| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 11 月 3 日 星期六  |
| Sing K + photo taking - Happy Saturday |
分類: 日誌小記 |
星期六中午 (11:00 上午?) 約齊人 north team + xenia & celia. ... 去左neway city唱k lunch.
哇...係唱k lunch呀... 有幾耐冇試過唱k lunch呢？
這是我近期最開心既一次唱k. 大家都玩到傻左. 錄左好多movie, 又影左d奇怪既相
之後去尖咀海旁/星光大道同joe & celia影畢業相. 我果然是過來人. 記住要帶齊"架餐"呀
其實星光大道唔好玩, 但遇著好朋友既時候就乜野都覺得好玩.
感覺上真係唔似只係識左2個幾月... 遞信既時候覺得好理所當然.. 但一天一天的倒數... 卻又好唔捨得
*************************
晚上探望潔紅... 好耐冇見啦. 恒恒bb好得意呀. 笑得好大聲.
好多謝潔紅的鼓勵... 一個牽手我已覺得很溫暖.
|
| 2007 年 11 月 2 日 星期五 |
| 食藥 |
分類: 日誌小記 |
今天是我近幾年來第一次食哂醫生開俾我既藥.
我未試過病得咁辛苦
早上咳既時候眼淚都忍唔住流出來...
小小既喉嚨"定", 好似身體五官每一個動作都會扯著它而疼痛
吞口水痛, 吃東西痛, 喝水痛, 講野痛... 心仲痛...
明明很難得明天約了同事去街...
唔得.. 又準時食藥又準時休息... 快d好呀~~
Amen |
| 2007 年 11 月 1 日 星期四 |
一份感情, 一句說話  |
分類: 日誌小記 |
訓訓下又醒左, 藥力過左吧... 又開始大魔王. 突然有點感受...
今次感覺來得好快好突然...上星期病既時候都有d徵兆... 今次話病就病..
本來想請病假... 但.. 臨最後倒數的日子... 我想盡力跟好d SAG account, 好好咁handover. 發燒都番工..真係第一次呀....
啪左成日藥, (幸好我儲貨足夠... @_@) 連咳藥水都照食.. (我係o個d唔到咳死那一刻我也不會喝咳藥水既人..因為真係太難飲)
我想真的要感謝主吧, 因為我覺得係額外既恩典讓我撐足一天。
雖然我只係向呢到做左2個幾月, 但好唔捨得我d戰友... 你地係我最好既同事~~ 臨放工既時候..阿john一句說話也讓我心裡覺得很溫暖... 我覺得自己好幸運, 有一個咁好既上司, 呢幾個月既拼搏也沒有白費..我也學到唔少野. 現在所有事情都在倒數中, 這是我的選擇, 去面對一個新的開始。但我很清楚自己走既原因.. BTW, It's my honour to be one of the N. China teammate!
好啦... 補眠計劃要繼續進行啦... |
| 2007 年 10 月 30 日 星期二 |
| 星期二檔案 - 香港晚安 |
分類: 有感... |
好少睇電視既我...無意間睇到星期二檔案
講香港人夜晚既生活
有在漫畫cafe店流連的人;
繼續留意美國股票基金市場的人;
晚間DJ - 為聽眾帶來音樂的晚上;
夜晚總是有一種魅力, 讓心裡有平靜, 慢慢思考
小時候比長輩鬧, 都會叫你"棟高牀板諗清楚"... 訓覺係讓身體休息, 但係不能讓我的心靈休息.
經過一天的生活.. 若沒有時間消化, 記憶很快就會沉澱下來
我愛深夜...深夜的時間才是屬於自己的. |
| 2007 年 10 月 27 日 星期六 |
| 聽陳先生solo |
分類: 有感... |
我覺得聽你唱歌係一件好enjoy的事情, 你今晚表現得好好呀。繼續加油呀!!
You needed me.
***************************
補眠計劃
我昨晚10:30下床, 訓到今朝10點幾...
我想繼續訓 |
| 2007 年 10 月 26 日 星期五 |
| 轉工 |
分類: 日誌小記 |
今天有間公司打黎話比offer我, 好開心呀, 轉得成啦！
慶幸仍是番5天工作, 因為我真係番唔慣5天半以上 (長短週都頂唔順)
其實interview既時候都覺得同呢家公司幾岩feel, 那次我interview左個hr, supervisor同manager, 到今日個hr打電話比我既時候好搞笑, 話「我地一致決定請你！」令我覺得好似向法庭咁. 哈哈！
package同benefit都好好. 係probate耐d, 不過, 如果係好公司既都冇所謂啦, 都係咁做野啫。
******************************
但接落黎就要諗點樣同阿john講辭職, 其實我時間好充裕, 但係我唔想咁遲先話佢聽... 因為佢太好人啦, 而且, 佢仲比左strategic account比我跟...唉... 真係有少少對佢唔住既感覺. 早少少同佢講等佢請人啦.. 同埋好唔拾得d同事呀. 今天SL同埋JW都話唔捨得我.. 我心裡也覺得好唔捨得呀, 一齊經歷過難頂既日子, 一齊食飯, 一齊講... @_@.. 好難忘呀.. JW..要加油呀, 你會搵到識合你既工作, 唔好放棄呀!! Support you ar!! |
| 不想懂得 張韶涵 |
分類: 有feel歌詞 |
近期我最愛聽既歌曲
*****************
當世界 不知不覺的變了
有時後 我懷念以前的我
作的夢雖然遠遠的
想像是一種快樂
擁有了 同時也失去什麼
而眷戀 原來會帶來軟弱
你讓我在霧裡成熟
心開始曲折
我不想捨得 不想懂得
是誰惹誰 言不由衷
說謊傷害 都是不安犯的錯
怕抱不緊什麼
我不想捨得 不想懂得
誰說割愛 才更深刻
彼此依賴 是愛不是負荷
能握著手就是感動的
|
| 2007 年 10 月 22 日 星期一 |
| 音樂會 |
分類: 日誌小記 |
今晚是謝老師音樂會, 好多表演嘉賓表演好正！最感動的畫面就是謝老師與謝太一起合唱二重唱, 那個畫面很美麗。 謝老師生日快樂！
梁老師唱卡門那幕很精采, 當她手持玫瑰花時好像整個舞台在她腳下的感覺
**************************
今晚見到michelle & 親愛的alto姊妹們.. 好耐冇見啦, michelle的一個擁抱, 讓我想起我地已經認識六年多了...由我讀書時直到我工作, 她都有份陪著我長大.... 心裡仍是覺得感動的.
