以下係我既 不美好童年故事

今日我又聽林峰(愛在記憶中找你)

當然係一路睇歌詞 一路聽啦

睇歌詞係會令我諗多d野…

我聽呀聽

唔知點解會諗起細個唔開心既野

雖然我呀媽同呀爸唔會搵野打我

不過佢地會用手打

我都知某幾個同學係成日比人打既…

所以我呢d唔算得咩…

但係

講真呀…

可能有d人會比我更加差…又或者我唔算差…

不過不過

對我黎講

我既童年真係唔幸福

以前既我

最怕自己一個

其實本身唔算係好驚

只不過係因為細個

但係

我呀媽同呀爸知我驚

所以我做錯野

就會鎖我係房到

我又喊又大叫

我真係好怕自己一個

以前既工人姐姐見佢地鎖我就驚

就又鎖我

我宜家都唔算大力

以前既我重細力

我冇力推開佢地

就差唔多日日鎖我

得閒鎖下咁

今日同呀爸打左少少交…

佢打到我流鼻血

令我諗番起以前

佢第一次打我

都係打到流鼻血

係二年級既事啦…

果時我記得我向佢爆粗

佢打完我之後

我唔知咩事

突然覺得好痛

鼻血就係咁流

一d都唔痛

冇feel咁流

我係咁喊

有一次

我向陳「藹評」(以前教數學果個) 爆粗定係唔知咩

比劉sir睇到

佢話左比我呀媽知

跟住呀媽同呀爸就鎖我出門口

係夜晚呀!!

鎖左上去電梯果到呀!!

係冬天添呀…

第二日

我就發左燒…

之後有幾次佢都鎖左我出「街」(唔知點講好)

我又講下哈利波特好冇??

大家都知我驚哈利架啦…

其實係咁既…

呀爸有次帶左我去睇哈利波特

我每睇一次就發兩個月惡夢(我睇左1,2,4集)

我真係好驚架!!

唔係講笑!!!!

「由其事」第二集

我好驚隻蛇!!

我之後每次自己一個望住d鏡就會嚇到大叫

當然宜家冇啦…我宜家係moring同afternoon都唔會驚自己一個.

不過夜晚就會驚lo

(不過重驚蛇…)

重有…

就係搭lift啦…

我唔係驚自己一個係lift到

而係驚個度門!!

以前

我細個既時候

我呀媽「山」lift「山」得快

我又行得慢

我想用手擋

結果隻手卡住左係lift門到!!!

我係咁喊

但係冇申唔番出黎!!!

最後

我知點樣大力拉

接左出黎

我唔記得我隻手係點架啦…

好似係血淋淋

又好似係擦親小小

我真係唔記得啦…

我只係記得好痛…

之後

係到六年級之前

我入lift都會好驚

收埋隻手入袋

就「忽」入lift

最近都冇野啦

因為我係佢地兩個第一個生出黎既

佢地唔識點教仔女

我都係做第一個白老鼠

教我既方法永遠都係最差既

聽日就係我既生日

相信今日都唔會有人陪我「度」過

因為佢地最鍾意果個係呀妹