明知故犯......

唔知大家有冇試過呢~
明明想洗頭~
明明想撳(音近禁，按的意思)洗頭水~~

但係隻手偏偏就走咗去撳沐浴露~~
而且~ 永遠遲唔會遲~ 早唔會早~
一定係撳完嗰千份之一秒鐘~
先會意識到自己撳錯......

又或者...
同一件事~ 做第一次ge時候太順手~
所以就算明知錯~
但係做第二次~ 第三次ge時候~
依然會好順手咁錯落去......

明知遲到... 依然0係屋企左摸摸~ 右搞搞~
明知會爆瘡~ 依然係咁隊薯片~
明知會肥~ 依然係咁啪古古力~
明知d嘢做唔完~ 依然係咁msn~
明知第二日要早起身~ 依然情願發吽竇都唔去瞓...
明知... 依然...
明知... 依然...

做完所有錯事之後...
就會開始憎自己~
討厭自己...
恨自己...
怨自己...
然後... 就會好忟... 好燥... 好煩... 好down... 好低落... 好沮喪...

「每次我也知道什麼錯~ 
   每次我也知錯不改過~! 
   怎麼偏偏知道難過...
   怎麼不可安心出錯!!?~」

節錄《沮喪•盧巧音》黃偉文

係囉... 點解唔可以安心出錯~~??
錯之嘛... 改咪得囉~ 由佢囉...

花咁多時間寫哩篇嘢~
係唔係代表我寫完就會反省~?
寫完我就會的起心肝改變~?~?~

唔係~!! 唔會~!!~ 冇可能~!!! absolutely not!!!!
咁我點解又要長篇大論~~??
咪只不過係要係我明知故犯ge列表入面再增添一項之嘛......

「始終一天 我會放棄再講~~~!!! 
   始終一天 我會放棄再講~~!!
   始終一天 我會放棄再講~~!!?
   始終一天 我會放棄再講......
   始終一天 我會放棄...再...講... 」           

節錄 《始終一天•at 17》林一峰

又一次~
又一次係咁~ 睇中咗d嘢~~~~
左諗右諗~~~ 買唔買好呢~
買咗有冇用~?~ 會唔會後悔~?
買咗放邊好~~?? 買咗我會唔會唔著ga~?
好似都唔係咁好用... 不如下次嚟睇都重係咁中意先買啦...

結果呢...
第二次去~
就係... 已經... 畀人... 買咗...

puma袋... 幾米燈... 2%黑色連身裙...
westwood星星銀包... 波波燈...... 總之就... 數之不盡...  

點解我對買嘢唔可以果斷d~
點解對感情我又永遠都死就死~ 開始咗先算~~?~?

如果當日同阿john~ 我可以停一停~ 諗一諗~ 或者依家就唔使再典~
如果買嘢我可以果斷d~ 想買就買~ 我依家都一樣唔使再典...

點解掉唔返轉~~~?~?
點解... 點解... 點解...

原來... 已經兩年...
不過我知道就算再過兩年... 十年... 廿年...
我依然係唔會平伏到...

上次同哥哥食飯...
哥哥話我有一樣嘢叻過佢~ 就係handle媽媽過身哩件事~
佢話佢一定冇我控制得咁好...
當時我即刻呆咗...
之後我同佢講... 「哥~ 其實我handle唔到...」
說話都未講完~ 我d眼淚就係咁流...

又有一次... 返緊工... 大埔撲滅罪行嘉年華...
其中一項表演... 有兩個小朋友唱粵曲~ 唱劍合釵圓......
小朋友唱到第二句... 我已經淚流滿面...

我唔識得形容嗰種係咩感覺...
唔知係邊度睇過哩句說話...
當至親死去ge時候~ 都會帶走自己身體ge一部份...

係... 真係...
好似自己已經唔再係自己...
我~ 已經唔再完整... 永遠都有缺失~ 永遠都有缺陷......
有一個缺口...

