| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2008 年 3 月 29 日 星期六  |
| 我是水造的人 |
分類: 有感... |
近日不宜看戲, 每次我都哭都要命...雙眼浮腄...
喊得最勁那一次是看韓片「食客」, 當男主角被迫要殺了自小養大的牛來當食材, 我喊死了...幸好只是在家看ppstream, 否則在戲院裡就很尷尬了。
今早起床, 隨意看了一套卡通片, 講女主角知道老公說謊卻不想責罵他, 自己將傷心藏起來, 結果我又替她難過....
我是怎麼啦？
|
| 2008 年 3 月 25 日 星期二 |
| 中毒太深 |
分類: 日誌小記 |
Stitch 3D puzzle~~ 好易砌.
每次我見到史迪仔我就自然會好開心, 因為佢總係大笑 =) 是我的開心果。
我愛你呀
|
| 2008 年 3 月 24 日 星期一 |
| My dear online family |
分類: 有感... |
Richard 同 Tina 向5-Jul結婚, 我感到很高興呢 =) 可惜他們在美國, 我都好想去呀 >.<
Richard爸爸話美國獨立日後結婚, 證明呢世都唔會同tina分開. 好感人啊 ~ 我英文唔好, 唔識點同 Richard 爸爸講, 唯有講句
Marriage is the graveyard of men... @_@ 哈哈. Tina媽媽好幸福呀, Richard爸爸從地球另一半飛去同佢結婚, 想一想我的眼淚又開始流下來... 祝你地呢一輩子幸福快樂 =)
註: 時差相距12小時既我地終於在復活節翌日在guild hall裡遇上 =) I Love You Daddy Mammy.
oops..Daddy is using female character...strange...
|
| 2008 年 3 月 15 日 星期六 |
天大的榮幸  |
分類: 日誌小記 |
實在莫大的榮幸被邀請今晚的聚會, 老實說原本實在唔關我事的，只不過老師邀請埋「陳先生的女朋友」, 才有幸成為座上席之一。
今晚老師在家裡舉辦一個餃子宴, 因為到會者有二十多人, 所以我地幫手包餃子。我同陳先生都係第一次包餃子咋, 開頭都包得唔好, 但始終工多藝熟, 最終都似模似樣 =)
 陳先生第一隻餃子
另外, 老師家裡有一隻大狗狗...好乖同聽話 =) 但不幸地我不知道狗狗不可以吃葡萄...我餵左2粒比佢... 祈禱希望狗狗冇事啦.....
 佢真係好大隻... 但好乖架. 仲識好似倒車咁向後行. 搞笑 =P
最後餘慶節目部份中士表演。我已經為陳先生錄下表演過程. 正呀!
好榮幸我是你的女朋友呀. 今晚都好好玩, 哈哈. 老師..辛苦您們了....
|
| 2008 年 3 月 14 日 星期五 |
| 傾計 |
分類: 有感... |
今晚katekate帶我同陳先生去紅磡一間賣天然產品既公司, 買一隻葯膏, 希望對佢皮膚有幫助啦。
跟住陳先生要上堂, 於是我同katekate食飯，她說同我一齊食野好開心, 因為睇住我食野會令她覺得d餸菜特別好食, 我總是一副很欣賞很投入的樣子, 令她們食欲大增。wow, 我咁勁？
我地又傾左一d信仰上既問題, 我坦誠我並不是一個盡力的基督徒, 我不是常常口邊掛著「主呀主呀」既人, 我知道應該務要傳道, 但我現階段只有力做到努力建立生命和生活見證，願神親自做感動人心既工作。時機適合我也會分享信仰啦.
