我不是天才, 學好多野都要付出很多才懂。

其實d拍子唔係好識..不過唔知點解總係講得好複雜咁.

有時覺得彈琴係自娛, 不過,  唔努力又真係好多野都唔識既. 或者向床下低搵番個拍子機出黎幫幫手... 隻腳數拍子數得多都係會慢架啦.. 跟住又會以為自己岩。

今晚突然諗起阿faye, 原來係阿faye生日。又會咁橋既?

一首我很喜歡的歌 - 曖昧

徘徊在似苦又甜之間 望不穿這曖昧的眼
愛或情借來填一晚 　終須都歸還　無謂多貪
猶疑在似即若離之間 　望不穿這曖昧的眼
似是濃卻仍然很淡
天早灰藍　想告別 偏未晚

********************************

每次聽到這首歌, 我都會想起暗戀時的那份心情: 每次見面若即若離的感覺, 很想開口讓他知道但又怕被他拒絕; 覺得他愛我, 但又害怕是自己feel錯; 看見他跟異性朋友很close, 心裡又會有酸溜溜的感覺; 也可能有衝動去摘一朵花去數花瓣, 但最終害怕命運也不想我們在一起; 痛恨猶豫不決, 怕錯過良緣, 但更怕一開口就番唔到轉頭, 做一世朋友可能比做一世情人好......

咁究竟開唔開口好?   

長大後的經驗告訴我觀察看清楚對方永遠是最好的方法, 但現代來說無論男性女性有多少人有這份忍耐? 普遍男性是衝動不太經大腦的動物, 普遍女性都是情感豐富渴望被愛被呵護的感覺, 一拍即合, 不合則離....  其實曖昧這階段才是最值得懷念, 因為雙方都有那份深切的期待。

其實錯過了也不算什麼, 也可到最終的結果, 只不過互動過程中總好像欠缺什麼...

********************************

對人冇意思既就不要亂發信號, 真係hurt人架。

********************************

給陳先生的話: 突然我也很懷念我地未拍拖前的日子~

沒有分離的不捨

就沒有重逢的喜悅   (from 18禁不禁  喬)

***************

過程仍是會痛苦~~ 只不過是有目標地等待

上星期唔加班..換黎結果就係一大堆野向我枱面....  雖然今天有新同事番工, 我都唔得閒教佢野。

*********************

今晚約左廣西團打邊爐同埋傾分享會既內容, 各佔兩小時,

d丸好恐佈呀... 不過你地預既份量都算唔錯呀, 剩低食物唔算太多。

傾分享會d野, 雖然大家都有唔同意見, 但最終都傾出點結論。其實有唔同意見係好事, 多d思考多d火花... 最緊要係唔好將誤會同情緒帶埋朋友關係中間，工作時工作, 遊戲時遊戲. 我覺得你地進步左好多呀!

*********************

關於自己的一個不能說的秘密, 我竟然講左出黎... 心裡突然百感交集....我不知是好事還是壞事...

*********************

回家後執碟, 發現有一隻兩年前去四川短宣既碟, 忍唔住開番哂d相黎啦, 有好多回憶浮上來.. 好難忘第一次短宣經歷。這次同自己團友去就會開心d同投入d ^^

一個特別的組合 : 我同伊惠 & 陳先生一齊去睇戲.

開頭劇情好慢, 亦好做作, 只有電影情節才會出現的東西囉。

越睇越似懸疑片, 不過時空交錯總比鬼片多一點新意。

後來同陳先生傾番呢套戲, 劇情有d似「藉著雨點說愛你」, 感染力也會比這一套好, 因為我記得當時睇「藉」我開場10分鐘喊到尾...

「不能說的秘密」感動位都係得幾個... 而且.. 劇情.. 有d奇怪..有d地方冇交代過...

按周董講, 可能睇一次唔明, 要再動腦筋多看幾遍...咁..我真係唔明點解小勇可以見到小雨...

Overall..結果時都幾震撼緊張的, 四手聯彈鋼琴個段都幾正, 其餘就一般啦. !! 

好多謝團友對我的愛錫, 無論係joseph  or elim,  感謝主讓我認識你地 ~~

向正堂玩玩閃避球 ~ 雖然空間唔大但很刺激.個個都玩得好投入呀... 我仲比人"省"左波餅 @_@ 哈哈. 不過玩遊戲嘛..實有意外啦. 其實都知道班男仔讓我地.無出全力玩.. 都幾gentleman啦~~  加你地分吧.畫花佢地塊面...好搞笑呀

跟住練緊敬拜隊時, 突然見d elim 人走哂入黎嗌等陣... 原來給我生日蛋糕..很感動呀..  我睇左段movie, 陳宇瀚有乜野同我講？就係「食多d 食多d」.. 可見他的用心... 我都係會避開唔同你食野啦~~

廣西分享會... 真係好累啦.. 我聽聽下訓著左... 最終..嘉瑋d結他聲招我的魂魄番黎 @_@ 食完飯番屋企, send下相, 做埋ppt, 同d團友仔吹下水, 傾下計... 仲忍唔住打埋日記... 真係要訓啦~~

再次多謝你地..我覺得我很幸福~

在農村裡面, 我很深刻的回憶就是在溪裡一齊玩水戰, 大家都會覺得我大細路得好緊要...好爛玩。昨晚又突然想起..

