呵呵~~聽日就係靈風既秋季大旅行啦 =.=KAKA好開心呀 . 聽日好似會好好玩咁呢 . 我地去大浪灣呢 , 希望聽日天氣好好啦 . KAKA . 我地聽日成班一齊BBQ呢 . 我地買左好多唔同既野食呢 . 一定好好味呢 .

今日我啦 , 蘇思 , 光仔 . 胡海 , 6筒一齊去買野食喎..去到大百佳 , 嘩......成個百佳..靈風人佔左大陪份.....勁呀..同時 , 我見識到6筒做左HP既轉變呢 -.-嘩....勁多低FORM都湧去6筒到 -.-痴住6筒唔走 -.-攪到我同蘇思都唔知做D咩好 -.-勁無奈呢 . 好彩最後都好快買晒D野 , 而且同預算差唔多 . 正

好期待聽日呢 . 呵呵

11月12號 . 上晝要去灣仔伊館下晝就返教會 .

好驚呀 , 我不嬲都係路痴黎架 . 今日得我自己一個去伊館 , 好驚當失路呢 . =-=死...好彩前一晚阿奶教我點去-.-如果唔係都唔知點算好 . 阿奶勁好人呀 , 今日比我晨早留留嘈醒都無怨言 . 真係好人呢 . 今朝呢 , 行去伊館果陣 , 我唔識行喎 , 咁我就問人啦 , 個人呢 , 就叫我行前 , 一直行啦 . 咁我行到咁上下 , 佢驚我唔識行 , 佢等埋我 -.-教多次我行 . 我果陣起度諗 , 呢個人都幾熱心架喎 . 點知行下行下 , 突然有人拍我 , 原來係我上堂既同學仔 . 佢問我點解行呢邊既?我話我要去伊館呀MA~~點知比佢笑 , 話我行緊反向 =.=嗚.....原來我之前起伊館附近架啦 , 點知原來問路果個人 -.-指左條黑路比我行 ...嗚...好彩我早左去 , 又咁好彩撞到阿光呢 -.-如果唔係 . 都唔知點算 . 到最後 , 都係平安到達 -.-呼....感謝主呢

下晝就返左去教會 -.-感覺上 , 好似離神遠左好多......好唔鐘意呢種感覺呢...神呀......希望之後 . 情況會好D啦....希望自己有個熱衷親近神既心..下次到我地OIL STATION帶詩啦...好驚呢..希望係平安的 .

11月既9號同10號係靈風運動會呢 . 呵呵 . 好開心呀 . 因為唔經唔覺 . 已經係我第6個既靈風既運動會呢  . 時間真係過得快呀 . 今次運動會既感覺好好呢 . 可能係因為畢業班既關係 . 所以中四中五既同學仔都特別投入呢 . 中四同中五既學生互鬥打氣 . 呵呵~~D歡呼聲大到拆天咁制 . 不過感覺好興奮啦 . 因為自己好耐都無試過咁叫法呢 .

今年同冰冰一齊去做工作人員 . 做名次呢 . 就係睇下邊條線跑第幾 . 都幾好玩 . 因為可以最近咁見到D人跑 . 感覺好唔同呢 . 好正 . 今次靈風D人好勁呀...D人跑得快到傻咁 -.-好變態呢 . 不過兩日太陽都好猛 . 超級曬 , 曬到好黑呢 . 不過冰冰就仲慘 , 因為佢曬到紅曬...我呀...嗚.....曬到出左個眼鏡印 -.-嗚...

今日好累呢 . 因為唔知點解 , 又病左 -.-可能係比冰冰傳染左 -.-好慘呢 . 岩岩病好又病 , 真係唔好彩 . 因為病病地 , 又食左藥 , 攪到成個人好累 , 好辛苦 . 本來上堂都唔專心架啦 =.=今日仲衰多兩錢重...唉..讀左中六之後 , 都唔知自己想點 . 想讀好書 , 又做唔到 . 成日都比MISS阿SIR叫唔好黑眼訓 , D中化就成日都唔合格...好灰心呢 . 然後今日難得同冰冰出去買野食...點知就撞正冰冰媽咪黎搵冰冰 =.=真係買6合彩都無咁好彩 . 今日真係好累 , 累到都唔知點講好 .

呢排真係好忙呢 , 攪到打日記都無時間 , 所以決定今日一次過補打返晒 . 呵呵~~今日入左個day camp呀 . 係學生會領袖訓練既呢 . 果度個個都係學生會既人 , 好過隱架個個都 . 計下計下 , 我由暑假到依家 , 一共入左成5個camp咁多 -.-真係好密呢 ...今日一早入camp果陣 , 好驚架 . 因為佢話明會有危險既 , 又要我地填晒d健康申報書果d...嚇到一額汗 . 咁去到啦...第一個game就係....行浮木 .果度有兩棵樹 ,中間有兩條繩吊住左一條木 , 咁我地就要行過對面 , 再行返中間 , 再跳落去 , 大約有兩至3米高啦..嚇死我呢....最得人驚既就係 ...條浮木雖然下面會有隊友拉住去保持平衡 , 但係都仲係搖下搖下咁...但好好彩..我最後都係有驚無險咁行過 .   我地組呢 , 就有11個人, 3男 . 8女 -.-好唔平均呢 , 但係我地玩得好好呢 . 起限時內行得晒 . 記得其中有個女仔呢 . 佢好驚 , 驚到不停咁喊 , 都仲要繼續行 , 唔希望我地輸..佢真好人呢 . 之後仲有兩個game , 但係感覺無呢個咁深刻 -.-所以唔願得打...呵呵~~

今日返到屋企果陣 , 都成10啦 . 成身都好污穢不堪 . 咁諗住沖涼啦 , 點知收到阿堅既電話~~呵呵佢話佢搵到工啦 . 係賣電話的 . 不錯不錯 . 岩岩返左幾日工就已經好習慣 , 而且生意額很不錯呢 . 所以聽到好開心呀 . 呵呵~~不過佢要一日企到黑 , 對腳一定好痛... 不過搵到野做.已經好好啦 . good  . 傾完之後 , 就沖涼 . 一訓落床就訓著左lu...呵