到訪請留名。

相隔一年半的時間

又遇上了一個晴朗的天氣

所以又回到想要寫下自己生活鎖事的心情

就這樣，我回來這裡了。

連Windows都教我要愛上台灣了

在控制台的地區及語言選項內

若果標準及格式設為香港特別行政區的話

安裝軟件時的搭配語言居然是簡體中文

你是要我以後不愛香港只愛台灣是吧?

差不多近半個月來都係大晴天

今日亦唔例外

約一個星期前約好左今日去南丫島游水

出席既有︰雪、水、林、樹、妖、頓、蝦、豆

集合時間係下午兩點鐘

仿如出現奇蹟一般

我比預訂時間早到兼係最早到既一個

天氣非常熱

係集合既中環碼頭亦無乜風

等人既時候個個已經滴晒汗v_v

雪係等齊人既時候Show左佢之前買既Keroro沙灘波出黎

有準備既稱職活動召集人=]

到左兩點二十分集齊人就準備上船

而船上有舒適既冷氣

各人都係度傾偈/打機(我)

咩話題都有得傾=]

朋友就該是這樣無拘無束的吧?

到左南丫島之後感覺好似去左亂爬

上斜落斜行左大約20分鐘左右

沿途有一間二間既士多雜貨

經過其中一間既時候雪買左Set堆沙工具

妖就租左個大水泡

其他人亦係個度買水解渴

我就買多左筒能得利果汁橡皮糖
(五分鐘比我啪晒)

落到沙灘既時候見到今日都有唔少人

我地搵左個樹蔭既位置放好張沙灘蓆

然後我、妖、水、雪、蝦、頓、林就去左換泳衣

而豆就開始佢今日既工作(睇袋、睇人)

換完出黎之後見到Loli雪既三點式泳裝

嗯 夏天就該是這樣(?)

齊齊落水之後先繞場兜左個圈

發覺今日水質不太理想

重浮左好多膠袋垃圾v_v

不過無辦法 無理由因為D垃圾而放棄玩吧=]

第一輪落水時主要都係簡單浸下水拋下沙灘波

然後就成班人一齊堆沙砌城

Loli係度堆城堡

我砌左隻(?)古怪既遺跡(?)

而頓同蝦就係度玩Sim City

重起埋護城河(其實係條會整散座城既河)

而豆由於有小林接棒所以可以落黎堆沙

佢對座城既貢獻就係帶左隻守護(破壞)神「大妖」黎

隻大妖都幾生猛(?)

不過都係比我地困住左係個湖入面

其實應該叫佢做魔寨湖大妖(?)吧

玩完大妖放返生佢之後繼續第二輪嬉水活動

第二輪開始玩沙灘波

今日無玩到原本預訂要玩既數字球

改左玩馬騮搶球

不過因為實在太大風而且個波好輕

所以都好難拋G_G
(GBGB~我計埋風力拋到比頓話我準(?))

玩完一輪之後大家都返左埋據點附近買野串燒食

雞全翼、雞中翼、雞肉串、珍寶腸、香腸

款款都咁好味=]

比得上我屋企樓下個檔串燒

食完野抖左陣之後又一大班人繼續出去嬉水

今次繼續係主力玩水泡
(水泡成為左今日既重頭戲(?)謝妖)

玩到最後剩返我、水、雪、妖四個

猜拳輪流坐上水泡撲浪+被推倒(?)

我同妖當然係佔盡優勢(?)=D

不過如果唔係咁多垃圾既話應該可以玩得更加盡興的=<

下次要去個再靚D既沙灘!_!