其實我唔算係孝順女...
至少媽媽在生ge時候我唔係...
我曾經有試圖想像失去雙親ge感覺...
我以為會冇咁痛~ 我以為會冇咁傷心...
我以為我會好快回復正常生活...
原來有d嘢~ 真係唔經歷過~ 你係絕對冇辦法想像...

我好清楚... 我唔係想要安慰~ 我唔係想要人關心~
我只係需要一個出口...
一個邊度都去唔到ge出口...

今年~ 我行咗兩次花市~
有兩個第一次~
第一個係~ 第一次日頭行花市~
第二個係~ 第一次行深水埗小花市~

首先講吓日頭行維園~
我係年廿九嗰日同車車爸爸去行ge~
第一次0係冇人流管制下行維園花市~
人~ 的確係冇咁多~ 都睇到嘢ga~
不過就完全買唔到嘢囉~
可能係得兩個人行ge關係掛~
真係冇咁開心~ 冇咁熱鬧~!!!
加上車車爸爸又咩都唔畀我買~ 咩都話貴~

其實我有睇中一副理大學生設計ge pair牌ga~!!!!
副嘢有名堂ga啵~ 叫金大豬~
52隻~ 張張唔同~ 內容呢~ 就係香港廿年嚟ga變化~
 
我記得有一對係畫麥當勞叔叔~
十年前15個幾一個餐~ 麥當勞叔叔瘦到條藤咁~ d笑容重好和藹可親tim~
依家呢~ 廿皮都冇一個餐~
而麥當勞叔叔呢~ 就肥到d衫爆q哂~ 個笑容亦都奸到出哂汁咁~
(不過講真... 我就覺得... 冇咩問題~ 人哋都係做生意je...)
但係副牌要成38蚊雞呀~~ 貴過個m記餐啦~  所以最後都冇買囉~
 
唉~~ 講真~ 今年花市d嘢都真係麻麻~
冇咩特別好笑ge嘢睇~
其實真係好唔明~ 點解年年花市都咁多吹氣嘢~~
上年都叫做有比較好笑ge吹氣石油氣同埋摺櫈~

今年呢... 見得最多~ 最多人買ge~ 就係吹氣波板糖同珍寶珠~
(都明ge... 大家都想阿唐唐派糖~
點知佢就以交稅同死係人生ge必經階段~ 叫大家一齊去死... 哈哈~)
不過我覺得同上年ge石油氣同埋摺櫈比~
就真係輸好多好多條街囉~
其實今年都重有一樣嘢係成日見到ge~
不過... 我個人就覺得絕對係失敗之作~
當然我都明~ 花市可以話係一年ge總結~
嗰年有d咩大新聞~ hot嘢~
都一定會係花市以各種唔同ge形態同大家見面~
不過... 吹氣鐘樓...... 都真係幾吹漲囉囉囉~!!!!!!

好啦~ 維園就差唔多喇~
講吓正日年三十晚我同綺琪~
0靚妹~ 熙少再加埋綺琪個fd去行ge深水埗小花市~
其實係未開之前都同阿哥去行過一次~
嗰次係夜晚~ 我哋係咁睇住d人係度幫個攤位扮靚靚~
當中好多都係學生~
重有一班人好開心咁係度玩數字球同慶祝生日tim~
都真係幾開心幾好玩幾羨慕ga~
就係因為之前見到d學生哥學生妹好似好用心咁~
所以~ 都真係有少少期待~
諗住應該會有d咩特別搞笑嘢睇~

咁講真~ 其實都幾好氣氛同埋幾熱鬧幾多人ga~
不過好可惜~ 可能因為係小花市ge關係~
所以冇人流管制~ d人中意點行就點行~
結果就亂到七個一皮喇...
再加上... 今年可能係... 最熱ge年三十晚~!!!!!
好多人都著短袖~
其實熱都係小事~ 最大獲就係濕...
目測... 羅二小姐就行到想發脾四咁濟...
不過我唔知點解~ 我就覺得冇咩嘢啵...
可能我真係太熱愛行花市哩個活動喇~
哇哈哈哈哈哈~

