Today......去左買校服呀！不過就無買毛衣。

我買左條校裙，勁超呀，到我小腿既一半啦！不過試著左，發覺都唔錯，大大件咁，都幾好睇。件P.E.衫都係好大件，我覺得好型，條庫夠哂長，唔驚會走光！

原先諗住買埋毛衣嫁，不過佢果度果D無校章，所以無買到。

番到黎之後，呀媽叫我執野，唔知點解，我今日竟然聽話咁執野，不過而家都未執完=.=，in fact，我決定左聽日先再整過。

執野執左好耐呀，跟著開電腦玩，好想down【偵探們的鎮魂歌】睇呀！可惜無呀......so,只好睇番【往天國的倒數計時】啦，而家愈黎愈中意『少年偵探團』呀！佢地真係好有義氣，小哀果兩幕勁感人！特別係光彥果句：『我不會放手！絕對不！』嗚......元太同光彥真係好掂呀！步美勁可愛！仲有，第一次聽到小哀講d無埋義意既野：『如果你讓吉田傷心，我絕對不會放過你。』不過我真係好中意呢句！

小蘭抱住柯南既時候，柯南問佢：『小蘭姐姐，你不害怕嗎？』小蘭答：『我當然怕......可是現在有柯南和我在一起，而新一也說要我等他......我一定要活下去等新一回來......』我睇到呢句，真係好感動呀！！！！佢咁耐無見到新一，但係都話要等佢！愛真係好偉大呀！！！！

今日講住咁多先，趕時間，886。

去了Barbecue哇！

今日，一大早就起身打俾林考欣啦，然後Mp3入歌。跟著8點就打俾沈嘉怡啦，聽佢把聲都知佢未訓醒，諗起都唔好意思呀真係。

Than就同林考欣一齊去7-11等莫老師啦，王詩穎最早到，我地一去到見到佢，跟著又有好多人黎左喎，估唔到咁多人會黎。成班人一見到面，就唏哩嘩啦咁講、講、講，成間7-11俾我地搞到勁熱鬧，然後唔記得左邊個話莫老師叫我地出去等，於是我地就出左去啦(好彩者)！

莫老師都幾快就黎到，然後我地去搭小巴，王詩穎因為要同某謙一架車非常之唔爽，佢真係『愛你變成狠你』啦。

到左之後呢，有d人就去買野食，我地就緊係上去霸爐啦！(其實都唔可以話係霸，因為根本就無人係果度=.=)

去到『獅園(費事打咁多)』，我見到條石春路，咪貪玩走去行下啦！點知他媽的咁痛呀！仲有，我都話左見親某瀅都無好野嫁啦，佢之前已經成日對我放電，而家仲要攬住我！哼！

Next我地就起火啦，我地起左好耐都唔掂呀！班男仔一陣就搞掂啦，不過好快又熄左(偷笑中)。我就話：『不如用凸透鏡啦！』嚴畯就係度笑我啦，未試過佢又知唔得！？雖然我係抱住試下玩下既心態者，但係試下又唔使死既！ 

起完爐就開始燒啦！In fact,係得莫老師佢果個係有番少少火=.=。我果兩隻雞翼燒左10世都未熟，他媽媽媽媽媽媽的！

哼！結果我食左兩隻雞翼加四粒元，不過唔緊要，我地飲野都飲得飽！！哈！真係超搞笑嫁！我地仲向其他人哂命，利嘉敏笑笑下張隻手撐住一部車，點知俾人咇喎！我地上到去不停咁哂命，不過我飲左Half就飲唔落啦！俾左王詩穎。林考欣努力咁飲哂成杯，成條利紫色，嚴畯安話佢變左李莫愁！哈哈哈哈！我做左陸無雙呀！

燒完我地就自己走，我地搭的士，幾醒目呀！仲平過搭小巴呀！然後我地幾個就周圍遊蕩，過左一陣，某豪同某怡又黎左。跟著我地上左某謙屋企，激嬲左佢=.=。然後我地就走左，跟著某祺就話某謙同我地講sorry，唔知點解搞到我好不安，加唔好意思呀。

番到屋企呢，我就睇【水平線上的陰謀】啦，好好睇呀！最尾果度好感動呀！我誠意推介！

今日講到呢度，係咁先，886

瘋狂......Crazy......今天的感覺。

好來未試過好似今日咁啦，癲左好耐，差d連自己係咩水都唔記得(誇張)。

朝早去保一，考果個咩鬼分班試，數學好似好難咁呀。

Afternoon,申請戶口，搞左成個鐘，然後番屋企，落街買野食，點鬼知個店員以為我偷野喎，仲Check我個袋，搞錯呀佢，咩我個樣好似賊咩！？=.=唉，算啦。跟著一路食一路行番學校，一個人都見唔到，嚇到我驚死唔係今日搞重聚日。

然後呢，番到學校，好似得我一個著校服，佢地個個都著哂便服。不過好彩，之後黎果d好多都係著校服者。跟著就係大食會啦，我好好人咁做呀四。幫佢地鮏野食，點知佢地無人肯食，真係曬野啦。

跟著就影相啦，同左嚴sir，黃主任影呀。個嚴sir呀，我同林考欣同佢影完，佢就推走林考欣，拉個鄭梓沖黎，Past Tense！

後尾出校園影，佢地拉我去同張啟謙影，我估唔到蕭寶會係咁既人！原先係我同王詩穎同張影嫁麻，佢又特登soon埋去，唔影王詩穎！我真係睇錯左你呀。

Next班男仔踢波，踢到好似嘈交咁，好煩呀！個波差d落入新基慈呀！知死未？！所以佢地就入番禮堂踢。陳主任同佢地一齊踢。班男仔都唔知點踢波嫁，我差d食餅。個杜文輝踢到拖鞋都甩鬼埋，笑死我啦。

講起杜文輝，我唔可以唔講呢件事，因為我要將呢件事記低！等我遲d睇番既時候慢慢呀麻！拿，件事就係咁既，當我地坎既時候呢，某欣就同我講啦：『杜文輝條庫穿左隆呀！』我一睇，發現佢既某Pat果度真係穿左=.=......結果我就......哈哈哈哈！我真係忍唔到呀！

我一路行，一路不自覺咁睇到佢條庫，真係愈睇愈想笑，佢仲要拉開隻腳黎行=.=。行行下，林考欣忍唔到，同我去左商場Calm down.跟著林考欣就話去睇下某人係咪係某地方打緊Table-tennis.點知真係係果度，林考欣真係勁啦。佢話要扮經過，所以我地求其行左一條樓梯啦。係我地行既時候，又發現後尾有幾把聲，我地唔知係佢地啦。跟著佢地行到落黎，嚇左我地一跳，唔知點解我好想笑，結果就笑左出黎啦。

今日真係超爆笑既一日呀！！！！！