8月10日

今日唔係好多嘢做~
不過有個好重要ge會要開~~~
就係11月中電she day~
準備咗幾日ga喇~
阿head緊張到爆~ 癲咗幾日呀佢~
(我就受咗幾日咁囉... )
點知去到最後關頭~
當我哋已經準備好哂所有嘢~
mandy男朋友竟然打嚟話晏少少會掛8號仔~
oh~~~ 個會... 唔使開啦....
其實講真~ 我反而想快快手手開完算~
咁樣取消~ 又唔知要拖到幾時~
一陣mandy又發多幾日癲我就真係死畀佢睇~
不過都冇計啦~

14:30~ 8號仔登場~
哩個8號仔~ 打亂哂我ge工作~
好多本身唔趕ge嘢~
突然間就變得好趕...
好彩1300就已經知道會掛8號~
所以都未至於手忙腳亂~
不過就要成三點幾先走得~

傻人呢~ 一掛就閃啦~
佢又話唔放心~ 又話要嚟接我~~
傻~~ 有咩好唔放心呢~
不過最後因為太子站太恐怖~
傻人上唔到車~ 結果係太子就出閘~
再行去深水埗~ 而我就自己行返去~
我哋都好遵守打風要掃貨呢個傳統~
掃咗少少零食先返屋企~

返到屋企~ hea咗一陣~ 就出mk lu~
因為今日約咗ca姐&埠仔~ 輝哥&啫哩去睇5星級大鼠~
本身話6個一齊食嘢ge~ 不過其實6點又真係食唔落~
所以我同傻人捃ca姐拎完飛就自己去咗滿記~
食我最愛ge甜品先~ 諗住睇完戲先再食嘢~
5星級大鼠好睇喎~~~
其實講真如果唔係ca姐約~ 我應該唔會入戲院睇~
不過真係有意外驚喜呢~~

睇完打畀阿哥~~~
滿心歡喜諗住8號仔可能掛到第二日~
咁我同傻人食完嘢~ 就可以去tst捃哥哥一齊睇風~
點鬼知... 都未食完嘢~ 就收到消息~ 已經改掛3號...
oh... 即係第二日要返工啦...
唉~ 等我重以為天文台會有生日禮物畀我tim...
好啦... 冇喇~ 咁食完嘢~
就只好同傻人返屋企覺覺豬啦...

係同傻人一齊第38日ge呢一晚臨瞓前~
傻人第一次整到我唔開心~
好小好小事~
不過我都係要記低佢~
哈哈哈~

8月3日

又係happy friday啦~
不過今日都唔多happy~~~
工作上好多好多好多好多煩嘢~ (車身貼招牌錯字~ 中電旗唔合mandy意~ )
重有就係婆婆隻腳發炎~ 痛到行唔到呢~~ 
今晚約咗好耐冇見ge 5哥同哥哥食飯~
去咗澳門茶餐廳~
走ge時候竟然差d冇錢埋單~
哈哈哈~
今日 5 哥好呆~ 阿哥又病病地~
所以我都冇咩心機~
食完就去行咗一陣sogo~
跟住就返ssp同傻人食糖水~
呻咗好多~~~
多謝傻人~ ^^
呻完就返屋企瞓覺覺lu~

8月4日

星期六~
hea足一個朝早呢~
閒~
放工就同傻人約咗係tst~
行咗一陣就入上水睇婆婆~
今晚係第一次帶傻人見我ge屋企人~
重要一見就見個輩份最高ge~ 哈~~ 問你怕未~?
好彩舅父係咁搞gag~ (爛嗰隻~)
都ok啦~
我相信傻人都順利過關ge~
起碼佢冇遲到~
重早早就同我去等位先tim~

8月5日

星期日~
不過都係一早就起咗身~
同傻人落街食早餐~
買嘢~ 拎衫~
再返屋企整哩樣整嗰樣~
就出門口去拜媽媽lu~
之後就去咗行apm~
悶死傻人啦~!!!
行完時間尚早~ 
又去太子行聯合同始創~
係對腳就斷之際~~~~~~~~
終於到約媽咪食飯ge時間~
一行5人去咗大角咀食~
媽咪好鬼病呀...
都唔見佢點食or講嘢~
食到一半阿熙終於收工趕到~
都叫齊人啦~ yeah~
食完飯~ 阿熙就同0靚妹打的~
我就同傻人行返屋企~
食飽飽行一行真係好舒服~
我好中意呀~!!!
後記﹕媽媽係生我ge媽媽~
         媽咪係step-mom~
         唔好搞亂呀~!!

