今日中午開完會之後 , 去左踩單車 . 今日天氣好好呢 , 藍天白雲 , 唔去踩就真係浪費呢 =.=所以我就去左踩啦 . 呵呵! 但係好傻瓜呢 , 唔記得帶帽 , =.=曬到死咁制 . 返左黎沖完涼之後 , 先發現自己曬到好黑 , 成塊面同對手都曬到紅晒 =.=攪到比阿妹同家姐笑我似印度人 =.=嗚...............

今日踩單車果陣呢 , 抄車呢 =.=已經好耐都無抄過車啦 , 唔知點解今日會抄車 . 真無奈 . 我係同一個細路撞埋一齊 . 嗚.....好彩個細路無事 . 但我自整親菠蘿蓋同隻腳 . 最慘既係 , 我架車頭整歪左 . 攪到又要拎去整 . 好麻煩呢 . 不過都好 , 免費的 . 呵呵 .

點解人越大 , 就越懂得掩飾?就越懂得為自己打做面具?我討厭這樣 , 可否回到過去 , 一切還完?

今日呢 ,  好討厭自己呀 . 嗚....我成日都控制唔到自己既舌頭 . 成日都講左d唔應該講既野 . 真係好對唔住呀 . 真係好衰呀我...希望自己可以改啦 . 因為我真係唔想咁呀 . 唔想做大嘴巴 . 真係好對唔住呀...我會改的 .. .

差唔多成個禮拜都無寫日記啦 . 呢個星期 , 係我地學生會既傳宣期 , 真係好忙呢 . 好多野做 . 小息 , LUNCH同埋放學都要開會 .真係好辛苦 . 夜晚又成日傾到好晏先走 . 每晚返到屋企都比阿ma 鵝 , 去到一半時 , 我好想放棄 . 亦都同阿藍講左.但講左之後 , 我又後悔 , 我發現我真係好想攪 . 而呢個星期 , 同組員都相處得好開心, 所以好好呀 . 星期二就選啦 , 唔知結果係點呢 , 但點都好啦 , 因為呢一切都係神所應許的 .而且我地隊隊都咁好 , 所以邊組羸都係一樣啦 . 呵呵

呢個星期好多野做呢 , 又要練水, 又要學生會 , 又要去團契.唔知點解 , 所有野都堆晒一齊 , 真係好累呢 =.=而且中六好辛苦呀 , CHEM讀到嘔白泡 . 但點都好啦 , 一定要捱落去呢 . 所以如果你睇到呢篇野 , 而你又咁岩係中六或中七 ,你地都要撐落去呀 . 因為年半好快就過架啦 , 有神照住 . 我地唔使驚架 . 知唔知呀 .奸爸爹 .

最近攪緊學生會D野 , 一開始我真係好有決心去攪 , 但係依家 , 個心都唔知想點 . 唉...好辛苦呢 =.=神呀...撐我呀

開始正式上堂啦 , 中六中七D野真係好得人驚呢 =.=竟然每份卷要考3個鐘...一日仲要考兩份 =.,=好得人驚呢 嗚.............但又好似好好玩咁..哈哈 . 矛盾的蟹呢 . KAKA . 今年一定要好好讀書啦 . 比多好多心機先得呢 . YEAH . 今年咩都要以讀書為第一啦 . 呵呵 . 加油呀 .

各位5E既同學仔 , 加油呀你地 . 雖然我地每一個人所行既路都唔同 , 但係曾經係5E就5E架啦 , 無得變的 . 所以你地都係注定要比我煩死架啦 . 呵呵 . 搵日一齊出黎玩玩啦 .

今日真係好累啦 . 因為我已經連續兩個星期無放過假啦 . 真係好辛苦 . 呢兩日開學了 . 好多關於學生會既野要傾 . 真係傾到好累呢 . 有時真係好想搵個人撐下我呢 =.=識做啦你地 . 快d撐下我啦 . 不過好彩 , 聽日星期六 , 可以連抖兩日 . 真開心呢 . 聽日可以再返教會 , 太好啦

今日睇妙手仁心 , 阿paul講左幾句 , 好正好岩feel . 意思大概就係 , 有d野 , 一直起自己身邊, 我地會覺得理所當 , 不會去珍惜 , 因為我地覺得係必然的 . 到失去時 , 我地先會明白到果樣野有幾重要 , 我地自己有幾唔識珍惜 .雖然呢幾句野好老套 , 但係真係好中呀講得. 我自己都係一個咁既人 , 成日都以為有些事物是必然的 . 成日都唔識去珍惜 . 以為佢唔會離開 . 點知 , 當真係離開了 , 先發現真係好唔捨得 . 要知道 , 呢個世界上 , 機會唔係成日都有 , 當你錯失了就是錯失了 , 無叮噹既時光機可以返返去以前 . 唉...突然好後悔呀..但我可以點做?

係時侯 , 學慬如何珍惜.