4 日啦...足足 4 日放唔到日記上黎 ~ 個網壞左 ~

雖然係放唔到 D 日記上網, 不過我都有打左係自己部電腦到...

所以今日一上到就要一口氣放返 e 4 日既日記上黎 ~ 真唔方便 ~

等我講返今天的早上先 ! 首先就係唔想起身, 因為明顯地未訓夠 ~

但因為要返教會既關係...點都要起身...可是返到教會都係無精打采 ~

唔係係唔係因為自己精神不集中既關係...令我覺得那講員的聲線好像在叫我入睡 ~

唱完回應詩之後我就同 a 妹一齊閃人...之後就去買 McDonald 返屋企食...

食完之後我都急不及待去訓教...因為我真係好想 + 需要訓教...

起身之後一陣就有 D 教會 Uncle 上左舨我屋企, 同我老豆一齊睇高清 ~

而我就無奈地都要係到睇返 D 已經睇過既錄影 ~ 不過算...

餘下幾個鐘既下午既時間, 我整埋果隻 Video, 總算做好了暑期聖經班 e 部份 !

踏入 Night time 之後...我都冇做過 D 咩...反而突然想安靜一下...

所以就靈修、祈禱、聽聽詩歌...聽日又開始一星期的工作了...面對吧 !

Yesterday Night 睇完奧運...都成 1 點幾先訓...

所以今朝都冇咁早起到身...大約 11 點左右起身 la...

起身之後已經係時候食 Lunch la ^^" 其實都好嫁, 1 餐當 2 餐

食野既同時一路睇奧運直播...看見中國今次奧運的第一金誕生...場面真感人

特別是當國旗隨國歌升起時...聽見場內好大唱著中國國歌的歌聲, 真的叫人興奮 !

睇完之後我就開始將 Friday 同 D 小朋友係暑期聖經班拍既 Video 過著電腦...

接著就是開始 Cut 片啦...Cut 片真的很用時間及心機...不過唔緊要啦 ^^

4 點幾出左去同個 fd 食 tea...是以前既初中同學...

食完 e 餐之後又去另外一個地方同另外一班都係初中既同學 + 老師食 Dinner

e 幾個同學仔, 係以前我地同班既時候都未試過一齊食野...

真係估唔到 6 年後的今天會一同食飯, 所以 e 個世界上真係咩事都有可能

食到 11 點先走人...上車之後就打比個 fd, 不過佢又唔得閒 ~

到佢再打返比我既時候都已經 1 點 la ~ 我 12 點返到屋企...

係 e 個鐘都比我做到好多野...最開心既係可以 Cut 好曬段片 Yeah !

最後傾到 2 點幾先訓教...希望聽日崇拜時唔會訓著 ^^"

終於都到 2008 年 8 月 8 日…北京奧運開幕啦 !

雖然係奧運開幕, 不過今日都係要返工嫁 ~

早上是暑期聖經班的最後 1 天…也意味著下星期一切回復平常…

但我地都仍然享受聖經班最後 1 天的整個上午…

因為我地同工可以係 office 專心做野…唔駛睇班 ^^"

成班同工 e 個上午除了工作外…就係講講對晚上奧運開幕的期待…

仲有既就係講返琴晚 同事三分親 既大結局 <- 咁既工作環境真的不錯 !

下午…暑期聖經班完了…我要帶返堂啦…e 堂就係同 D 小朋友仔唱歌仔

今次唱左…耶穌大追蹤、小樹苗…之外…仲有 We are Ready <- 齊齊迎奧運 ! Yeah !

真係玩到傻左…e 個鐘又唱又跳…就連超多精力既小朋友都喊累了…

之後 2 個幾鐘都係 Office 做野…直到 6 點…收工…準時走人返屋企睇開幕 !

去搭車見到好多人…平時 6 點都冇咩人嫁 ma…點知今日會咁多 ~

我都好趕呀…返到屋企大約 7:30pm 左右啦…好緊張呀 ! 就快開幕了 !

成家人都已經返曬屋企睇開幕…邊睇邊食…加埋個咁正既北京奧運…都幾開心嫁 ^^

睇左成 4 個鐘…最悶就係運動員進場…除左香港隊、中華台北隊、中國隊既時候…

不過當中國國旗隨著國歌升起時…心中真的有一種自豪感 !

12 點幾睇完就訓教啦…因為真係好眼訓…聽日我一定唔會咁早起身 ^^"