dear~~~
好好好好掛住你......
哩幾日... 幾乎做咩都會諗起你......
到底要送咩聖誕禮物俾你好呀呀呀...
我真係諗到頭都爆喇...

諗過送帽... 見你嗰日都有戴~~
咁冬天會凍ga嘛~
應該用得著...... 但係又揀唔啱... (今日再去cwb睇睇先~ ) 

諗過送銀紙夾夾~
你唔用銀包嘛~
但係一嚟d款麻麻~
二嚟... 其實唔用銀包ge人應該都係因為覺得麻煩之嘛...
用夾又方便得幾多呢... @.@
唉~ 即係又唔啱啦~

諗過自己整...
不過又驚你覺得我幼稚......
而且我又唔識畫嘢......

又諗過送水晶擺設~
不過... 要買哩d梗係去舅父度買啦...
點知又一直都唔啱時間~
但係哩個應該會係最好ge選擇...

今日你終於要返嚟喇~
不過你又冇講清楚幾點機...
到底~ 幾點先返到呀你~
真係好掛住你呀...
唉... 但係你同佢一齊去... 咁實一齊返ga啦...
咁...... 你會唔會搵到時間打俾我~?~
你掛唔掛住我呀~?

雖然口口聲聲話信你...
但係原來依然會驚......
好驚好驚你再一次消失...

你有冇諗過...
我同你~ 又唔係同學~ 同事~ 冇共同朋友~ 生活圈子冇任何交集......
只要任何一方轉電話...
又或者.... 根本唔洗咁麻煩...
你只要好似上次咁... 一個星期唔打俾我...
我就會知咩事... 我就唔會敢再纏住你...

喂~~~ 你呀~ 快d講~~~ 你有冇呃我呀到底...
你會唔會又係兩三個月就厭~~???
雖然知道你唔中意我亂諗嘢...
但係... 我都係控制唔到自己...
再加上阿哥一盤冷水係咁照頭淋......
我真係好驚... 愈諗愈驚......
阿哥話佢唔睇好我哋呀......
你呢... 你點睇呀?
你幾時跟我去見阿哥呀~?~

其實可以同返你一齊~
我真係好開心好開心ga~
所以我一見到朋友就會忍唔住講...
個個都話我今次真係唔同咗...
個人開心咗...
森美話~ 哩次係我第一次自己主動同佢哋宣佈~
以往~ 唔係出咗事~ 大吵~ or 分手~ 我同佢哋都絕口不提自己感情嘢~
就算出事~ 我都只會係飲咗酒之後攬住佢哋喊...
只有今次... 其實我自己都唔明... 同你依然有好多好多未知之數~ 太多太多未確定~
點解我可以咁放心咁大方同大家講~?
我一定係傻咗......
@.@

今個平安夜~
嗯~ 非常平安~
我同孔先生~ 上咗森美屋企打笨佬~
(重有大妹都係度ga~)
唔好問我食咩喇~ 其實打笨佬主要都係食氣氛ge je~~~
食物其實真係其次~~~
最最最緊要係一班friend~ 係度嘻嘻哈哈~
真係真係好開心ga~
我哋呻做嘢d辛酸~ 講朋友ge是非~~ 懷愐吓以前係丘中ge日子~
總之就咩都講啦~~~
嘻嘻哈哈~ 好快就一晚~

唉~~~ 人愈大~ 愈覺得~ 朋友哩家嘢真係要講年資排輩份ga~
可能當年唔覺對方係咁重要~ 又或者以前真係唔係咁好朋友~
不過出咗嚟做嘢之後~
就開始發現~ 
新認識ge朋友~~~ 
就算點~ 都係差緊d嘢~~~ 
反而係哩班友仔~~~
哈哈~ 只要一坐埋~ 就可以好舒服~ 好開心咁傾偈~~~
想講咩就咩~  

喂~~~~~~~~
我想同你哋講呢~~~~~
我有你哋哩班friend~
真係~~~~~~~ 老懷安慰囉~~~~~~~~~~~~~~~
哈哈哈~~~

特別一提~~~
本人當晚個人飲咗5包維記 檸檬茶~
而且冇去過小解...
點解可以飲咁多ge呢~~~ @.@
又點解可以唔洗去洗手間ge呢~  @o@~
迷~~~~~~~~~~~  

24/12/06~
同咗羅二小姐去咗睇傷城~
(重要撞到mandy同權權~ @.@)
哩d戲~ 其實真係好難唔好睇~
你話我膚淺都係咁話~
淨係金城武同梁朝偉再加埋舒淇就已經好好睇啦~~~~!!!!!
哈哈哈~