8月6日 
 
又係星期一...
超唔想返工呀~!!!!
放工就去咗mk~
因為傻人想買polo銀包~
不過最後都係冇買到~
太多人入唔到去呀~ >.<
食完嘢~ 去咗花園街拎我訂咗好耐ge紫色床笠~~~
之後就返屋企lu~

8月7日

又係好多煩嘢ge一日啦~ 工作上~
琴日話得ge~ 今日又話唔ok~
就連佢自己度ge都話有問題~
咁即係點呀~!~??~~? 想點呀~~!!??
真係有d唔想做.....
好彩三點就離開office~ 入castle peak set up~
再要我對住佢~ 我真係會發脾4 ga喇~!!
5點幾係屯門出返mk~
之後就同傻人去買銀包啦~
今晚去咗食魚旦腸粉碗仔翅~
食完就去奧海城睇變形金鋼~
竟然撞到阿二~ 邪~~~~~~ 哈哈哈~
不過唔係睇同一套~ 佢睇5星級大鼠~
變形金鋼比我想像中好睇好多呀~
好睇~ ^^
睇完已經12點幾~
傻人已經冇車返屋企~
又係時候瞓覺lu~~~~

8月8日

放工又係去咗mk~
近排日日都去mk呢~
今日食咗我唔多like ge白色麵~ 重要係扮ge台式料理~
>.<
之後傻人就去波鞋街掃貨~
兩對vans呀~
佢恨咗好耐呢~
之後就同傻人一齊返屋企lu~

8月9日

今日係森美隻獅子生日~
happy birthdya~!!!
話時話~ 都真係成年冇見過獅子先生呢~
今晚~ 本身話去傻人屋企食飯ga~
結果有少少意外~ 又係mk~
行咗皆旺~
子犬物語~ 1 & 2~
$199 一套~ 一套有唔記得10隻定20隻ga~!
其實唔貴~ 真係好可愛~
不過佢要成套買~ 冇得散賣~
成套咁多~ 買咗又唔知擺邊...
所以都係冇買~
之後就返屋企lu~
傻人媽媽唔要傻人啦~
叫佢唔好返屋企呀~
哈哈哈~~
好啦~ 我大發慈悲收留你啦~
cccccccc
後記﹕今日我最愛嗰對vans人字拖爛咗~
唔開心~ >.<
lin 董送ga~

7月27日

今日係eason生日呀~~~~~
happy birthday~~~

今晚傻人約咗成班男仔食飯~
我當然識做唔會死跟啦~
係我諗緊收工去邊ge時候~
ca姐就打嚟約食飯喇~
4個女仔~? 咦~ 都好喎~~
之前同佢哋出去~ 次次都一大班人~
佢哋講嘢我又插唔到嘴~
加上多人又唔熟~ 我就會玩自閉~
今次人少少~
有機會同大家熟絡d~ 唔錯唔錯~
點知今日鬼咁多嘢做~
成7點幾先係公司走~
去到荃灣都成8點~~~
要佢哋三個等我一個~~
oh... sorry~~~~~

去咗我一路都好中意ge Spaghetti House~
不過就冇食到拿破崙意粉~~~
但係都有我最愛ge沙律~!! 正呀~!!!!!!!!!!!!!!!!!!
幾個女仔~ 有講有笑~ 唔經唔覺就十點幾lu~~
打畀傻人~ 響都未響就有人聽~ 嚇親~~~~
原來係因為佢都咁啱準備打畀我~
cccccccccccccccc
約咗傻人係荃灣等之後~
就埋單走喇~
kan就嚟接joey同ca姐~
我呢~~~ 就陪vicki等車為名~
要vicki陪我等人為實~~!!!!
cccccccccccccccccc
thanks vicki~!!!!!!
vicki上咗車~ 傻人到咗之後~ 我就同傻人一齊返屋企啦~~

