呵呵~~今日好正呀 . 今日放左學之後 , 同阿俊去左灣仔果邊上堂 . 本來都覺得好悶架 . 點知後來我發現左有一個好斯文既人 . 好清秀 , 好靚仔架 . 但唔知點解 , 感覺上唔知佢係男定女 .點知到左最後走果陣 , 佢一企起身 , 就發現佢係穿校服裙的 -.-o 嘴...不過真係靚仔呢 ...呵呵

十點返到屋企 , 但係阿媽唔起屋企 . 所以要自己煮野野..我都好耐無自己煮過野食啦..今次煮返 , 呵~~味道都仲ok  . 真係寶刀未老呢 . kaka

唉唉...好蠢呀 . 點解chem會咁難架...好多題都唔識做 -.-如果我可以聰明d就好啦 . . 嗚...點解西牛要咁勁 , 點解佢要坐我隔離喎 , 攪到我好似好蠢咁 -.-嗚.....好唔公平呢 . .

呢排都好忙呢 . 日日都有野做 . 但係就係唔願得溫書 . 已經累積左唔少野要溫...但都仲係唔可以的起心肝溫書 . 唉...希望可以快d溫書啦 . 學生會果度 , 又好忙喎 , 因為買文具果度 , 個供應商好麻煩 , 又呢樣又果樣 . 攪到訂晒野 , 收晒錢, 但係話無貨 . 真無奈 . 攪到又要搵返d學生解釋 . 真係麻煩呢 -.-

呼~~入左兩日camp . 好累呢 . 其實呢排都好累啦 , 日日都好多野做 . 真係忙到嘔 . 又訓得唔好喎 -.-勁慘 . 今次入camp , 其實都係膽粗粗話入就入 -.-我都驚我自己會捱唔住 , 但好感謝主 , 一切都安好 .

我係組長 , 我果組有8個人, 後來變左9個人 . 嗯...佢地都好多都係同一班 , 除左一個之外 -.-佢地都好好人呀 . 勁多野講 , 仲多過我-.- 一開始 , 其實我係好驚既 ,因為都唔識佢地 , 我淨係識兩個 , 其餘既見都未見過 . 但係好感謝主啦 . 佢地都好接受到我 . 我都好接受到佢地 . 但起呢兩日入面 , 都發生左d好唔開心既事 . 有幾個女仔同時一齊喊 -.-嚇死...真係唔識點安慰佢地 .....但好彩最後都無事...

夜晚果陣 , 我地訓唔著 , 我地成班女仔一齊傾計 , 傾到4點先訓 . . 有d仲係通宵的...好勁呢 . d女仔好多都好靚呀 , 好得意呀 . 個個都好好人 , 好開朗 . good .

今日出左camp =.=本來話去圖書館拎cert...點知最後都係無去...因為真係唔識去 . 咁算吧啦....個人好累呢 . 但係班細路都仲係好有精神..我發現我真係老了 0.0仲一齊話去食糖水...但我都係決定..返屋企攪掂份chem功課先..如果唔係 . 真係會比馬sir斬死的 -.-

今日係大日子 , 係我既第一次游水比賽 . 心情好緊張呀 . 由琴晚驚到比賽....

最後 , 我係輸左的 -.-好魚呀....我係包尾呢 -.-游得仲慢過平時....唉唉...

不過唔緊要啦 , 因為我已經盡晒力了 -.-呵呵~~

聽日就比賽啦...好驚呢...求神保守明天是平安的 -.-