今日~~~
又係公司嗰三位總理請食飯ge日子~
今次係去屯門食海鮮~
三聖興記~
好似話好出名ga呢~

我哋一行七人~
收工就一齊搭60x入屯門~
係第一個站落車之後~
就轉的士去目的地~
等埋由大棠過嚟ge mandy~
大家就係咁買呀買呀買呀~
有瀨尿蝦啦~ 有蠔啦~ 有魚啦~ 有螺啦~ 有重殼蟹啦~
重有我最愛ge象拔蚌刺身呀~!!!!!!
超甜~ 勁好味呢~
總之就7個人豪食一餐~~
未計煮~ 淨係買都買咗$1680呀~!!!!!!
最後埋單ge時候~ 我記得好似係2680咁上下啦~
7個人食咋~~
癲ga~!!!!
不過對中意食海鮮ge我嚟講~ 真係好滿足呢~

後記﹕多謝樂民總理~ 多謝nikle總理~ 多謝阿樂總理~
          哇哈哈哈哈哈哈~~~~
          是日金句係mandy對住海鮮檔阿姐嗰句「你唔好同我講錢啦~」~
          唔知總理們內心有冇淌血呢~

今日係睇brett anderson ge大日子~~~
其他嘢都唔使講啦~
放工就閃lu~
同傻人約咗係mk車頭等~
然後一齊去灣仔~
食完 kfc 就慢慢行過會展~
(哩間kfc d 粟米係我食過最難食的~~~!!!!! 第一次覺得粟米係咁難食囉~!!!!!)

行到天橋~~
竟然撞到傻人ge另一班朋友~
哇~~~~ 個個都係靚女~ 型仔呢~~
即係嗰 d 好slim~ 好識著衫嗰d呢~~~
好緊張呀~~


打過招呼~ 傾咗幾句~
就入場lu~~
一入到去~~~
哇~~~
點解咁ga~
開咁少位~??~
好空ge感覺~
但係... 好明顯一定可以企足全場呢~
每張櫈都有椅套~~ 背脊大大隻字咁寫住~ 「請勿站在椅子上」~
而我睇到ge潛台詞就係~ 「企還企~ 小心d呀你班友仔~!」
未坐低已經feel到傻人好high~
一直口中唸唸有詞~
「早知買貴d飛啦~~ 頂呀~」
「嘩~ 阿豬~ 冇欄ga阿豬~ 頂~~~~~~」
「一陣衝唔衝好呢~~ 」
而我亦早就聲明~
今晚傻人可以放假~
可以完全忘記我哩個女朋友ge存在~
要衝就衝吧~~~ 我會自己照顧自己~ 我會好好的~

結果呢~~~
一熄燈~ 都未暗哂~
就feel到後面有一鼓煞氣~~~~
衝呀~~~~~~~~~~~~~~~~~~~~~~~~~~~~~~

傻人當然冇衝啦~
我哋只係好乖咁~
企咗係旁邊嗰兩個比較靠中間ge櫈上面~~

我都唔知點形容哩個live~~~~
講真~~~ suede我真係唔係聽好多~~
當然唔會係完全冇聽過啦~
不過都一定唔係fans~~
但係~~~ 真係好正呢~~~

不過更令我感動ge係~
滴住汗都拖住我唔放嗰隻手呢~

唔睇返傻人ge日記~
我都真係唔記得哩一日做過d咩呢~
哦~~~~
原來係去咗傻人屋企食飯~~~~~
阿們~

今日要返工呀~~~
0700秀茂坪~
不過係室內~
個客又好人~ 加上得我自己~ mandy唔到~
所以都唔辛苦~ 係早起身哩吓......
不過我都成8點幾先到~
點知工程班友仔重遲過我~~~
唉~~~ 算啦~ 都可以準時交場~
而且個show都冇咩特別嘢~
平平安安咁渡過~~