願天父祢得著當得的榮耀。Amen |
| 2008 年 3 月 13 日 星期四 |
| 日誌小記 |
分類: 日誌小記 |
是時候開始重整我的事奉觀. 今次可唔可以問祢想我做什麼, 而不是我想做什麼呢？
------
與rms同事gathering.第一次走入重慶大廈...間間都叫咖哩王.. 邊間先至係好食呢？
好開心見到你地呀. joe joe加油呀. 我支持你呀.sharon你都要加油！
最近都katekate傾計, 果然是媽媽級, 提醒我好多野, 仲教我點樣去做一個聰明既女人, 同埋懂得支持身邊伴侶既人, 提醒我記得為伴侶去禱告, 不只是為他生活上需要, 而是經歷和成長, 及我地之間既相處... 轉黎呢間公司, 給我很好的同事 (雖然只得寮寮數個, 但已經足夠)... 我一邊聽kate講野時一邊眼濕濕很感動, 因為冇人教過我...
對..天父所給予人既試煉, 都是我們可以承受的..
為我所信的投下信心既一票...
--------
今天比我個大陸同事激死... 真係好無禮貌..係..我係新黎, 但我唔係白痴... 也許我要建立多一點威信吧... 有本事就投訴我吧, 到期唔比錢, 一句有問題就要hold我數, 仲要我放貨, 有病呀？=p
jes唔向到我就會係咁食野... 有壓力吧... omg..你快d番黎啦..唔好向泰國留咁耐.....
-------
陳先生d皮膚好似仲係好乾躁好痕... 我都好似開始有d痕..心理作用？
|
| 2008 年 3 月 5 日 星期三 |
| May all dreams come true? |
分類: 有感... |
今晚在家睇魔法奇緣, 故事劇情簡單, 睇得開開心心... 岩哂我.
繼理髮師後另一套男女主角不停地唱的童話故事，有些劇情也令我深刻的... 若你不說愛她, 她怎懂你在想什麼.....一個魔法人物走到現實世界, 對所有事情陌生, 事事撞版, 卻因純真吸引這現實世界的人... 夢想... 我對夢想麻木了嗎？我的夢想在那裡？我信我的夢想會實現嗎？
我信神帶來的永恒將來嗎？jasmine今天給我的email提醒:
"Will you live for your OWN GOALS,
comfort, and pleasure, or will you live the rest of your life for God's
glory, knowing that he has promised eternal rewards? You may hesitate,
wondering whether you will have strength to live for God. Don't worry.
God will give you what you need if you will just make the CHOICE to live
for him."
Quote form: The Propose Driven Life,
Rick Warren
---------------------
4-Mar-08
今晚練習時與jasmine坐在一起... 她給我的支持鼓勵讓我感到溫暖... 謝謝妳. |
| 2008 年 3 月 3 日 星期一 |
| 三日兩夜的病 |
分類: 日誌小記 |
3/3
我每個月的帳單都必然包括幫襯黎醫生的支出... 今天又新增了... 9點半去到醫務所, 好多人等睇醫生, 排左成個鐘...
昨晚真係lum低咁滯... 好耐未試過腳軟, 企都企唔穩.. 其實飲中藥真係比西孳有效, 飲完我都覺得好番好多, 但奈何佢唔係駐册中醫.. 我唔可以靠你請病假... 結果醫生竟然話我發燒..呢樣我就真係諗都冇諗過... 因為自己feel唔到。
親愛的爸爸媽媽今天在家... 煮粥比我食.. 我係唔病都唔食粥既人... 愛心比一切都來得重要..但..我仍然是懷念阿婆煮的粥.. 冇人可以煮番o個隻粥比我食... 也許在腦袋裡的思念不能與世上的東西來比較...因為腦袋裡的東西永遠都是最美好的...
p.s. 淘淘生日快樂 ^^
2/3
今早崇拜... 一如昨天入程序表時所料...充滿著提醒...@_@
流淚撒種的, 必歡呼收割..對呀... 但...現在的我真係冇咁既信心同等待...我承認我係一個自私的人... 我做唔到為主丟棄萬事, 單純為討主的喜悅.. 我有時覺得做唔到既野就不如唔好做.. 我知我諗得激進左, 主不是計較我做左幾多來衡量我..但我自己心裡就好計較呢樣野.. 多種多收, 少種少收..這是真的... 既然我唔肯攞時間出黎, 自然少收..自然....
