最近, 有第三位歌星唱既歌名叫「我不會唱歌」

第一個李克勤, 第二個係小豬, 第三個係周定緯

呢d歌星係真係「我不懂唱歌」, 還是想表達像他們唱成咁都叫「我不會唱歌」, 那還有誰還懂唱歌？

*************************

無論聚會叫觀摩會, 匯報, 壯膽..etc... 我從來不覺得有被鼓勵的感覺.

因為不停聽到他們背後的comment, 所以我對呢d獻唱感到害怕.... 或者除非已經升級到陳先生咁, 唱下當練膽量, 冇乜所謂.

凡事起頭難... 我想未上陣我已經被自己打敗了吧...

我常說對很多東西沒有興趣.. 是我自己不想承受失敗, 所以什麼東西都不想開始...

今天係好日子

我表哥表嫂結婚周年

我表妹生日

wilma同glen結婚周年

呵... 12月3日係一個充滿祝福的日子吧 ^^

p.s. 原來今日仲係Michelle Yeung生日 ^^

今晚陳先生又有獨唱, 我梗係要捧場啦!!

咁岩陳先生今天可以早d收工, 我就準時收工, 好早到達會場 - 灣仔循道

見到好多聖樂團d人..加油呀！

陳先生唱得好勁呀, 佢唱完我地都一齊歡呼 (之前我地都冇歡呼..因為..哈哈...未到囉！)因為唱得太好啦, 把聲開得好好, 練埋台風就唔錯唔錯。比上星期六你去謝老師到練習時更好。簡直係崇拜仰慕你啦!!

可能近排見多左謝老師, 佢認得我啦...成日都叫我去唱.. @_@ 唉. 唔練幾年都唔咁上台啦, 台上五分鐘, 台下十年功... 係陳先生咁有天份一年就可以進步咁多...

在巴士上聽住我最愛的曹格和蕭敬騰mp3, 但心裡仍然想著今晚你的獻唱..

************************

炸左個頭, 自己仍然未睇慣... 不過d同事話咁樣+帶con唔錯.. 但我冇心機日日都7點起身呀..攞我條命咩..

如題 

看了小風的日記, 感謝她的祝福，因為過往我們都在工作上遇上不如意.. 箇中過程及感受與她們分享是最深刻的。番左新工一個星期, 每天都有新東西學.. 同上司相處暫時都ok。另外, 我應該是全公司年紀最小的個 。

找到這一份工作, 我心裡充滿著感恩, 是神給我一份很大的禮物。因為市場通貨膨脹, 以我幾個月前的人工, 實在很難儲蓄, 生活及比錢(幫補)屋企..., 至少現在好一點點吧。我想不是要跟別人比較薪金, 因為人比人永遠都只會使自己疲累...至少, 現在沒有比以前那麼擔心生活吧.. 但這裡很著重員工的進修... 天啊.. 我真係好討厭讀書. 由中一開始直到現在都好討厭讀書..每個人都話如果你有興趣的話讀書就會冇咁辛苦... 但..只可惜我對乜野都冇興趣... 我上司話考完ACCA後就冇再讀書... 唉...考完都已經係accountant..都好夠啦...

現實擺在眼前... 我現時尚可維持生活..但將來如果要建立自己屋企, 一闊三大... 就要有更好的職位... 途徑就只有進修... 還原基本問題.. 我喜歡做credit control嗎？要偏向做會計嗎？ (如果真係好有興趣做會計我現在就不會突然想打日記..而是去摶殺了) 如果唔讀我既bargaining power就會越黎越弱... 唔做credit control又可以做什麼？我這個沒有專長的人...很難再跳身轉field.. 仲要唔知轉乜野field... 我的客觀環境好了, 咁主觀上我點樣面對自己呢？ (突然諗起Phantom裡面既一首歌 Pass the point of no return... 我現在情況講到好似好慘咁..哈哈..其實唔係啦... 只係突然體會...時間真係唔等人)

都係o個句, 唔係所有事物都是理所當然... 天父給我一份好工作, 想我學什麼呢？可能要我學懂珍惜現在所擁有的吧...

諗到呢到... 唉.. 都係去繼續去理解我冇上堂時的課題吧...嗚....

突然想起朋友以前在icq打了一句:

「時間已經揀選了誰人是你的朋友...」

其實我不是跟朋友有什麼問題, 只是這句說話不停在我腦海盤旋而已...

今天第一天番新工..天呀! 7:15 對我黎講好早起身呀.  我又唔嘆早餐... 星期一要賴床15分鐘先得 ^^

我覺得天父對我好好, 向呢到可以學到好多野... 因為, 我唔識會計但係佢地都請我... 其實冇乜邊間公司肯請一個唔識會計既credit controller. 所以我要努力好好咁把握呢個機會...