玩完呢輪之後大家都返晒據點執野沖涼換衫

天亦開始黑．蚊亦開始多

淨係埋沙灘蓆拎返D衫去換都比蚊咬幾啖

辛苦左係沙灘蓆等既佢地了V_V

換好衫之後頓已經去左趕船返屋企陪老婆

其他人就一路傾偈一路行

中途去到士多還水泡既時候…小妖萬歲\@@/

請左我、水、雪飲野

跟住我地再慢慢行出碼頭

結果遲左幾分鐘上唔到船-.-

係碼頭出面睇左陣星傾左陣偈之後就入晒碼頭入面等船

大家都有點累吧．＿．

上左船之後傾左一陣偈之後大家就無出聲各自休息

出返中環之後我地就再轉船返尖沙嘴

不過轉船既時候搭錯左下層…結果無位坐

企到過海之後重要等雪同妖買阿波羅雪糕等左個幾字…

點解賣雪糕個Staff可以咁慢既呢…

等完佢地買雪糕之後就行左去Friday度坐低食野

頓走左剩返六個人…我地嗌左四碟野

其實唔係好夠食…不過D野都真係幾貴

大家都寧願各自歸家食宵夜都好過係度再嗌

結果埋單都要位位一百$_$

行到去地鐵站之後就各自歸家

我同雪兩個就去左搭地鐵

去到旺角我落車之後豆先拍我膊頭．＿．

原來佢無搭巴士改左搭地鐵a_a

不過因為遲左入地鐵站所以搭左我地隔籬個卡車

最後自己行返旺角火車站搭 67X返屋企

NDS果然係搭車良伴

打下機好快咁又返到屋企

之前棠棠去排隊拎左太空館同科學館既免費入場券

所以約好左今日出去同佢去尖沙嘴附近遊

係朝早起身既時候都已經Feel到個肚(胃?)唔係咁舒服

不過身體不適從來都唔會係我缺席非工作行程既原因

所以決定照去

但由於常駐效果「遲到」既關係

入太空館天象廳時遲左十分鐘

入去既時候即使有帶位員拎住電筒帶路

四周都仍然係黑一片要慢慢一步一步行

坐定定睇睇下發覺...播緊既唔係原本我想睇既宇宙大爆炸而係九大行星-.-

重要係小學生版-.-

不過行到咁累黎到坐下攤抖下都Okay既
(因為落車之後係個肚唔知邊度痛既情況用急步行去太空館)

睇完個20分鐘左右既片之後就離開太空館

先去左新港既美食廣場

兩個人食左一個$45既吉列套餐B
(有吉列豬扒+吉列炸蝦+咖哩+飯+橙汁X1)

食完野食埋止痛藥
(我個袋入面常備既藥包裡面有)

Hm...個肚暫時好左少少吧...無咁痛

食完野就趕去科學館用埋另外兩張免費飛

中途經過OKAY便利店諗住買野飲

推介Cool蒸餾水比棠棠既時候居然見到Cool又有洋葱頭既Event

Keep低招紙可以拎個Code打去抽電話/MP3機

而且張招紙都幾靚添 返屋企去Cool個網頁Download埋D圖

跟住去到科學館見到今日有個名為飛龍在天既展覽

即係睇恐龍化石

最特別既係佢派左張紙比我地係觀展沿途Crop印

佢用既印係凸紋壓印，幾靚

而且唔會因為有墨水而會令D小朋友整污糟雙手同D展品

逐層行個圈之後係咁依玩左最底層D小遊戲

然後去埋個Toilet就閃左人去返新港個邊行街

去到之前路過但無時間入去睇既MasterMind

本來係我想睇但最後係佢買左個袋

D Tee唔算貴...但D款的確太普通...

我最唔鍾意同人著埋D差唔多樣既衫

重要佢Sale個袋既時候話個袋限量得幾個

唔會同人撞款-.- 但轉頭就叫我揀埋D Tee話今年好興-.-

行完新港D舖頭之後經天橋轉移去海港城繼續行街

出面天氣原來好好，下大雨了

經商場入面既落地玻璃望出去都舒服D

去到CitiSuper文具部買左本卡片簿仔用黎裝開銀包裡面既一堆Member咭

之後去到CitiSuper既SuperMarket試食左D $40 100g既美國安格斯牛肉

唔記得問佢係西冷定肉眼

不過味道都係一般而已 唔算好食

路過美食廣場覺得肚餓但周圍好多人等位

又見屯門兩間賣墨魚小丸子既舖頭都摺左

所以就係個度買左六粒小丸子外賣上車食

離開海港城既時候仍然有雨

擔遮行左去另一間OKAY便利店買多兩支洋葱頭Cool水

跟住行多兩條街去左搭小巴

目的地係去黃埔鼎泰豐食晚飯

去到既時候等位等好耐

期間係門口望住D師傅搓粉皮

同埋望到佢個Board寫住早上鍋貼小籠包之類

同埋...雜項個度寫住六合彩三T 86萬

一個好謎既數字

入到去坐低叫左一籠十隻小籠包、一籠五隻豆沙小籠包、酸辣湯(中)、台式担担麵

水準麻麻，無乜驚喜

小籠包入口D湯飲有少少怪添v_v

食完野行左陣路過YoPark睇左傳單...

之前約好左同Key佢地黎 不過都係而家先知裡面玩D咩a_a

行完黃埔之後見無雨落就行上紅磡火車站搭巴士

行左二十分鐘就到左 然後就搭巴士返屯門屋企了g_g