星期一~ 阿哥放假~

於是~ 我放工之後就同佢去咗行街街同食日本嘢~

我發覺我哋兩兄妹真係好鬼多嘢傾~

冇啦啦又唔係有d咩事~

都可以傾一晚~

不過~ 好開心ga~ 同阿哥傾偈~~~

我發現我真係一個要同人傾吓先知自己想點ge人~

有時唔係話要人哋同我講我要點做~

而係0係傾ge過程入面~ 我會諗到好多平時一個人諗唔到ge嘢~

我唔知點先可以叫知己~ 但係有個咁了解我ge阿哥~

我已經覺得好夠~~~!!!!

多謝阿哥~~~~

嗰晚傾偈~ 阿哥提出咗一樣嘢~~~

佢話~ 我一直係咁換男朋友~ (由佢識我到依家~)

唔係因為我唔識愛人 or 我太容易愛人~

(哩兩個point係我自己提出~ 雖然可能唔係重點~ 不過我覺得都有關係~)

問題係~ 我根本未搵到一個我真正欣賞ge人~

我覺得~ 都好似係...

以前我唔會諗咁多~

一切都只建基於虛無ge感覺上~~

好feel就一齊~ 唔好feel就分開~

但係依家終於知道~ 原來兩個人~ 仲要有好多嘢配合先可以~

好似阿哥問我~ 點解以前從來唔會帶男朋友俾佢見~

其實好簡單~ 因為我怕我今日帶俾佢見完~ 第二日就散囉~

但係依家唔係lu~ 如果有男朋友~

我真係會好想介紹俾身邊所有朋友~ 屋企人識~

我開始明白~ 兩個人一齊唔係純粹係咗當時一剎那ge感覺~

唔再係兩個人一齊行街睇戲食飯煲粥嘻嘻哈哈咁簡單~

當中有一份責任係度~ 需要去肯定~ 需要去付出~

當然我依然會覺得細個~

估估吓曖曖昧昧嗰d puppy love係可愛同值得珍惜ge回憶~

不過~ 我都已經唔再係十八廿二囉......

我其實都唔知自己算多朋友定少朋友~

多~?~?~? 但係平時要行街睇戲買衫~

總係搵唔到人陪喎...

少~?~?~? 但係有起咩事上嚟~

我又總可以搵到人幫手......

嗯~~~~~ 真係唔知~

淨係知~ 人大咗~ 就好難再識到好朋友~

嘻嘻哈哈~ 吹水飲嘢ge當然唔計啦~ (哩d就好易搵囉~ @.@)

但就算真係啱傾啱channel~

都好難真係交心~

可能因為大家都已經有固定ge朋友圈~

可能因為大家都有返咁上下年紀~

總有d經歷係自己唔想講唔想提唔想諗起~ (又或者唔係唔想~ 係懶掛~~~~ 好攰ga都...... )

識得耐ge朋友~ 好多時都可以一個眼神就咩都明白哂~

唔洗解釋方便快捷~ 而且識咗咁耐~ 對對方ge脾性都有返咁上下了解~

比較少會有咩誤會誤解~

不過我都唔知係因為自己懶定真係因為自己去咗台灣6年~

同以前d朋友~ 唔係話唔好~ 我哋依然好friend~ 依然好關心大家~

不過~ 就好似有d隔膜咁~

近排成日搵阿哥~

所以同佢哩個問題好似好咗好多~ (其實啱啱返嗰時依然有哩個問題~)

但係我同佢會成日搵大家~ 主要係因為住得近~~~

幾個月前~ 同綺琪msn時~

佢ge一句說話令我好hurt~

佢話我好似平時完全唔會搵佢~~~

搵親佢就絕對係咩有咩要佢幫手~

我自己諗諗吓~ 雖然唔係完全係咁~ 不過~ 雖不中~ 亦不遠囉......

自己唔知從幾時開始~ 好怕去約人~ 甚至係打電話~

以前~~~ 住元朗~ 返學返何文田~

一上車~ 就係咁打電話~ 亂咁打~ 總之就要搵人陪我~

依家呢~~~ 都想打ga~~ 係咁上下上下咁按個phonebook~

打俾邊個好呢~ 打唔打好呢~ 會唔會阻住佢呢...

人哋會唔會做緊嘢呀......

就係咁~~~ 其實有時都覺得自己多餘ga...

不過~ 都係控制唔到.....

哩d或者就係長大ge後遺症~~~~?

其實有冇需要改~~?~?~?~?

迷.........................