可能因為我唔多識會計d野, 我上司鼓勵我去讀會計... LCCI 學d野好似冇乜機會用到咁既. 上司話明concept就好, 會計system會自動做數。其實現在我做d野等於以前DC既時候我+文地地要做既野吧..聞說下個月OR今個月要stock take...下個月auditor會黎... 其實我上司可能要要捱一陣一腳踢既日子。不過佢對我好好, 好有耐性教我野... 最好既係佢以前都係由我個位開始做上去,  所以佢乜野都會識。我要努力盡快pick up d野!!

我心裡面好希望這裡是我可以逗留一段長d既工作時間...

同自己講~~ 加油呀!!

*********************************

我同陳先生番工地點差2條街only. 以前會覺得夢寐以求, 日日都可以見... 但我想最終都唔會, 因為佢收得太夜..我唔想等. 哈哈

今晚同陳先生食飯. 食完之後都係忍唔住去foccacino食甜品. 極度欣賞麵包布丁, 一絕!!

餐廳唔播"A man without love", 我唔開心. =p 讓我冇得笑

好耐冇講啦: 艾粒嗚呀

下半年好像有點動盪不安.. 但黎到呢一刻好似開始步入平靜..

也許心態改變了, 人活得比早幾個月快樂一點.

早幾個月有點行屍走肉既感覺. 自己像是失去靈魂的空殼...每天都在生活自動運作, 卻不知自己做什麼

那是我強迫自己去改變, 想將生活生命操控在自己手上... 但最終.. 不知換來什麼

睇番之前自己寫的日記.. 搵工既時候天父給我的經文, 箴言第三章:

「我兒、不要忘記我的法則．〔或作指教〕你心要謹守我的誡命．
因為他必將長久的日子、生命的年數、與平安、加給你。

不可使慈愛誠實離開你．要繫在你頸項上、刻在你心版上．
這樣、你必在　神和世人眼前蒙恩寵、有聰明。

你要專心仰賴耶和華、不可倚靠自己的聰明．
在你一切所行的事上、都要認定他、他必指引你的路。

不要自以為有智慧．要敬畏耶和華、遠離惡事．
這便醫治你的肚臍、滋潤你的百骨。

你要以財物和一切初熟的土產、尊榮耶和華．
這樣、你的倉房、必充滿有餘、你的酒醡、有新酒盈溢。

我兒、你不可輕看耶和華的管教〔或作懲治〕、也不可厭煩他的責備．
因為耶和華所愛的、他必責備．正如父親責備所喜愛的兒子。
得智慧、得聰明的、這人便為有福。

因為得智慧勝過得銀子、其利益強如精金．
比珍珠〔或作紅寶石〕寶貴．你一切所喜愛的、都不足與比較。
他右手有長壽．左手有富貴。
他的道是安樂、他的路全是平安。
他與持守他的作生命樹．持定他的俱各有福。

耶和華以智慧立地．以聰明定天．
以知識使深淵裂開、使天空滴下甘露。

我兒、要謹守真智慧和謀略, 不可使他離開你的眼目．
這樣、他必作你的生命、頸項的美飾。
你就坦然行路、不至碰腳。 」

**********************

我是一個愚昧的人.... 

倒數的最後一天, 捨不得地離開...

很難想像自己在這裡只是工作了2個多月,竟然有這一份感覺...

很開心識到一班好朋友...特別唔捨得sharon, 因為我地由第一天識到而家....我同frances都走了..你要繼續加油呀!!

放心啦... 等frances番黎我地可以繼續搞gathering.

阿John臨走同我講congratulation...佢係第一個咁大方咁祝福一個resign既上司. (咁以前peter唔係可以批準我走那個嘛)

亦都好唔捨得Carmen... 我地向呢個地方遇番大家... 要keep住聯絡呀.

*****************************

晚上約了Sharon, Joe, Maggie,Cally & Chrishare去譚魚頭打邊爐..

咁多芫茜既....芫茜芫茜&芫茜...嗚...

不過d食物都算新鮮.. 仲有好sexy既人娛樂我地一整晚. .. 哈哈

影左好多怪相... 要影到每個人拆下面具的樣子... 哈哈... 我要繼續保持我既面具... 其實我只得1號笑容... 因為我唔鍾意大笑.

又飽又開心的一個晚上

最大既奇跡係我喉嚨痛左一個禮拜, 呢晚打邊爐後我冇再痛過lu....

一定要再搞gathering呀!!

今早番教會崇拜.. 崇拜後同小組d人傾計 

話題環繞住我地既身體保養....

睇中醫調理身體？好似每個人都好有心得...

食西藥真係好辛苦...又熱氣.. 又周身骨痛...

************************

之後去旺角行左陣, 陪陳先生食下野就番屋企啦.

佢都休息唔夠...  小心身體.. 真係重要...