都係差唔多的...無奈 =.=攪到我訓左就好似無訓過咁...... |
| 2005 年 6 月 6 日 星期一 |
| 平淡 |
分類: 未分類 |
好耐 , 好耐都無好好咁寫日記啦 . 我都唔知點解 , 覺得自己最近好怪 . 雖然我不嬲都係怪人一個 . 每一日都唔知做緊咩咁 .每一日都係起身 , 整野 , 上網 , 睇小說 , 傾電話 , 沖涼 , 傾icq , 食飯 , 訓教 . 點解我既生活淨係有呢d野?我既時間好似好多咁 , 由佢自己過 ,而且我既責任就係睇住d時間係咁過 . 真係唔好受呢 .
今日去左搵野做, 好想起呢3個月既假期入面 , 搵返d工作經驗 . 其實我係好想做m記架 , 但係我又唔多敢去見喎 . 唉~~~~之後就搵左個fd同我去見大家樂 , 同ok . 兩個都係話填form等通知 . 真係希望可以請我地啦 .
今日又係好平淡咁過左lu... |
« | 19 | 20 | 21 | 22 | 23 | 24 | 25 | 26 | 27 | 28 | ... | 34 | »
|