同angela一起吃早餐... 傾左好多計... 人總不會是完美的... 如果有一個a+b type既人出現就會完美... 事情可以扭轉嗎？
1/3
今天與一位姊妹見面... 也許算是了結了自己一件壓在心頭很久的事。
面對住好多人既意見, 我也不是全然同意, 因為我了解妳背後的意思。
長大了, 我們更懂得同一件事, 不同的詮釋度/開放度對事情影響都可以帶來不同的效果。閉口不言引來誤解; 高談闊論容易引致話柄。
學習聆聽雙方/三方的意見, 更有助我們去了解事情的全面性, 有些人分享是尋求意見, 有些人分享是尋求肯定認同, 我想我要學習如何制服自己舌頭, 不作害人的事...這是我領受的功課。 「歇力保守聖靈所賜合而為一的心」
-----
團契時間睇完一套影音使團拍的「恐懼森林」, 之後我整晚都諗起范范首歌 黑暗面
作曲/詞：小路 主唱: 范瑋琪
怎麼辦我能相信誰 我能相信誰
左轉右轉 找不到最佳路線
通往內心 最深深深的裏面
沒有道理 虛假會贏過相信
真的有問題
前進後退 想你快把我包圍
閉上雙眼 想一下誰說的對
沒有道理 金錢會超越感情
一定有奇跡
哦 這個世界有太多黑暗面
結果常常和你心裏想的是反面
哦 這個世界有太多的是非
怎麼辦我能相信誰
哦 這個世界有太多黑暗面
結果常常和你心裏想的是反面
哦 這個世界有太多的是非
怎麼辦我能相信誰
怎麼辦我能相信誰 相信誰
------------------------------
我的黑暗面... 又有誰去理解.... 祢懂嗎？ 也許是我自己懂. 但我只是不想面對那樣的自己... |
| 2008 年 3 月 1 日 星期六 |
| 可不可以不勇敢 |
分類: 有feel歌詞 |
我們可不可以不勇敢
當傷太重心太酸無力承擔
就算現在女人很流行釋然
好像什麼困境都知道該怎麼辦
我們可不可以不勇敢
當愛太累夢太亂沒有答案
難道不能坦白的放聲哭喊
要從心底拿走一個人很痛很難
|
| 2008 年 2 月 29 日 星期五 |
| 近況 |
分類: 日誌小記 |
日記開始變大事小記, 大事小記變月記, 月記變季記..再變年錄啦....
呢個星期有位好朋友請我同兩個朋友食左餐勁既韓國鐵板燒... 好味呀..但真係貴貴呀.... 不過好開心有呢個gathering呀..
又去左個即日8人結伴同遊搥骨團... 哈哈...但... 唔知我係咪咀刁.. 好似總係覺得d野麻麻地好食...
今日我阿姐同我食午飯, 問我在這裡的工作感受, 其實我職責上應該做的我都學得七七八八。 但如果要升職我又未有quali..
另外, 佢竟然講左句「如果我唔撈記得通知聲佢..等佢又走...」我真係呆左向度，呢句說話從來都只有我同我上司講, 第一次上司倒轉頭同我講... 我"O"左咀...
本周搞笑對白：話說我阿姐試左一間日本野食鐵板燒... 一個餐4xx @ head, 但d師傅會拎住獲剷表演 .. 於是我告訴陳先生...陳先生話如果我比400幾蚊佢..佢都會表演比我睇...@_@
收到小玉玉長長的email.. 好高興..不過佢面對一d感情煩惱, 希望可以解決到啦... 積極d面對啦。
不過..唉... 不過講就易...呢個星期其實我心情唔多好..因為... 唉... 星期六d野囉...就算我食左板長壽司, 都只能給予我短暫快樂, 之後又係唔多開心...
我想睡, 但不能睡..我今晚可能要開夜車... |
« | 4 | 5 | 6 | 7 | 8 | 9 | 10 | 11 | 12 | 13 | ... | 34 | »
|