|
| 2007 年 10 月 21 日 星期日 |
| 樣衰 |
分類: 日誌小記 |
今天全身骨頭散哂... 肌肉好痛....
番教會幫陳先生練歌, 但他今天不在狀態, 結果諗住去睇戲
買左飛就去pizza hut食飯, 之後準備入場...
點知見到吳浚銘.... 佢原來去做帶位+搣飛....
有點尷尬... 因為... 哈哈..我地去睇色戒....
雖然套戲唔算得什麼, 但總是覺得怪怪的... @_@
個死仔向我睇戲既時候騷擾人... 無端端企向我隔離..唉..
臨走仲要醒我一句... 「xxxxxx」
死仔你真係sort壞腦.... 你日日都要睇幾次, 你小心d吧啦！
********************************
講番套戲, 其實我好鍾意睇既間諜片... 上海 + 香港 background.
諗番起小時候很喜歡看的讀者文摘出版的一本書「間諜與秘密」- 講第一次同第二次世界大戰期間間諜活動。這些人為國家情報奮不顧身。王佳芝都係去到好盡... 初段既時候真係諗到..有咁既必要嗎....可能我唔明愛國可以愛到什麼程度吧...
唱天涯歌女那一段, 給人感動和心動的感覺, 男女主角好像拋低兩人身份, 回歸到最基本男女之間的愛, 我想那一刻令易先生不再提防...全套戲我最喜歡那一段...
其實那幾段床戲.. 帶出兩人的孤單和寂寞... 若不是兩人的特殊身份, 應該是一對彼此了解的粉紅知己吧... 但..點睇都係佳芝愛易先生, 犧牲背叛自己來成全易先生... 最終易先生還是迅速將他們殺死.. 卻一人在床上徜淚吧...
最不討喜的角色.. 王力宏吧... 令人唔耐煩, 屢次表示不欲傷害佳芝, 但卻總是一步一步推她入死角...
最終我同陳先生結論係：易先生都唔係好勁啫.... 咁耐都察覺唔到王佳芝....
點解d人會覺得呢套戲好難明？
|
| 2007 年 10 月 20 日 星期六 |
| 很充實的114聚會 |
分類: 日誌小記 |
很期待的114聚會~~
今天只有瓊西和文地地出黎, 冇左阿b, 好唔開心呀. 不過佢有urgent野, 冇辦法啦。
第一站: pie & tart買野食醫肚, 因為我同文地地都冇食早餐午餐.
第二站: 羽毛球1小時
第三站: 眼見隔鄰的碌lane場, 於是去book場 $40/half hour. 都ok呀. 其實平日$20咋. 但要等一個小時
第四站: 美心tea - 我地見到有人tea time打邊爐..好誇張
第五站: 碌lane.. 太耐冇玩.. 有時個ball落坑... 瓊西勝出
第六站: 回瓊西家稍息, 其間訓左15分鐘到啦, 因為補眠不足 - 被新鮮出爐的焗提子muffin香氣吸引醒左~
再黎玩disney版大富翁, 哇..歐羅價? 乜野都比香港大富翁版便宜左10倍...
第七站: 西貢海鮮..哇..好味又好飽 (加入瓊西克士笨), + 竟然遇上桃樂飛... 呀...比瓊西同佢老公d對話笑死左
笑話一則: 我地見到咁多餸食, 諗住影番幅相啦, 我拎住部相機, 攞好位, 就嗌「一、二、三」, 突然覺得自己低能... 對住成枱食物數一、二、三....笑死人啦... 佢地仲話見到d蜆眨左眼.. 要再影過...
第八站: 滿記糖水 , 我點左楊枝金露.. d西米好爽架, 唔會"諗"到一patpat, 好味呀.
今天真的很充實好好玩, 但最重要都係因為同到你地一齊出黎, 同你地既約會永遠都放向我好first priority., 我真係好鍾意呢班朋友。我地都話下次要帶埋另一半出黎 (陳先生有問我做乜唔邀請佢去... @_@ .. 下次囉..) |
« | 7 | 8 | 9 | 10 | 11 | 12 | 13 | 14 | 15 | 16 | ... | 34 | »
|