收工~~~ 就搭車落觀塘~
傻人已經係van仔站等緊我lu~
跟住就入沙田同傻人ge朋友仔食飯啦~
今晚出席ge有kan~ joey~ 晴晴~ ca姐~ 埠仔~
ca姐媽咪~ 豬豬~ (ca姐姪女)~ 輝哥~ ken & gf~
是晚主角當然就係兩個小朋友啦~
晴晴同豬豬~
兩個小朋友玩得好開心~~~
不過就好明顯睇到佢哋性格唔同~~
好似豬豬就好中意好中意飲水~
好好動~~~ 好中意笑~
相比之下~ 晴晴就變得好斯文~ 好靜~~
但係好嗲~~~~ (特別係嗲爸爸~)
真係好好好好可愛呢~~~~

特別一提~~~
晴晴識得嗌我姐姐呢~
oh yeah~~~~~~~~~~~~~~~~~~~~~~~~~~~~
呵呵呵~

食完飯我就同傻人自己搭車返屋企lu~
我識路ga~~~ 係我帶路~ 我話畀傻人知邊度有車搭ga哩次~
係唔係勁先~~~~~~~~

8月11日

哩日係小女子ge生日~
oh yeah~~~~~
happy birthday to erica~~~~~~~

一早起身~
真係好唔想返工呀呀呀呀呀~!!!!!!!!
不過星期六~ 請半day~ 扣一day~ 蝕呀~!
而且星期六真係唔會多嘢做~
加上我唔返工都係留係屋企hea 之嘛...
所以最後都係乖乖返工去...

同傻人去食咗個m記開心早餐~
就返公司lu~

轉眼~ 就收工喇~
當然又係有乖乖傻人接啦~
返到屋企附近~ 食少少嘢就返屋企喇~
事關傻人要睇巴塞呢~
hea 吓 hea 吓~ 又一個下午~
睇完波就出mk捃車車~
因為要買生日禮物畀車車嘛~
試槍ge時候~ 我又死唔執輸玩埋一份~
點知~~~ d bb彈~~ 完全唔畀面~!!!
竟然彈返轉頭~ 射我腳指尾粒骨仔呀~!!!
離譜ga~!!!!!!!!!!!!!!

買完~ 我哋一行4人就去tst 匯合大家lu~
去到冇遲冇早~ 時間啱啱好~ 1830~~~
elim同jessica都好快就到喇~
我哋6個就先行去今晚ge目的地~ 韓國街攞位~

今晚食ge係韓烤~
係阿祺ge朋友仔推介ga~
都幾好味呀~
同以前食過ge有少少唔同~
因為哩間係唔使自己燒ga~
佢d職員~ 久唔久就會過嚟幫你落嘢食同埋翻吓佢~
如果你要自己燒~ 佢會好唔開心ga~ 因為佢會冇嘢好做啦~
呵呵呵~

多謝大家畀面~
雖然只係簡簡單單大家食返餐~
但係哩一晚阿ca真係好開心呢~

多謝傻人~ 多謝車車&米雪~ 多謝阿祺~ 多謝elim~ 多謝森美~
多謝阿哥~ 多謝0靚妹&熙~ 多謝zoe~ 多謝阿二 & terrence~~
fisheye 同 4格我會好好珍惜ga喇~

最後最後我要同哥哥講sorry~~
我真係一出手就知錯ga啦~
我會改ga喇~~
哩個唔知算唔算係今年ge生日願望呢~

另外要多謝有透過msn~ sms~ 電話~ e-card~ e-mail~
同阿ca講過生日快樂ge親朋好友們~

阿庭小白兔哥哥~ 你上年早咗~ 今年遲咗啦~
俊少davy~ 你其實係早咗定係記錯日子ga~?? cccc
小菁菁~ 你每年都記得呢~~ 感動耶~
ca姐~ 多謝你呀~~ ^^
9舅母~ 開心呢~~
lin董~ 你還是一樣準時呢~~~ 呵呵~
舅父仔wing~ thanks~~~~
欣姐~ 你同我講生日快樂~ 我重死唔要面打蛇隨棍上~ 麻煩你呢~
高比~ 算你啦~~~~~~ 算你趕到做最後一個啦~
泳之表姐~ 多謝呀~ 加油呢~
小聶大師~ 你的卡我是在公司看的~ 太大聲~ 嚇到呢~ 呵呵~

如果阿ca講漏咗你~
先say個sorry啦~~~
唔好介意~~
阿ca不嬲記性都唔好呢~~