7月28日

又係開心happy的weekend啦~
早過平時少少起身~
因為要同傻人食早餐~
之後我就去返工~ 傻人就去游水lu~
放工~ 有人接~ 開心開心~
本身哩一日係準備去寵物暨戶外用品展ga~
我有狗仔玩~ 傻人有單車玩~
好開心ga嘛~
點知... 去到mk~ 已經冇車可以去~
如果自己坐車~ 去到都4點幾...
行唔到幾多~
所以大家就決定轉去行動漫展~
點知原來我個妹同胭都未食嘢...
orz~
咁~ 食咗嘢先啦~
但係食完都真係4點~ 傻人夜晚又約咗朋友~
而且佢朝早游完水~ 已經勁攰~
所以~ 就決定~~~~~~~~~~ 返屋企瞓~!!!!!!!!!
哈哈哈~
瞓到7點~ 傻人遲到啦~
我就等羅二小姐返嚟同我食飯~
等到8點左右~ 真係好好好好餓~
打開個雪櫃~ 發現屋企可以食ge~
竟然係得雪糕~
唔理喇~~~ 芒果同菠蘿~ i am coming~!!!!!!
食咗兩啖就發覺~ 其實肚餓食雪糕真係於事無補......
都係算把啦...
等等吓~ 個人就開始有d唔舒服~
個人好矛盾呀~
好肚餓~ 但係又好想嘔...
而且愈嚟愈唔舒服~~~
嘗試打畀羅小慧叫佢買返嚟畀我食~
不果... 算~~~
死落街~ 買咗支藥膏~
再去海城匯合羅二小姐~
食咗兩啖... 放棄~~~
真係好辛苦~ 食唔落~
然後就...... 嘔~~~~~~~~~~~~~~~~~~~~~~~~~~~~~~~~~~~~
嘔完個人即刻舒服好多~!
點知返到屋企~
又再嘔一次...
半夜又起身又嘔~
第二日重要0700鯉魚門~
唉~

7月29日

0700鯉魚門開工~
0650就到咗~
原來真係有地下鐵路~ 話咁快就到ga~!!
我唔知自己d面色有幾難睇~
不過一到步~ 見未有人到~ 就坐埋一邊等~
點知保安人員就即刻過嚟問我係唔係唔舒服~
使唔使幫我叫白車......
呃......
唔使喇唔該... 我重要開工......
朝早唔敢食嘢~
嘔咗一次黃膽水~
痾咗幾次~~
9點幾傻人打嚟~
聽到我冇食嘢~ 未飲過水~
feel到佢好嬲...
收線~ 做埋手上d嘢~ 就聽話去咗買寶礦力...
飲完個人又真係舒服dd~
lunch都係唔敢食~
飲咗杯熱檸蜜~
整哩樣整嗰樣~ 唔經唔覺又開show~~
完成哂自己嗰part之後~
我又坐埋一邊瞓~
又有幾個人問我有冇事~ 使唔使叫白車......
我面色真係咁難睇~?~?~??~?~~?~?
尾聲ge時候~ 亦都係我瞓緊覺ge時候~ 
傻人就到咗喇~
畀佢呃咗落mk睇醫生and食今日ge第一餐...
食完就返屋企lu~
真係好唔舒服呀......

7月30日

一個字啦~ 病...
放工同傻人去食米粉...
食完個人就開始想死~
一返到屋企~ 就嘔喇...

