今日真係好累呢 . 因為琴日岩岩做完體能測試 , 跑完步之後 , 唔記得拉筋 , 攪到今日痛呢 . 咁岩今日星期二 , 係最後一次練水呢 . 星期四就比賽啦 . 所以好驚呀 . 唉唉.......好怕會包尾呀...不過自己都好努力練水架啦 -.-都算無憾啦..今日呢 . 練水果陣 , 岩岩開始游左10個左右啦 . 對腳已經好唔聽話 , d肌肉好緊.又要夾硬游 , 攪到好似個機械人咁 -.-不過有樣野好開心呀 , 我今次計時快過一開始15秒呢 , 都好大進步呀 . 呵呵~~雖然仲係好慢 . 但好開心呢 . (可想而知 -,-我之前係有幾慢的 -.-秒數唔講啦...免得笑死)但我跳水就跳極都唔識...唉..好灰心呢 ....希望比賽果日順利啦.

好開心呀 , 星期五晚我地幫浩賢補慶生日 . 雖然呢 , 蛋糕都無一個 -.-但個個都好開心 . 我地一齊食完飯之後呢 , 就傾計啦 . 開頭果陣好怪架 , 因為我地已經唔係同一間學校讀 , 我講既野 , 你唔明 . 你講既野我又唔明喎. 所以一開始都係分開3堆人傾計 . 點知傾下傾下 , 我地越傾越起興 -.-最後去左海濱果邊傾 . 呵呵~~好好笑 . 我地坐左起石邊 , 然後見到有兩個警察行緊過黎 ..咁怕佢check身份證呀 . 因為唔係個個都帶左身份證 . 所以我地就扮晒傾讀書d野咁...呵呵~~之後兩個pc走左之後 , 我地就大笑 . 之後傾左一排之後 , 我地又去左個公園到玩 , 呵呵~~個氣氛好好呢 , 都聽左唔少秘密呢 . 不過真係好開心呀 , 因為我諗呢一班朋友 , 都會係我將來既好朋友呢 . 因為好多人都話 , 中四中五識既朋友 , 係一生既好朋友呢 . 唔知係唔係真既呢 . 不過點都好啦 , 真係好開心識到佢地呢 . 多謝呢  .

今日呢 ,我發現我好魚呀...記得中五果陣 , 我誤會左我既朋友 , 我唔信佢地 . 仲屈左佢到 . 到左今日先知道 , 原來係我自己聽D唔聽D , 攪到屈左佢地 . ..真係好對唔住呀五星 -.-對不起 -.-

聽日雞雞生日呀 , 生日快樂呀 , 呵呵~~又大一歲啦 , 大個仔啦 , 唔好成日都講冷笑話啦 -.-生日快樂呀 .

嘩..今日好累呢 , 練水由4點練到6點...嗚...就快比賽啦 , 所以要不停咁游 . 真係好累呢 . 今日游到最尾果陣 , 要學跳水 , 因為一定要跳水再游 , 如果唔係就取消資格 ..所以唔學唔得...不過跳水好痛呢 , 因為我又跳得唔岩個姿勢 , 所以跳到好痛 . 對腳都紅晒...唉..都唔知點算好

好開心呀 , 聽晚同浩賢補慶生日 , 會一齊食晚飯呢 , 又可以見到5e人呢 , 爆開心呀 . 呵呵~~chem準備要寫一份full report啦 , 唔知點寫tim -.-希望識寫啦 .

今日一返學 , 好唔開心 . 因為成日都諗起德潔  . 德潔係我教會既一個導師 , 佢對我黎講 , 都好重要 . 因為當我信左主無幾耐 , 我就入左中華聖潔會大埔堂 . 當時咩人都唔識 , 好迷茫咁. 當時 , 德潔都係果個時候入黎大埔堂 , 我地可以話係一齊經歷好多好多野 . 記得當初 , 我 , 冰冰 , 阿真都係起德潔果組 .我地組叫oil station , 寓意就係 , 希望我地起中四中五呢兩年入面 , 係會有神同大家一齊撐既 . 累左 , 無力啦 , 辛苦啦 , 就可以起oil station 入面找到支持 , 愛 . 我地成組人經歷左好多 , 到左依家中六啦 ,我地都仲係互相撐住 . 好深刻既係我個人既經力 , 我一開始覺得返教會好新奇 , 返多幾次之後就覺得悶 , 後來又覺得好想親近神 , 呢一段既時間 , 德潔都一直起身邊陪住我 ,陪我行呢條信仰既路 . 到左兩年黎既今天 , 德潔既約滿左 , 佢要走了 . 我真係好唔開心. 我唔要佢走 . 以我自己黎講 , 我真係好唔明點解神要起呢個時間 , 要德潔走 , 但同時我都明白 , 我地係唔會明白神所做的 . 所以我自己都唔知點 . 不過有句野 , 德潔講得好好 . 佢話, 雖然神有呢個安排令到佢覺得好奇怪 , 但佢相信父既安排係最好的 , 神係會指豐足比佢的 . 呢一次就好似一份功課咁, 神考驗緊德潔 . 我都好希望德潔可以平安渡過 . 德潔真係好好好好人 . 佢依家仲未知兩個月後佢既去向 , 但佢反而係擔心我地 , 而唔係自己 , 怕我地頂唔順兩件事一齊黎 , 會好辛苦 . 神呀  , 求你保守德潔 , 令她心中得著平安的 .