星期五 , 又係團契既時間啦 , 今次呢 , 我就要帶兩個中一既男仔 , 做一份心理問卷 , 用黎測下自己對自己既了解程度 -.-但我個人認為份測驗好唔準呢 -.-都幾偏激....但係重點係 , 我帶既果兩個細路 , 都好好人呢 , 一個叫阿杰 , 一個叫毅進 . 呵~~佢地呢 , 好攪笑的 , 一個就不停咁講自己既野 ,一個就好似好老成咁講D細佬仔野 -.-呵~~笑爆 , 再加埋超多野講既我...真係好好傾呢 .但係我好慘呢 , 比佢地笑我矮 -.-唔信我係中六 -.-鳴....

琴晚去左游水 , 同文仔同GARY一齊去 ...我發現呢 , 我既蛙式有好多錯處 0,0突然要我改..真係好難呢 . 因為太習慣之前果隻...希望可以快D改到啦...因為就快要比賽啦.....一定要比心機呢 . 求神保守呢 .

呵呵 . 好勁呀 , 今日好叻呀 . 因為呢 . 今日去左練水呀 . 我地竟然游左40個池呀 . 好勁呢 . 呵呵 . 好有成功感呢 . YEAH . 不過真係好累呀 . 累死左咁制 . 好黑人憎呀 , 游水果度呢 , 成日都有個阿伯起到"裝"我地呀 . 雖然呢 , 我就無咩資色比人望 , 但係佢呀 , 我地每一次行過 , 佢都會特登沉落水 , 望我地 .然後仲伸對手入黎我地快線到 , 成日都借d椅摸過黎 . 人到老年 , 都仲咁喊濕 -.-激死啦 .

好耐無睇過令我覺得好好睇既戲啦 . 琴日去左肥好屋企 , 睇左喇叭書院  , 真係好好睇呢 . 最尾果陣 , 真係好好睇. 睇到好開心呢 .

呵呵

今日勁爆開心呀 .

今日去左教會既DAY-CAMP , 係起香港果邊既 , 個CAMP SITE好靚呀 . 好有FEEL呢 . 如果下次可以起果度3日兩夜就好啦 -.-開心死囉咁就 .

咁呢 , 今日呢 , 我去左玩繩網呀 . 我地好多人一齊去排隊啦 , 睇住個教練教我地點玩 -.-個心都驚到震晒 0,0我有少少想閃人 -.-因為真係驚呢 . 但後來我又覺得一定要玩 , 如果唔係就對唔住自己啦 , 有咁好既機會 . 之後祈左個禱就衝埋去啦 . 一開始 , 我驚到對腳係咁震 , 但過左陣之後 , 覺得感覺越黎越好 , 真係好好玩呀 . 呵呵 . 好彩有玩呀 .

我覺得今日玩繩網係我既突破 , 所以好開心哦 . YEAH . 東東同阿BEN都好勁呀 , 行得好快 . 無幾耐 . 佢地就玩晒所有野啦 . 勁呀 !!

今日返學勁多書要帶 -.-真係重死咁制 , 仲要帶埋野去 , 準備放學去游水 -.-真係超多野拎 ...成日都拎咁多野 , 唔怪之得我咁矮啦 .

今日呀 , 無啦啦陸運會叫我去跑4x100 . 係人都知 , 4x100係最好睇架啦 , 叫我呢d慢到死咁制既人去跑..真係無晒氣氛  , 嗚....我死都唔去跑呀........4x400都仲ok..但係要跑100米 ,我真係無爆炸力呢 . . .

放左學之後 , 就去左操水 , 今次就真係操水啦 , 游到死咁制 ...不過好有滿足感呀 . 因為記得當初我淨係連續游到兩個架ja . 但呢排游多左好多呀 . 體力都好左好多呀 . 希望可以慢慢游得快d啦 . 因為好快就要比賽啦 =.=希望唔好出醜啦 . 唉...

琴日好魚呢 , chem堂做lab , 點知我一開始就做錯左個step , 自己又唔知喎 . 到左最後 , 我先知我做錯左野 , 果陣已經淨返一個鐘 -.-我要由頭做過 , 嗚...好慘呀 . 攪到個個都走晒 , 我都未做完 . 但未做完又唔可以放lunch . 唔做又唔得 -.-因為要寫report...所以唯有淨返自己一個繼續做啦  . 不過都好彩啦 , 因為李sir都陪我傾計 . 佢真係太好人啦 . . 做到1點5 , 先做完 . 足足做多左5個字 . 好彩冰冰幫我買左野食返黎 , 真係正啦 . 好彩都食到飯呢 .