前幾日買左知雙眼皮膠水
Taki試完超鍾意，超開心
佢對眼大左成半
即刻精靈、靚仔左好多
(之前都靚仔，依家更靚仔)

今日又買左假睫毛
雖然睇唔到個效果，但聽佢把聲就知一定又靚仔左

唔知點解Taki越靚，我就越擔心
係咪我自卑呢.....
總覺得佢越靚越好，就越多人同我爭，就大機會比佢搶走佢....
有時又諗下，自己真係無咩好...
無樣，無錢無身材
仲成日比佢鬧我肥、蠢、豬、頓.....
好似做咩佢都唔滿意......
反省下自己，又好似無做過咩佢真係開心.....
覺得自己好無用.....

雖然佢成日話會係我唔要佢先
但我又成日覺得係佢唔要我先....
到依家我仲好鍾意佢，次次見佢都仲好開心
次次聽到佢叫我豬豬我都好甜、晚晚聽到佢錫錫我先安心訓
我....係咪太依賴佢......
 

初十五係Taki既農曆生日
新歷正日因為近新年，唔想同師奶迫買團年飯，加上大家又唔得閒，所以等到今日先慶祝
星期五就同taki一齊去CWB買齊材料，行左sogo同citysuper~~有時咁同taki行會覺得自己好似闊太~~xdd
平時我都唔會去依度買野

第二日我地訓到兩點幾，出去買下午茶比taki 食~~~( 當然又係我去買啦~~有時諗會唔會太寵Taki~~不過佢又真係值得我寵佢錫佢~~^3^)
食完再訓過，訓到七點幾...........(我都覺我地好訓得..........)
 

訓醒就開始煮太餐~~~今餐有：
吞拿魚多士
生蠔(有美國、日本、法國同唔記得邊個國家既蠔)
香草牛油田螺
日式生菜沙律
金沙骨
和牛漢堡
鴨肝
香檳

P.S.隻美國生蠔大到離譜，差唔多Taki 手咁大，要用刀叉切......雖然我鍾意食生蠔，但我唔食得太多生野，件生蠔食到我差唔多嘔......=o=
而鴨肝同件和牛漢堡......煎既時候嚇死我，D油多到........夠我炒幾碟菜........所以依餐係極高卡路里....

不過我同Taki 都食得好開心~~~
又有一個美滿既生日大餐~~美好既一晚~~
 

農曆新年前係Taki生日

因為正日佢好忙
所以正日前一日就幫佢食蛋糕先
點解唔慶祝？？因為新年好多人都買野團年，唔想同人迫，所以遲D先補祝
前一晚就同taki去左mk食飯，咁拎完蛋糕就去左taki度吹蠟燭慶祝

第二日正日，taki公司搞annul party，佢做MC
果晚我去酒店搵佢，見下佢D 同事
之後同佢去行年宵，買左好多野
taki話以前行年宵無野買，今年唔知點解就買左好多野
之後返酒店同佢玩同事玩

新年年初一晚同taki同kiyo打牌
輪左７xx，但可以見taki無所謂啦

年初二就去左taki到
但佢唔舒服，係咁訓...........

依個新年我地仲睇左<<花田喜事2010>>同<<神火之賊>>
so good~~

期待年十五既生日大餐
 

尋日幫taki搬野買野
又買花又買木粒，搬死我><

不過同taki行街真係幾開心
返黎睇住佢moon 布，又moon得幾靚
taki比我想象中叻仔好多

有個咁既老婆仔真好

估唔到成三個月無打日記
haha~~我都知我懶架啦~~
不過我諗我個日記得我同Taki會睇........

今日見得閒少少，就打下日記啦
不過依三個月真係發生左唔少野
其中一樣就係我同Taki有我地既心血結晶la~~
無錯，我地有一對仔女啦~~
大女叫Silver(免仔)~細仔叫Golden(龍貓)
個大女就傻傻地，最叻就係食
細仔就叻D~~不過曳D~~

不過最開心係同Taki一齊左７個月
依家Taki係同我拍得最耐既一個bf~~~
真係好開心架~~
難得係我地無吵架過
一樣咁為食同懶訓~~~

有時都會諗Taki鍾意我d 咩
我又唔靚仔，又唔算好fit.......
所以成日都驚無左佢~~~
每星期去佢屋企，有佢陪我都好開心好warm ga~~~
好鍾意覽住佢訓~~~

依排既目標就係做好自己
keep好d 個樣，操返 fit d~~
希望吸引佢多d~~xd