2007-08-25

今日個衰人終於last day喇,太開心喇!!!而我終於有假放,廿三日地獄式新活,真係唔係人人頂得住架!不過聽日開始唔使見到果個人,都總算苦盡甘來!

屋企依排發生咗啲事呀!攪到屋企個個都好唔開心,希望雨過自然天青啦!

今日我亞爸亞媽入咗嚟天水圍呀!我仲同佢地去咗飲茶,因為晏晝要番工所以我番屋企先,由我個女帶佢地去搭車,當我番到屋企望番落街,見到佢地嘅背影,覺得佢地好慘咁!佢地老喇!有時間真係好想倍佢地多啲呀!細個聽到樹欲靜而風不息,子欲養而親不在依句說話,真係好toughting呀!依樣野好多人都知,但係唔係好多人都做到,包括我!