一個字 , 累

呵~~今日係6月2啦 .

今日無咩特別事發生 , 如常地 , 蟹仔訓到黃朝八晏 , 但成日都好痛囉 , 因為琴晚游左好耐水呢 , 好開心呀 . 呵~~

我地聽日oil station會bbq哦..好期待呢 .

好想搵工做呀...有無人可以介紹我呀...

今日要考oral啦 . 係我最後一科既科目 . 其實都好辛苦 , 因為一出ｃａｍｐ即刻就要練oral , 面對自己起個camp入面 , 成日都大叫 , 叫到把聲沙晒 , 有時仲出唔到聲tim . 同親人講野 , d人都一定會話 , 嘩 ,你把聲好難聽呀...=.=好無奈呀..自己好擔心自己考oral把聲會好唔得 . 會考得唔好 , 好彩今日把聲好左好多啦 . 真係感謝主呢 .

我 , 蟹仔係一名路痴...=.=我好多時都唔會自己一個人出街 . 因為我真係好容易當失路 . 但係我真係好想自己可以自己去考場考oral (我考果間係起沙田既 , 但果間學校..我真係唔知起邊.) , 明明好大決心架. 但係最後都係有人同我去 =.=好無奈囉...不過都好彩 , 如果唔係有人陪我去呢 , 我都一定會當失路 =.=睇黎主都唔多放心我自己一個去呢...每之都一定會派人起我身邊..上次去中環interview又係咁...

考oral之前 , 真係好驚呢 , 因為好怕遇到d好勁既人 , 又怕會遇到d唔講野既人 . 唉~~~入去考室之前 , 個人係勁驚囉..入到去 , 編晒d 組員啦 . 點知原來我係6月一號既第一組人考...無奈....咁都唔緊要 , 早d考完 , 早d玩呀ma . 我既考官一個係miss , 一個係中年既男人 , 個男人勁好笑容架 , 但個miss勁cool架. 真係天淵之別囉. 不過今次我又唔多驚 , 因為個阿sir勁好笑 , 攪到我自己都成日起到傻笑...呵~~~我好enjoy個oral test , 真係感謝主呢 . 雖然唔知個成績點 , 但都考左啦 . 希望滿意啦 .

講起上次圖書館既interview , 我就勁down啦...我入唔到呀...我無機會起圖書館到做啦...嗚.........大好機會 , 就咁就走左啦...

3日2夜既camp終於完左啦 . 今次既camp對我黎講. 好重要 . 比多好多好多唔同既感覺比我 . 神也都起呢個camp入面比我經歷好多 . 今次係我既第三次去camp , 但今次係我最深刻既一次 .

自己今次有份攪個camp , 先發現原來要整一個camp真係好多野要整 , 原來一個好既camp并唔係容易去整架. 我起去之前 , 真係學到好多野 . 其實起一開始 , 我好驚 , 因為怕我做唔到 . 一來 , 自己去camp玩過既game唔多啦 , 可以提供出黎既意見又唔多 , 二來 , 自己同其他負責人既性格好唔同 . 我係偏靜既人 , 而阿徐 , 阿嘉同meilan都係好玩得 , 係唔係都笑得一餐既人. 感覺上自己好不如他們 , 好似溶唔入佢地既圈子一樣 . 感覺好down呢 , 而且起整野既過程中 , 好多野要準備 , 真係好辛苦 . 雖然今之係福音camp , 但係感覺上  ,我好似同神越黎越遠 . 自己好唔開心 , 但係自己又無動力去改變任何既事 . 之後同game team d人相處耐左 , 發現要容入他們的圈子并不難 , 只要放開自己就可以了 . 好多人都話. 我變左好多 , 話我開朗左好多 , 其實我自己聽到好開心 . 因為佢地話我之前好靜 .但唔知點解最近變得多野講左  , 開朗左 . 自己都好開心有呢個轉變呢 .

嗯..起去camp之前 , 都已經有好多感恩 , 感謝主比我同gt人夾到 , 比自己學到好多野 , 比自己真係有能力做到 . 但估唔到 , 原來起個camp入面 , 仲有勁多既事等住我去經歷 , 去體會 , 去感恩. 一入到camp , 自己呆左 . 因為個campsite同自己預計的很不同 , 而當時天陰陰 , 仲落緊微微雨 , 成組人都好擔心 , 因為我地以下既游戲都係要戶外既 , 如果係落雨既話 , 就會玩唔到 . 好擔心 , 我地又無後備既節目喎 , 真係好怕無得玩呢 . 仲有突然個草地進行維修 , 竟然唔用得..我地唯有轉地方玩 . 但起呢個game入面 , 經歷到好多好多神既大能呢 . 神比我地玩game既時候無落雨 , 但係一玩完個game就落雨 , 神又比能力我地 , 比我地可以有其他場地玩到個game , 真係好感謝主呢 .

仲有好多感受呢 , 呢個camp係我最難忘的一個camp呢...真係好感謝主 . 主起呢個camp入面 , 比我見到好多好多野 , 唔單單係一個福音camp , 對自己已經係基督徒既自己黎講 , 呢個camp仲將我同神既關係拉近左好多好多 . 真係好感謝主呢 .

感覺上 , 好似好耐都無寫日記啦 . 但最近真係無咩心情寫日記 . 但另一方面 , 又唔想自己既日記荒廢 . 唉...矛盾混合版的蟹仔~~~

呢幾日 , 心情都很差 . 唔知發生咩事 , 好似個腦成日都唔起個頭到 , 咩都諗唔到 , 咩都load唔到 . 感覺很差呢 . 咁既日子 , 仲要過幾耐 . . 心情很差呢 .

唉 . 最近d時間過得好快 , 快到都唔知咩事 , 就完左一日 . 感覺好灰呢 , 明明已經好多野做 , 明明已經好充實 , 但點解會咁?可能係少左個男朋友 . 呵 , 但我好懷疑 , 有幾多個人頂得順我呢 .

我唔知我幾時死 , 唔知下一刻會發生d咩事 , 亦都唔知我既命運如何 , 但我好希望可以好好咁訓過一教 , 好好咁感覺成班fd一齊玩 , 好好咁愛一次 , 好好咁同家人相贏 , 好好咁考一次試 , 好好咁對一個人 , 好好咁享受陽光 . 仲有好想好想好好咁做好多野 . 但人咁化學 , 我又可以要求d咩?不過 , 只要神願意 , 神容許 , 我便可以 . 試過好多次 , 我自己覺得一定無機會既事 , 但都奇妙咁得左 , 呢d都係神既恩賜 , 神既容許 . 但點解我呢次唔都放手交給他呢?係 , 我應該放手交給他的 . 因為我信他 . 因為他愛我.