果然朝早真係好唔想起身...因為我仲未訓夠...但因為要返工, 所以一定要起身 ~

返到 office 既時候...見到大家都覺得我地好似冇見一陣 only...

不過今日 Joei 姐姐喉嚨痛呀 ~ 唔通係因為琴晚唱 K, 加重了佢既喉嚨痛 ?!

開工啦 ! 早會今日唔係我帶, 不過我都要帶敬拜時間...

同 D 小朋友唱歌仔既時候, 都令我諗返琴晚唱 K 既搞笑野...大家都你眼望我眼咁笑

早會之後上堂...暑期溫習呀...真的有點要命...

不過上完 e 堂之後就唔駛再上堂啦今日 ! 但都係 office 做文件啦 ~

D 野改黎改去, 都唔知幾時先做得完 ~ 真的希望可以快一點完成 !

下午食埋 Lunch 之後就出去參觀 lu...今次係去大埔海濱公園...

真係好呀, 因為我同小朋友去完參觀之後可以直接係果到收工走人 ! Yeah !

真係冇咩試過返工都可以咁早返到屋企...沖完涼之後都只 6 點, 真係太美好啦 !

不過同佢地係海濱公園既時候真係熱得要命 ~

加上佢地係咁捉住我隻手, 真係熱上加熱 ~ 我隻手比佢地搞到濕曬 ~

但見到佢地咁開心, 濕小小又有咩所謂 wo ^^ 見到佢地咁開心, 我都好開心 ^^

ps  唔知今晚食唔食得落飯呢 ? 因為我已經食左好多野 la ~ 已經飽飽 !

Yesterday Night 專登早 D 訓, 諗住今日可以精神 D

點知...世事難料...起身之後竟然食唔落早餐 ~ 個胃仲有 D 頂頂地既感覺 ~

最後搞到成 8 點先出門口 ~ 但也感恩的, 因為我都只係 late 左 5-10 mins 返工

返到去先帶個早會, 之後再上一堂...接著就有 4 個 hours 唔駛上堂 la ^^

不過都要一直對住電腦做野 ~ 真係做到好累 ~ 個冷氣吹到我成個人都散曬 ~ 超辛苦 ~

下午 3 點左右要上堂啦 ! e 堂只係同 D 小朋友玩...

可能佢地個個都比奧運感染左...所以個個都話要扮...運動員、記者、攝影師

怇地仲不時學電視既打氣方法...

" 奧運...加油 ! 中國...加油 ! TVB...加油 " <- 真係比佢地吹漲

上完 e 堂真係成個人都散曬, 因為同佢地玩真係好累嫁 ~ 不過佢地好似一點也不累 ~

收工既時候, 我地同工分 2 批人走, 因為我地今日收工之後去唱 K

但 D 小朋友有 D 成 7 點先有人黎接, 所以有 2 個同工要等佢地走埋先黎得...

而我同幾個同工 and 義工姐姐 一夠鐘就去左唱 K 啦 !

我地足足唱左 4 個 hous, 玩得勁開心, 有點傻了似的 ^^"

大家都好 gag 呀 ! 真係接近句句野都包含了一個笑位 =o=

Joei 姐姐係到扮古巨基唱歌, 扮得勁好笑

翠兒、錦儀唱歌真係唔錯, 不過有時就唱到亂曬, 想點呀 ?!

昇哥哥, 又真係唱得幾高音嫁 wo...同呀諾一樣都係高音人

今次係我唱咁多次 K 以來玩得最開心既一次, 同時又係唱得最多歌既一次

但事實上我好多好多歌連聽到未聽過...不過我都跟到黎唱...哈哈 !

另外又因為係 Buffet 既關係, 我之後先知自己原來食左好多野...好飽 !

11 點左右就走人 lu...返到屋企都已經 12 點 lu...最後 1 點先訓...好累 ~

ps  聽日仲要返工嫁 ! 希望我會有精神啦 !

今日既天氣又變得唔係幾好 ~ 整天也下落雨 ~

不過對我既影響都唔大, 因為我都冇時時間係會係室外, 就算有都只係一陣...

朝早起身, 雖然係仲想訓耐 D...但感覺到自己的精神不錯, 大概是琴晚早訓...

雖然精神唔錯, 不過我都搞到 late 曬先門口, 但都冇 late 到返工 <- 時間剛剛好 !

返到去之後就開始做野...到我收工既時候諗返先發覺...今日好似好忙咁...冇停過...

朝早第一節 > 對電腦打文件   --   朝早第二節 > 上堂   --   食飯前 > 對電腦打文件

下午第一節 > 上堂   --   下午第二節 > 打埋個 final 劇本 and 預備戲服、導具

收工前 > 繼續預備戲服、導具 and 傾套劇既野 (D 小朋友下星期日就表演啦)

收工既時候本黎可以準時走...

但走之前, 聽見有 D 幾年前既相睇 wo <- 當中有 D 人我都認識

所以我就決定睇埋先走...嘩...真係估唔到幾年前佢地係咁既樣 ^^"

睇完之後又冇啦啦傾導具既野...就係咁就走左 15 mins 都走唔到 ~

不過唔緊要啦, 時候仲早 a ma <- 大家都喜歡在收工既時候討論工事 ~

今日因為同另一個人一齊走, 所以改坐 電車 + MTR, 雖然時間係多用了小小

不過車程又有人陪 and 傾下計、車費又平 D wo...咁就冇咩所謂啦 !

ps  今晚好似有好多樣野要做咁...但我已經有點睡意了 ~ 希望我撐得住啦 !