想起小時候我沒有同年的朋輩陪我一齊玩, 沒有兄弟姊妹, 表兄姊妹年齡相差得遠, 又唔識得左右鄰居, 好多同學仔放學都係番屋企。

阿媽更加唔會放心比我落溪水玩. (向香港就梗係唔會啦), 我到而家都冇話佢聽我落溪水玩, 如果佢知道第一句我想會係「你因住冷病呀」(真係有少少, 第二日想感冒咁..不過食左藥好快就好番)「有冇著泳衣呀」(冇) 「危唔危險架」(唔危險, 因為o個度d小朋友都係咁玩) 但我覺得阿爸會比我玩.. 因為我小時候佢總係話我地係城市既小孩。

我想有既童年, 就好似呢d農村小朋友咁, 放學後一齊上山玩, 到空地去打球, 落水溪捉魚捉蟹, 一起游水。

或許, 每一個人人生不同, 我們曾經擁有過的東西, 他們未曾試過。

但... 我仍嚮往他們的童年, 因為我覺得我的童年是孤獨的..

所以現在有機會玩的時候我都會盡情咁玩。

今年生日過得很開心, 收到很多祝福, 由1號開始已經開始食蛋糕啦。收到同事d奇怪生日祝賀, 客戶用email同我唱生日歌/b-day message, 北京同事同我用韓文講生日快樂, 澳門同事既「黑皮趴夫地」(話要用普通話黎唸喎), 笑死我了!!!  到昨晚敬拜訓練班時佢地既祝賀 (多謝Eli張card, 睇完之後給我很sweet的感覺 =p 因為第一次收到團友仔送俾我既生日卡 。今日由零晨0:00開始到接近晚上12點仍收到sms.. 咁大個女都未試過收到咁多message... 謝謝你地每一個...  呀... 你的也很漂亮, 我喜歡啦..不過相比之下4G card真係幾吸引 =P 都係唔好再送啦

**********************

我今年的生日願望: 無論我何時許願, 我都希望南韓基督徒人質可以安全離開。我明白神有祂的計劃和旨意,  就算今次可能會殉道都好, 我也不會責怪神為何不聽我們禱告, 但就算萬一真係南韓基督徒去阿富汗不是神的意思, 是他們自己的行動.. 我仍希望神能夠給與他們回轉機會。對, 也許我是帶著期待去禱告, 但我知道天父總是為我們好, 只求天父讓我們明白祂的意思, 亦願世人都知道祂是真神。

********************** 

其實今日我真係好想請假.. 但再請假就要再賠多一天錢..... 去左sushi express食午餐..超貴又唔抵... bad list呀!!! 不過你太可惡啦, 減低我保護意識...係咁向度叫野食.. 又係咁叫我食... 唔得呀.... 唔可以再咁食法啦... (我覺得呢個午餐既份量等於我在農村食兩日既份量)  我腦裡面浮起的聲音係打橋牌時班o靚仔向到大叫 "撐飽佢!!  撐飽佢 !! " 唔可以咁架!!!

準時收工走人, 番到屋企放低d禮物去赤柱食晚飯。book左8點呀..所以周圍行左一陣..赤柱越黎越人工化... 但我來到這些地方, 仍感到滿足, 因為原來我一個星期前先從農村出番黎, 那美好的景像在一個星期忙碌工作間破壞了很多... 所以終於可以停下來既感覺實在很美好.. 多謝你揀赤柱呀... 讓我心靈有休息既機會 ~~ 香港很難得有機會可以安靜到自己個心..就算向屋企都做唔到.

**********************

去左德國餐廳食飯 (BAR + 餐廳), 今次係我第二次黎。(第一次係教會搞家長活動時帶埋阿媽去食HIGH TEA)原本冇諗住叫啤架, 但個度既氣氛令我都係忍唔住飲番杯。

**********************

玩既食既.. 我地都覺得開心, 但我今天感到最重要的..是你給我的承諾... 我在公司睇到你張CARD既內容, 係最打動我既時候, 我最珍貴既生日禮物。多謝你 ~ I Love You Too

天使
作詞：阿信　作曲：怪獸　編曲：五月天

你就是我的天使　保護著我的天使　從此我再沒有憂傷
你就是我的天使　給我快樂的天使　甚至我學會了飛翔

飛過人間的無常　才懂愛才是寶藏
不管世界變得怎麼樣　只要有你就會是天堂

像孩子依賴著肩膀　像眼淚依賴著臉龐
你就像　天使一樣　給我依賴　給我力量

像詩人依賴著月亮　像海豚　依賴海洋
你是天使　你是天使　你是我最初和最後的天堂

每一個人都得!!  不要小看自己呀!!

今晚約左一齊玩橋裨, 都有8個人出到黎呀. 4個人一組玩. 嘻..爾虞我詐, 戰況十分激烈!!

今日名句: 你都有today啦!!!  - (我地笑到叭左向度)

**********************

今日收到一個msn message, 好開心好sweet, 謝謝你