仲未做完個lab report

劉華嘩會出warning letter比我地，如果係星期五都交唔倒就會

唉~一番到學校咪又係打機= =

reading time果陣mary嘩要聽下d 英文╴

聽左成十五分鐘，搞到好眼訓。

中化堂好刺激，

抽中左我去小組討論，係全班面前表演

有勁駒，cyy，我，winnie同埋irene

死人winnie好鬼積極，佢係咁講，搞到好似壟斷發言咁

好彩我都唔弱，捉住佢前後矛盾，再加自己的推論.......

臨尾最好笑，irene同勁駒搶mic

最衰都係winnie，乜都自己講哂

真係覺得自己好勁╴

林國光仲嘩我做得好，佢評我最高分，

如果出去會考有咁既水準，我實係口試度拎A

我果然係一個king of present (presenter)中文係:「發表之王」

我把口真勁^.^

ue堂都無乜野，上埋個physics就lunch

個個都出哂街食，搞到我要走落地下當值.........

我咁耐都未同我partner講過一句說話，咁做好似有d 殘忍

當完，食lunch，同阿霖and勁駒食

之後去toilet，當我照鏡既時候，突然聽倒撞門聲，

我回頭一望，

有兩個form2小妹妹衝左入黎!!!!!

我心諗:「唔係馬? 仲玩d 咁既野? 咁做好唔岩喎! 好! 出去警告下佢地先」

佢地一見倒我轉頭望佢地就隱約聽倒佢地講:「白河愁」

呢個時候，我更加要逗一逗果兩個好奇心強的小妹妹，

我追出去，原係讀2B既

佢兩個想潛逃，但走不出我五指山，

我走埋去問:「你地求先做咩事?」

我望一望佢兩個

仲諗住咁大單野，煮佢地兩個一獲

點知發現原來有個係個friend既fd，我即刻諗倒點解會聽倒「白河愁」三個字

即係嘩: 我唔郁得佢地，放過佢地啦

我就同佢地講:「我唔知你係有d 衝動定係好奇，咁做係好唔岩既，以後唔好啦。」

我一走，就見倒岑sir，如果唔係比面佢，果兩個小妹妹就一定就地正法......

算! 嘩過放過人地就要實行!

不過點解要咁做呢? 男廁都無野睇嫁啦

lunch 之後上悶悶的chem堂

一聽倒劉華把聲就想死，

即刻感受倒好大壓力，

這種壓力要我訓。

真係頂唔順，如果唔係為左自己前途，我真係睬佢都傻

佢比左個break我地，

我即刻要去toilet醒下神先..................

一講到佢今次考試會出咩，佢就好鬼寸

仲係咁講佢會出乜。

出咩呀! 咪又係估你唔倒。

放又打拳皇，

今次仲癲，開埋個screen同speaker打，

搞到個班房好似個機鋪咁。

之後，打呢個日記囉!!

晨早流流就要番學當值，

唉~~~咪守地下囉!!!!!

睇住一個個人番學其實都幾有趣，可以增加見識^^

堂就繼續係咁上，

劉華就嘩我地琴日個test令佢太失望，

佢嘩我地好唔溫書，又搵我地同岩岩升左上大學果班f7比

唉~~~都唔知點解，我地呢年真係好hea

一d 都唔認真，日日放學就俱樂部，

番到home又唔做好d 功課。

itc呢個account終於比胡明榮搞定左，

所以日後再無itc既出現，

但我地俱樂部成員不愄強權，繼續打拳皇......

lunch果陣，李賢健同阿霖去扮哂野去當值，當得果5分鐘

之後李賢健嘩同阿head坐喎，

咁咪同羅芷珊and麻油食囉......

又講起高妹，李賢健真係......

我都唔識形容，但真係聽到厭哂

之後無端端講「身裁」and「身形」

原來阿珊有另外的睇法，

「身裁」係較突出同誇張

「身形」係比例岩岩好 (當然係講緊女性)

食完之後一行出去，

見倒楊達武虐待佢班果兩個學生，罰跨欄

唔知點解?????