7月31日

個人好返好多~
不過都係想嘔同埋個肚係咁咕咕咕咕咕~~
夜晚就同傻人去咗睇hula girls~~
好睇呀~!!!!! 開心~~~~

8月1日

1個月ge新開始~
1個開心ge新開始~
今朝~~ 0745~ 傻人morning call到~
洗完白白出嚟~
0805已經見到傻人再打多咗一次電話畀我~
0815又再打嚟~ 做咩係咁催我喎~
係啦係啦~
我都知要你做人肉鬧鐘我都重遲到係我唔啱~
不過你都唔使咁掛... >.<
0835~ 一邊同傻人講住電話一邊出門口~
根本就未瞓醒ge我~
行到樓下ge時候~
傻人講咗一句~
「你睇吓邊個係前面﹖」
呃~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
點解ge~ 點解你會係度ge~
原來因為傻人今晚放工約咗朋友打波~  冇得見~
所以傻人就諗住係返工前過嚟見一見囉~
你話佢係唔係真係傻ga~!!!!!
由於要趕住返工ge關係~ 連一齊食早餐ge時間都唔夠呢~
只可以同傻人行去搭地鐵~
其實由我屋企行去地鐵站都只不過係5分鐘路程~~~
但係~ 真係好開心呢~~~

收工就同咗羅小慧and阿胭去行mk~
睇中咗一條好普通ge褲~
我自己就驚唔好襯~ 佢兩個就話覺得貴~
所以最後都係冇買~
決定唔買ge時候~ 見到sells姐姐表演傳說中ge變瞼呢~~~!
今日ge收穫有一件小外套同一個小袋子~
滿意滿意~ 開心開心~

8月2日

開咗一個好長好悶好煩好不可思議ge會~~~
用一句說話形容就係「好似教仔囉......」
今日都幾多嘢做~
係咁出稿~
不過都幾輕鬆~ 因為d稿都係幫mandy同阿彬出~
而且出稿真係好少會錯~
又唔係好使用腦~ 哈~
不過十二點開始胃痛~
好痛好痛~ 痛到有一刻真係想去睇醫生~
不過最後理智戰勝一切~
我都係冇去到睇醫生~ 哈哈哈~
放工又有傻人接~ yeah~
食咗好味雞旦仔~
然後就去行西九龍~
小丸子唔見咗呀~ 嗚~~~~~~~
行咗一陣~ 就去食車仔麵~
之後就返屋企喇~
傻人都坐咗一陣先走~

我又亂諗嘢喇~
又係咁~ >.<
我自己都唔知點解~ 嗚~~~
sorry傻人~~~~

行動代號﹕艾域加長大成人十周年慶祝晚會~
行動日期﹕2007年8月11日(六)
行動時間﹕代定
行動地點﹕意見蒐集中
               ( zoe提議韓烤~ zoe, erica&jan提議 buffet or pizza )

出席人士﹕erica & jan~ sammy & kenji~ 車車&米雪~
                阿祺~ 孔小姐~ zoe~ 大佬綱~  陳江elim&陳生~
                羅小悠&熙( ? )~ 施小綺( ? )~

請各已被列名為出席人士之會員~
盡早提交自己可出席之時間及所有其他相關資料 ( 如行動地點意見等... )
而各未被列名又有興趣參與之人士請盡速報名﹗﹗﹗

另外~ 有關行動經費資料可向有關部門 ( 即森美~ )查詢~~~
(( 森美~~~~~~  我要4格同fisheye~  colourflash我都係放棄喇~ 哈 ))

想知道更多有關 811 行動ge資料~
請密切留意http://blog.qooza.hk/ericawoewoe之最新消息~
或致電9156 4585查詢~ 艾域加將會親自為你解答~

其實我從來都唔信自己會寫日記~
唔係覺得寫日記唔好~
不過真係唔信自己可以堅持囉~
應該係話我太了解~ 太清楚自己~
我絕對係一個冇恆心ge人~
但係識咗傻人之後~
見到佢ge日記~
一寫就5、6年~~~!!!!
哇~~~~~~ 真係好勁~ 好佩服呀~!!!
雖然唔係真係日日寫~  (不過會補返~ )
而且有時寫得嗰兩句~
不過都叫有心呀~

見到佢咁~
我又真係好想試吓~
而且哩度~
如果我再唔寫d嘢充撐吓~ 真係就嚟變廢墟ga喇~
哈哈哈~~

雖然哩個blog將會由重質不重量
(扮哂嘢~ 哈哈~ )
轉形為~ 重量為主~
(我真係冇辦法話自己唔重質呀~~~~
過唔到自己嗰關囉~ 就算係事實都唔好講出口嘛~ )
不過都希望大家繼續賞面啦~~~

多謝收看~