終於番保一補習啦！！好興奮呀！不過就好孤獨(番去既時候)，因為無人同我同路，佢地個個都係慈樂𦅜既，個個都行中心呀，我諗我下次不如都行中心番屋企好啦！

我地四個都係403室上，個導師叫做Hilda，我諗佢係個美國人，佢d美國口音好重，仲有呀，佢叫我名既時候，佢唔識講中文，搞到佢嗌我幾次名我都唔知佢係嗌我，跟著我見無人舉手我先知佢嗌緊我=.=，好糗！佢d中文拼音極度唔正，佢一路嗌名，我地一路笑到爬係張𦭵度！

跟著，佢又同我地玩傳波仔，個波想傳俾邊個就講佢英文名，我淨係鮏到一次，我諗係因為無人識讀我個英文名=.=。傳完波仔，佢就派野俾我地做，都係d英文Practice，後來佢又要我地演個Role Play，叫我地扮werewolf叫！！I Like it ！！我都好想扮下月影嫁啦！哈！

返到屋企無幾耐，就去左荷里活，同女麻女麻行街，行左好耐，行哂全個廣場，結果買左件衫同一條裙，一SET嫁，係果個人話襯到波鞋我先買，如果唔係無鞋襯我實唔買。

行到腳到軟埋啦。

回到家，上MSN，今天突然變得好熱鬧喔！簡直就是有口難言，都被他們講得沒完沒了啦，然後周B又不停震震震！吼！！！！我怎麼打文呀！！最重要的是，不知是誰把Tiffany叫了進來，可惡！我總覺得他們是有心欺負她！怎能這樣對人呀他們！

現在要罵人：

羅啟謙，我真係. . . . . . 真係諗唔到你係咁囉，我好耐都未咁火過啦！

你點可以咁嫁！我知我俾王詩穎個blog你都好賤嫁啦，

但係. . . . . . 我估唔到你仲賤得過我囉！

我好心，見你想要王詩穎個blog，就心軟被左你，

我真係唔知，你會咁對王詩穎嫁囉！你之前一直對我都好似幾好咁，我都覺得你幾好人，林考欣罵你賤我都係唔係好信，但係而家，我知道你係一個100%既賤人啦！我諗住俾左你，等你知王詩穎心意，唔好再吊兒郎當，唔好再hurt佢，點知. . . . . .你竟然用佢日記d野黎奚落佢，你好賤呀！好無品呀！！睇戲就睇得多啦，我估唔到現實中都有你d咁既人囉！

王詩穎有咩做錯呀？？日記係佢打嫁，你有咩資格用佢寫既野黎奚落佢呀！？我知道王詩穎一路都忍得好辛苦，寶茵話中意你，佢就只可以係度忍，你有無諗過佢其實好辛苦嫁！？佢仲要係度扮中意高xx，而家佢仲要比人話佢花心！！！

我唔知你點解要咁做，即使你係想佢死心既話。無論點，我而家真係覺得你好賤！！！！！

哼！！！！！！

今日９點幾起左身，係度等阿哥起身同我去買野。

食出前一丁做早餐，唉，呀媽又落五香肉丁，佢都明知我唔會食嫁啦。

阿哥一起身起度傾電話，遲遲都唔起身，搞到我等左佢勁耐呀。到佢終於起身既時候，我已經食完我既出前一丁啦。

佢食完BREADFAST之後，我就同佢出去買文具啦！

我同佢先去左ELLA，點知我無野睇岩，結果反而係佢自己買左兩隻生日啤啤熊，好細隻，亦都好貴，＄２９．９呀！仲要連手掌咁大都無哇！

之後我地去左威文，終於搵到岩用既野。我係果度買哂我要用果D野：

一個筆袋啦（果然如我所願呀！買左個銀色加黑色既定政策＾．＾）

兩枝原子筆（原本諗住買一枝算，啊哥叫我買多枝）

一枝改錯帶（同原先果個係無分別既）

一枝鉛芯筆加一盒芯加一舊Eraser（無咩特別）

好彩而家買哂d野，如果唔係聽日去保一無筆用lo。

返到屋企，過左d好無意義既生活，然後開左電腦，上msn，嘖，都無人上既，都唔知上黎做咩，跟著又開下關下，開下關下咁。

後來想去【鮮網】同【冒險者天堂】申請賬號嫁，點知一個申請唔到，一個申請完竟然．．．．．．竟然唔記得左賬號＝．＝。

唉，連氣怎麼這麼背呀？！算啦，上來打日記發洩算。

老媽吵著要我關電腦，我還是不要惹毛她，快快關電腦好。BYE BYE LA.

今日係渾噩中渡過，等陣間語無倫次既話就請見諒啦！！

一大早就起身啦，睇我既摯愛既波特啦。然之後睇電視，睇到【女王】既預告，進藤光真係好慘哇！唔知點解，我深深俾套劇吸引住囉，跟著我就連寶貝都放底埋，去DOWN【女王】黎睇啦。

我一直咁睇睇睇，有好多幕都好感人，喊到我死死下，真係好感人嫁，我都唔係好明志田未來點解咁多眼淚。我拎左好多TISSUE，不停咁喊，個女主角喊，我又跟著佢喊，嗚嗚，和美好慘，被班同學蝦，仲要俾朋友出賣，先係馬場，跟著就到惠里花，雖然惠里花尾和美，但係我都好同情佢，佢放火果幕真係好激動，D小演員係有D實力。由介佢成日都幫和美，我覺得佢一定係中意佢嫁。另外呢，我覺得西川都幾有吸引力<喔，我花癡次數不斷增加啦，慘>,<>，佢成績又好喎。

對比起D外購劇，無線D劇真係勁唔掂。拍既劇都無新意既，拍黎拍去都係咁，D愛情劇又要搵D老到死既黎拍，唉......

人地D劇感人又感人過我地，好笑又好笑過我地，我都未見過有人會睇無線既劇睇到喊。

岩岩呀哥黎左，佢之前打黎話聽日同我買文具，我一定要係聽日買到呀，如果唔係既話星期一去保一就無文具用嫁啦！

而家我諗緊咩色既筆袋好，有得揀緊係揀綠色或者銀色啦！哈！

而家睇緊【千機變】，舊戲黎，不過唔緊要啦，有野睇就得啦，不過我覺得TWINS去拍打戲，做打女算啦，佢地好似打交勁過唱歌。

呀！唔記得左講，如果有人發現我下午上上下MSN OFF 左既話呢<我認為無人會發現=.=>，其實係因為我HAND 機。