仲好多人睇，我地都睇埋一份

之後我地問阿七的意見，

佢就咁睇:「我地嘩好睇就好睇，家陣係我揀.......」

今日ue堂mary無番，由mrs o'conor代課

好好人，佢請我地食朱古力

我拎左三粒.......reward的

之後kai eng乜都唔講，我地就唔鬼理佢，我地有我地玩

放學........又拳皇

狂問阿yee:「你好好打咩?」

本來今日個reading time係無老師上黎，

但係唔知點解胡明榮無端端走左上黎，

一入黎就問我地:「老師入左黎，你地應該做咩呀?」

我地無理佢，繼續做自己野，

之後佢就不厭其煩再問多次。

最後我地咪識做，企起身同佢打招呼囉.......

佢望一望我地，然後係度問點解d 人未番，

之後佢一見倒一d 岩岩番果d 就問:「你地去左邊?」(扮哂野咁)

最慘係佢走埋去部電腦度，

我地仲以為佢會罵我地好將個桌面變成「巴士判官」，

點知佢一問:「求先邊個login?」

無人答，佢又再問

無答，又問

之後佢叫班長出黎，up完堆野之後就叫左李賢健出去，

原來係問點解有itc呢個id，

條友以前係itc，

居然連有呢個id的存在都唔知，佢都算失敗............

總之佢個樣就好乞人憎，成個「課室判官」咁

佢仲表示嘩會delet itc呢個id

唉~~俱樂部無啦

放學有個chem測驗。

個個人都話唔識，我就識d 唔識d，

死人阿七就嘩我:「我一見倒袋樑係咁寫我就想x佢。」

駛唔駛呀?????

我識就梗係寫啦，唔通唔寫咩?????

打拳皇發曳，

之後同james番home，

點知佢條女突然出現，

搞到我要自已番

今日終於同麻油一齊傾野，

大家都概嘆時間過得好快，

嘩都無咁快就要考試，

之後就要面對高考.........

lunch時同黎梓，麻油，羅芷珊，羅寶珠，李賢健同阿佩食

李賢健係度嘩佢鐘意中四果個「高妹」，

之後我地個個都好驚訝，尤其係6A果d，

我早兩三個月就知，

但係李賢健一尾得個「講」字，從來都未同「高妹」講過一句野= =

今日李賢健仲話有個計邂逅「高妹」，

個計劃如下:

1.kin同「高妹」在一個無人的走廊相遇

2.kin唔小心撞倒「高妹」

3.kin抱住「高妹」救左佢

4........

阿佩同阿珊都嘩識佢，仲問kin駛唔駛搵幫手，

但kin就打死都嘩要用佢的白痴計劃......

我地仲嘩佢無能添

老鼠是實驗室專用的物件，

今日我就要用佢黎做

我都有d 驚驚地，

一望個老師台，一隻隻死左的老鼠放哂係個盤到

一隻隻都硬哂......

陳sir叫我地幫隻老鼠做體操，幫佢地鬆筋

用冰插釘起隻老鼠，好似耶穌釘十字架咁，

好核突!!!

用較剪剪開佢個肚......

一撕...........

皮同肉分開左，

再剪開d 肌肉，

見倒哂d 肉臟.......

逐條腸分出黎......

最後剪開佢個心口，

點知我唔覺意剪破左條血管，流哂d 血出黎

係條氣管後面抽條食道出黎...........

好血淋淋

好tired

琴晚睇<捉鬼天狗幫>睇到0145

所一訓就訓到1330

食左個飯就睇番琴晚個<加旋>

真係好好笑，清麻呂整d 咖哩搞定左好多人

之後表妹睇琴晚個<電車男>，

我真係唔明，點解個男主角咁無用，

連講句野都口疾疾咁，

同女主角開句聲都驚到死，

睇到我都火滾，

條友真係好無用，

我肯定自己一定唔會好似佢咁........

做埋d 英文，

好耐無見的阿爸搵我食飯，佢嘩補番同我慶祝生日喎

佢所做過破壞家庭的事的確係事實，

但都已經是過去了.........

「相見好，同住難」這句話可以完全套用在這個人身上

傾左唔係好多野，因為食得太快，一個鐘就ko

臨走果陣佢仲比左錢我and sister，

之後佢仲嘩佢有msn喎

嘩! 果然high tech

四十幾歲人都玩msn...........

我都只能當佢係我的一個不 常見的朋友罷了