今天組長訓練, 你地分享既好正呀! 亦很有道理，組長要兼備什麼條件？身為組員又怎樣支持組長及小組？這些都是我們要持續練習的。

唱k - 幾個月冇唱k, 好開心呀!! 我唱歌同講野都幾兩把聲的... @_@

晚上.. 我地試到板前壽司la! 但..其實冇想象中咁好食. 點解咁多人排隊呢？

我同陳瀚去世貿玩太鼓達人，勁喎，4粒星都過關 :)

我是最後被想起的一個.

海洋公園日

好好玩呀!!

(可憐既北極狐同北極狼, 甩哂d毛, 呢到亦唔見得舒服得去邊..唉..)

 ( 好難忘, 第一次坐輕氣球。雖然唔係環繞海洋公園一周, 但..都叫坐過呀)

 (我好喜歡呢張相. 得啖笑。我咁岩影到. )

(蜘蛛蟹 - 我地開頭以為係北海道蟹..仲想.... @_@) 

我呢兩日down得好緊要呀. 我做左一樣好hurt我同事既事.... 雖然冇心, 但係好懊悔...佢嬲左我....

我自責左好耐.... 搞到連明天要帶查經都冇心機準備....

去到星期六啦, 2點半啦, 仲係乜野都唔想準備. 突然想聽詩歌, 隨意click... 一邊播「祢是王」呢隻碟, 喬宏有獨白既分享, 我聽完後忍唔住喊, 因為天父「誠然擔當我的的憂患, 背負我的重擔」，我在神面前喊左好耐，神亦給我力量準備查經，感謝神! 希望今天帶參孫同大利拉, 給你們有不同的感受和反省啦!! 今天查經其實很開心，因為佢地都有聽, 同埋有分享，雖然有d搞笑，但希望你地記得呀, 就算我地一生偏離神, 只要我們願意悔改回轉歸向主, 天父仍是站在你身邊!

今天正式頒奬, 其實都幾開心既, 又有d錢幫補下自己, 代價係聽左2粒幾鐘既流程講解總結同展望。

-----------------

今天著左一條one piece裙, 一致好評 ^.^ 個個都話我應該著呢d多過穿半截裙, 但番工ja ma... 求其啦。而且我都唔係捨得買貴衫既人, 間唔中一次就算了, 當奬勵自己吧。

-----------------

今天同阿芝&晚上同kathy傾計, 講左好多野, 其實也明白這種感受, 完成很多事情卻不獲讚賞, 還被嫌做得不足, 很痛苦的感受.

但願這一天快點結束。

-----------------

唔, 向呢到我要重申: 我沒有逼迫或比壓力團友仔去唔去廣西農村, 在一個導師立場, 只是想鼓勵你地去睇下外面的世界, 但如果覺得暑假好多野做, 或害怕撞其他時間，其實係可以選擇唔去。我打電話比你地只希望有一個清晰d既答案。

我地訂立要求報左名後不要反口, 是希望大家可以學習負責任。如果真係呢幾個月先知有d野很緊急, 所以去唔到, 那也無可奈何。如果去補習社報名補習, 比左錢, 之後有野做去唔到, 咁有冇人退番錢比你呢？道理是相同的。所以請不要怪我們好像很嚴苛。

因為你地大個啦, 所以學習怎權做決定吧, 但我相信如果你想去參加, 但怕有其他野撞時間, 記緊信心依靠上帝並禱告, 我相信祂必垂聽。

如因有事未能去體驗營, 也請不用自責, 因為神有祂的計劃和時間表。前年我去四川, 都是經過三年的時間才能成事。

如仍在猶疑中,  仍希望你可以放這體驗營在首位, 因為我深信神必有給你學習體(睇)會的機會。

請最後在本星期內覆我吧 ~~ 祝福大家, 我地仍會為大家守望及禱告  ^.^

狂被逼迫, 超討厭!!!!

又係打仗...月尾

但最終我做完我個part就走左去.

原本我同事約我番大陸, 但...都係向屋企休息下啦. 好耐冇試過lu.

