事隔太多日~
基本上~~ 傻人日記寫幾多我就記幾多~~
所以一切都係放工之後ge嘢~
哈~~ 請大家見諒~ 我會努力d追ga喇~!!!

今日傻人屋企做節~
可能係我孤陋寡聞啦~
真係第一次聽到有人屋企會做鬼節~
不過其實做咩節都唔緊要啦~
都係巧立名目~
一家人坐低食返餐咁解ga je~~

「一家人」~ 係囉...
一家人呀~~
點解又會有我份ge呢...
講真~ 去之前都真係問咗傻人好多次~
我真係要去?~~?~?~??
不請自來會唔會唔係咁好呀?~~?~~?
不過傻人好堅定咁答我﹕「係~ 」
咁我都冇嘢好講啦~~~
死就死啦~~~

好彩呢次傻人屋企唔係全數出席~
而且有幾個重係隔離屋~
當晚同檯ge都只係得傻人媽媽~
四個阿哥加一個阿嫂~ (傻人總共有6個哥哥一個家姐~ )
不過我都係依然周身唔聚財咁...
只好發呆... 點頭... 傻笑... 再發呆......

我諗我真係唔多識點同長輩相處~
唔好話係男朋友ge屋企人~
就連自己ge屋企人~
好多時我都會係咁dead air唔知講咩好~
其實唔係唔關心~ 唔係唔鍚~ 唔係唔在乎~
只不過可能真係年紀有一定差異~
生活圈又唔係有太多交集~
想打開話題都唔知可以從何說起~

呢d嘢~ 係唔係要學都學唔嚟ga呢~??~?~
算啦... 做返自己就得啦...
唔好諗咁多喇...

今日係七夕~~
唔係喺台灣住過幾年~
都真係唔知~
哩一日原來係中國情人節~
香港人都係過元宵呢~
不過因為身在香港~
所以都冇諗過話要點慶祝~

一早~ 就同傻人返佢屋企同佢屋企人飲茶~~
哇~ 嚇親我呀~
傻人食勁多嘢呢~!!!!
飲完茶~ 就同傻人入東薈城行outlet~
其實真係唔值得特登去行~
都只不過係一堆上年賣唔去ge貨尾~
但係又真係幾平ge~
我就係roxy睇中咗對拖鞋~
傻人就咩都睇唔啱~

之後我哋就入大澳lu~
想去睇日落ga~
不過今日天氣真係唔多好...
多雲又多煙霧~ 個天一d都唔靚~
但係話哂都係第一次去大澳~
所以都開心ge~
而且食咗燒魷魚~ 正呀~~
係可惜太晏食唔到豆腐花囉~
重要畀人話係因為我黑仔~
唔開心呀~!!!!!!!

之後同傻人食埋嘢就返屋企啦~
攰到傻呀~~~

星期六呀~~~~~~
不過今日要去抽血~
堅唔想去呀.....
但係都冇計啦...


收工就同傻人約係mtr等~
然後一齊過上環...

點知車車爸爸遲到~
於是我就同傻人去咗睇lomo展先啦~
傻人睇中咗部黑色fisheye呀~ 我就中意白色~~~
第一代全白真係好吸引呢~~~~~!!!!
lomo... 真係好邪惡呀~
中毒呀~!!!

睇完之後~ 車先生似乎都重要好耐先到~
我就同傻人周圍行喇~
上環係傻人地頭呢~
因為佢之前公司就係上環~
一路行~ 一路聽佢講以前ge嘢~~~
都好呀~ 畀我知多d傻人ge嘢~~
而且~~~~~ 佢果然係一隻念舊ge蟹呢~!!! 哈哈哈~~

所有可以行ge嘢都行完之後~
傻人同我就決定去醫療中心坐住等車車~
等呀等~~
三點幾~ 車車終於到喇~
激死~~~ 要抽血我已經忟ga喇~
重要我等咁耐~ 吼~~~~~~~~~~~~~~~~~~~

抽完血~~~
就同車車爸爸講byebye啦~
我就同傻人慢慢行去中環~ h&m~
好多人呀~~~
都冇心機睇~
算啦~ 走~!!!
跟住再搭船落咗tst~
傻人終於係i.t.買到褲喇~
由我未同佢一齊之前已經見佢係咁睇~
睇到哩一日~ 佢終於買喇~
哈哈哈~
恭喜傻人~~~~


買完褲就同傻人返佢屋企lu~
因為傻人已經好多好多好多日冇同屋企人食飯啦~
所以就陪佢返屋企等佢做吓乖乖仔喇~
食完之後我哋就返屋企lu~

今日都冇咩特別啦~
都係返工放工咁囉~

放工就同傻人去咗tst~
食完嘢行咗陣街街~
就去咗文化中心lu~
因為傻人想買飛睇夏韶聲演唱會~
之後再行多陣sogo就返屋企喇~~

死啦~~~~
隔咗咁耐先補~ 都真係唔多記得自己嗰日做咗d咩~
好彩有傻人ge日記畀我抄je~
等阿ca再次發揮當年左抄右貼小公主ge小宇宙~
拼貼返d日記出嚟先~


哩一日~
放工就同傻人去咗奧海城睇叛諜追擊3：最後通牒(The Bourne Ultimatum)~
戲就ok啦~ 動作片不嬲都唔係my cup of tea~
但係都唔悶ge~~ 以冇睇前兩集嚟講~ 
都唔會唔知佢講咩~ 雖然故事唔係太吸引/特別~
都叫都流暢~ 未至於會瞓覺ge~ 
不過比哩套戲更好睇ge係同場加影之「傻人買錯飛」~~~

到底哩個同場加影係咩嚟ga~
哈哈~
等我話過你知啦~
話說~ 傻人因為驚冇位~
所以一早就上網訂定飛~
但係唔知係因為太傻定係太心急~
有人竟然買咗好前好前好前ge位置~
其實後面明明重有好多位呢~
呵呵呵~~~

眼見後面咁多位~ 我哋個位又真係太前太前~
一熄燈~ 當然就閃去後面冇人ge位坐啦~
但係套戲開始之後~
竟然重有好多人陸陸續續咁入場~
每次一有人入場~
我同傻人就成個彈起~
因為好驚自己坐咗人哋個位嘛......
由7點20分開始彈完一次又一次~
震到差唔多45分~
我哋都已經覺得「應該唔會再有人入場喇掛...」ge時候...
真命天子終於出現喇...
哇哈哈哈哈哈哈~~~
好彩係戲院入面~
黑咪mun mun咋~~~!!!
真係「火羅」到呢......

哈哈哈哈哈哈哈哈哈~~~~~~~~
不過諗返都幾好笑呀~~
瘀一陣je~
冇所謂啦~~
都幾好玩呀~
大家下次都試吓呀~
可以同另一半增進感情呢~
都叫做共過患難嘛~
呵呵~