同煒哥影o既相a_a
同小翠(亂改名的xd) 蔡冠影o既相=]
同kiyan影的=] 
成班友一齊影a_a
今日係一年一度o既聯歡 真係唔覺唔覺又一年
仲好記得上年歌唱比賽o既情況
今年 都玩得幾happy 朝早 就同容容豬一齊o番o黎啦 傾o左o的正o野a_a
跟住 教師日o既活動啦 同煒哥 蔡冠吹水就過o左啦
之後 就係玩遊戲o既時候啦 一開始就玩o左傳波波 本身覺得ok好玩架
但係 因為要落去聽歌唱比賽 所以就冇繼續玩落去 輸o左o既係維哥,eddie同jacky sin
然後 就睇歌唱比賽啦 獨唱o既質素ok啵 但唔明點解某人走音都可以入到三強-.-
唱BECAUSE OF YOU o個個唱歌真係好正呀 以佢中五o既年紀 聲底就可以咁厚 真係勁
係就係有少少咬字唔正 但係整體個feeling仍然好好
之後就係合唱組啦 合組反而冇獨唱咁高o既水準 但都唔係太差o既
畢業班 o的歌真係好鬼搞笑 少林足球真係好似渲染o左唔少香港人呀
連比賽入面都要用佢 真係勁 之後見到有o的F.5跳舞真係幾勁
7A好鬼搞笑 o的男仔得o番條短褲 好好玩咁好似
最奇怪o既係 點解"發洩發洩你苦悶"呢句歌詞需要某種特別o既steps架呢.XD?
頒獎o個時 其實都估到BECAUSE OF YOU o個領冠軍 因為真係好正
組合o個o的獎都合理 畢業班就好似5B拎冠軍
上o番去啦 佢o地繼續遊戲 踩波波 o的觀眾其實好似好悶-___-
DR HO拎o左十蚊o黎做獎品=____=
之後就開餐 o的雞翼真係幾好味 好快就比人ko唒 食完後 就出o左去影o左陣相
影完 就o番課室食火雞 隻火雞怪怪o地 發覺某o的人真係好煩
有人播EASON o既歌o黎挑起我條唱歌釁 結果我都係忍唔住 唱o左歌頌
最後就抽禮物啦 抽中o左一盒朱古力-__-(我都係買朱古力比人)
放學就同蔡冠 蔡耀一齊走人
o番到屋企後搞o左陣o野就出o左去 去o左chic之堡睇衫褲 三個都有收獲啵a_a
大約5點到就o番o左o黎 之後就o係m記到傾o左個幾鐘計