由於最近 j 仔會考, 讓我諗起以前會考時既自己。以前真係唔識死, 前一日先黎溫書, 上堂又唔聽，但fu fu碌碌又上左去，A-Level好d, 都會讀書, 但都係玩既多，雖然最終又係碌左上去, 上到大學我都係唔讀書, 狂出街玩.. 諗番轉頭, 我完全唔記得學過d乜。有點覺得浪費時間, 所以我對我的過往自己的懶惰很後悔。

所以我對 j 仔既鼓勵都係, 可能有d讀書真係冇咁叻, 但當佢係一個人生裡面一場考驗, 自己盡左力就無愧於心，呢樣真係最重要。因為人生裡面有好多考驗, 會考只是其中一個。就算會考衰左唔代表什麼，因為有很多條路, 衰左會考唔代表乜野都唔得；考掂左過左關,  也不定是對我的人生一個好的決擇。總之.. 最重要係知道自己大個左之後諗番轉頭, 唔會後悔自己冇盡力  ( 唉.. 我就是在後悔中 )

每個人都有不同既人生既路要走。就算我讀完大學都好, 我也有我的困難和苦惱, 所以不要羨慕別人的人生~~

呀..零晨哮喘.. 我搵唔到我支哮喘藥... 結果向張床上面滾動左3粒鐘先訓番著.

早上原本掙扎唔番崇拜.. 但...唔得架...又唔係真係好嚴重.. 都係番啦. 眼訓d jei.

今日路邊敬拜隊黎.  覺得佢地帶敬拜好有heart.  呼求耶穌..好感動呀. ..

敬拜隊都係好年輕. 但有心出黎服侍. 希望成為 j 團既鼓勵啦! 因為神是會加給你地力量架!

-----------------------

上主日學 - 好欣賞你地會將感受講出黎, 坦白咁分享, 讓我覺得你地唔細啦. 懂得思考, 抵讚呀!!! 加分!!!

為阿銘及團契祈禱, 我心裡很感動, 因為請佢地輪住按心裡感受而禱告, 竟然八筒同易昕同時一齊祈禱.. 我心裡很感動, 忍唔住流眼淚，因為從前我地都不敢放膽禱告, 但神讓我地開始有改變。特別好欣賞八筒, 成長左好多. 為你會考祈禱呀!! 唔好睇少自己~~

-----------------------

 練歌後我地一齊玩大富翁 - 今次我做銀行 - 哈. 冇咁緊張嘛. 但今次戰況很激烈, 因為要齊哂一條街先可以買樓, 真係一念之間決策錯誤, 影響好大架!! 最厲害係renee, 因為只有兩間公共事業都可以撐到尾! 不過, 真的旁觀者清. 如果我參與其中, 會睇得冇咁清楚, 因為同時牽涉自己利益。所以遊戲中我算最輕鬆的一個, 因為我係付責遊說玩家買地買樓起酒店, 幫銀行賺錢。哈哈.

-----------------------

晚上到美玉"女麻""女麻"安息禮拜。述史時我心裡很感動呀...因為她很堅強, 雖然我唔識佢, 但都會感到哀傷, 但.. 女麻女麻已在天父旁邊, 所以我地要有盼望, 將來會在天家再見面的。突然諗起..如果我喪禮時我想人地唱什麼詩歌呢？我想全部唱快歌呀! 因為可以番到主個度係好值得高興既事呀. 但旁邊未信主既人會唔會覺得好不敬死者呢？噢...我好似諗得太遠添. 哈哈.

j 團 : 短宣 - 希望你地把握呢一次機會, 體驗下其他地方的人既生活  ^.^

elim團 : 練歌 - grace你要堅強呀!!  練歌後有一些感受... 成為我的提醒... 我一定唔會咁做....

晚上 : 吹吹風 - 我想我有一年都冇黎過呢到啦, 對上一次幾時黎我都諗唔起.  感恩你很識得諗 ^^ 又傾左一d未來打算. 其實都冇乜信心走落去, 但我地一生都在神的手中 ^.^

祂等待你 - 送給我親愛的弟兄.  祂等待你, 我地都等待你. 你要知道無論是天父, 或是我地, 對你都係不捨不棄

知不知此際耶穌，正到你面前在等，
祂想此際能與你，同渡著這刻。
可否將心裡門開啟，邀請祂進入心中，
祂可將心裡愁困，全然變做安慰