順帶一提~
走ge時候~
我哋見到王喜呀~
原來~ 佢係... 非常之咁...... 矮ga~!!!!!
可能高我dd咁啦...
唉~~ 我畀高比影響咗~
一直都以為佢起碼有5呎10 tim~

行完之後~ 我哋就落咗九龍城口甜舌滑食糖水~
口甜舌滑有幾咁好食就唔洗多講啦~
如果真係唔知~ 請call我~
我帶你去食~
咁點解我要特別一提呢~~
因為重點係有人請呀~
oh yeah~~~~~~~

金豬年第一餐就係食糖水~
我今年一定會甜甜蜜蜜ga~~
哇哈哈哈哈哈哈哈~

多謝各位~!!!!!

專一~
我不知道為什麼~ 也不知道從什麼時候開始~
很喜歡讓別人"覺得"我很專一~

歌手~ 我只愛陳eason~ 公仔~ 我最喜布魯圖~ 紙包飲品~ 我獨選維他檸檬茶~
薯片~ 鍾情熱浪~ 糖果~ 迷戀寶路~ (可惜香港好像已經買不到~)
動物~ 我酷愛小狗~ etc~ etc~

有時候我想~~
我根本一點都不專一~
因為就算有新的喜好~ 別的選擇~
我在人前人後~ 都會盡量要自己「保持形象」~ 以示忠誠~!
總是覺得好像我今天買了蝦撈拮米的筆~ 就是背叛了布魯圖跟米老鼠一樣~

其實... 除了米老鼠跟布魯圖~
我還愛melody~
(這應該是最少人知道的~ 因為當中又有erica另一個又無聊又白痴的怪想法)
m&m's的公仔~
也有一陣子覺得布甸狗很可愛~
還有跟野口同學長得一模一樣的大根~
特別是o嘴bb大根~
每次看到他~ 我總是有一種莫名的興奮~ 哇哈哈哈哈哈~~~

對顏色我也一直沒有特定的喜好~~
曾經有一陣子很愛綠色~
也鍾情過紫色~ 最近受寵的則是桃紅色~
而對白色~ 我是一直都抱著一種近乎迷戀的情意結~ 

有時候我又想~~
其實我是專一的~
就像我手機的底蓋不見了~
哥哥乾脆帶我去把整個機殼換掉~
第一次去看的時候~
打了如意算盤~
反正短期內沒有錢也沒有看得上眼的新手機~
下次去~ 就換個黑色的花花殼~
給自己一點新鮮感~ 就當作已經換過了新手機吧~~

可是~ 到了真正要去換的時候...
左思右想了一遍又一遍之後~
我居然還是選了跟原本一模一樣的機殼...
雖然哥哥沒有說什麼~
可是我看見他皺了一下眉~ 唉了一口氣~

因為我很清楚~ 就算我為了新鮮感~ 換了黑色~
就算黑色也不錯~ 我也很喜歡~
但日子一久~ 我還是會想念原本的......
或許... 這根本不叫專一... 這叫死腦筋~!!!!!!

「我真的專一嗎~?? 」
這個無聊又沒有實際答案的問題~
也是最近我一直在想的問題~?

或許~ 我想知道答案的不是我這個人到底專一不專一~
而是......
「人有必要專一嗎~? 」

同時喜歡一個以上的人~
是不是就叫不專一~?
是不是就是錯~?
是不是就是罪~?

我說0.5+0.5又或者是0.5+0.3+0.2也不會等於1
哥哥卻說~ 這不是等於不等於的問題~
他本來就是1~ 因為他是1段感情~
既然他是1段感情~ 那就是1~ 不管他完整不完整~

專一~ 也許只是自己對自己的一種堅持~ 一個要求~
最近~ 我發覺自己對這個「堅持」開始妥協...
不知道是好事還是壞事~?~
是學會了花心~ 還是看開了不再死腦筋~?
是隨波逐流~ 還是隨心所欲~??~