不過真心~~~ 真係好睇囉~~~~
演員好~ 就應該唔需要再多講~~~ 絕對係意料之內ge事~
劇本... 嗯~~ 其實冇咩太特別ge地方~
好~~ 流暢~~~ 都好細膩ga~~~ 但係有少少普通~
但係不得不讚ge係內心戲ge部份~~~ 比重都算係幾多吓~
而且質數都好好~~~ 特別係金城武部份~
其實~ 我覺得劇本有一樣嘢~ 交代得唔夠~
不過金城武依然有將嗰份感覺演出嚟~
哩樣就係~ 金城武對梁朝偉ge感覺~~~
其實哩一點好緊要~~~!!!!!!!!!!
但係我覺得劇本入面~ 少咗一d具體ge事實去交代哩一點~

金城武真係... 點解... 點解可以一個眼神就交代到咁多嘢~~~?
我真係唔知自己偏心還是事實~
我覺得單以哩部戲嚟講~ 金城武真係贏梁朝偉囉~!!!!
而女角方面~ 我想讚一讚舒淇~~ 雖然... 佢個角色真係一d一d一d都唔特別~
類似角色佢亦已經做過好多~
但係... 真係好正~
我諗佢最勁ge地方就係~ 佢可以令一個冇發揮ge角色發光囉~!!!!

另外一提~~~~
睇到最後...... 我有一個感覺...
其實... 劉偉強係唔係真係叫劉偉強~?~?
佢會唔會本身係叫陳 x x~?~?~?~?
點解又身份問題~?
點解又係「陳」同「劉」~?~?~?
其實以戲ge風格~ 氣氛~ 調調等等各方面~
都同無間道好唔同~~ 
唯一係哩點~~~  有少少... 點解"又"係咁~~?
係冇新ge題材~?
還是哩個題材對導演編劇本身ge感觸太深~?

重有~ 重有~!!!~
我覺得宣傳好有誤導成份~
如果單單係睇海報... 我未必會入場~ (雖然好靚仔~ @.@)
因為...... 其實佢唔係警匪片~~~ 
唔係懸疑片~ 唔緊張~ 唔恐怖~ 亦唔係叫你諗爆頭推理~ 估999誰是兇手~ 
我覺得編導有一樣好高招ge就係~
佢一早就話你知~ 重俾埋你睇~
(哩一場戲好正~ 好震撼~ 黑白同鮮血對比~~
視覺效果好好~ 劉正熙每一下動作都好似打落我個心度咁... 勁呀~)
係呀~ 係劉正熙殺ga~!!!!! 唔洗估喇咁~
(sorry~ 好似激咗d~~~
我自己係好怕一路睇戲一路估佢做咩ge怪人~
我睇戲時係完全唔諗嘢跟住套戲走ga~)

至於場景~ 燈光~ 攝影~
哩d咁ge大片~ 就真係唔需要再去質疑ga喇~~~~
再加上劉偉強自己本身就係攝影師出身~~~~
我覺得係ok啦~ 好~~~~ 但唔係特別好~
有d拍攝手法好正囉~
但係哩d唔係我強項~
就唔講咁多喇~ 而且哩d嘢~~~
絕對唔係睇一次就睇得哂~~
等我有機會再睇ge時候再慢慢研究啦~ 

終於俾我搵我......
我唔係講男朋友呀~ (雖然都搵到喇~ ccccc)
我係講緊~ 我飲完唔會肚痾ge鮮奶~!!!!!
我由細到大~ 都好好好好好中意飲奶~
不過~ 飲完永遠會肚痛到死同埋預半日時間係洗手間坐...
@.@
以前唔知~ 以為咁樣係正常~ 因為奶好似係有輕瀉作用~~~
我記得係因為奶入面有d唔知咩~ 可以幫助大腸蠕動~
所以~ 就算我次次飲完都會痛到喊~
次次飲完都會係一個小時內出入洗手間4-5次~
我都以為係正常ge事~
直到兩三年前~ 唔記得係邊個話我聽~
原來... 唔係人人飲完奶都會肚痾ga~
可能會需要去洗手間~ 不過絕對唔係好似我咁~
痛到面都青埋~ 然後一個鐘去4-5次洗手間~
我哩d~ 叫做對乳糖敏感~ 即係乳糖不耐症~
想知道多ｄ~ 可以 chick 哩度~
>>>>> http://www.ezwell.com.tw/e-file/disease69.htm
我知道哩件事之後~~~
當然...... 係唔理佢~ 繼續飲我最愛ge milk啦~
呵呵呵~
不過就會留返夜晚係屋企~~~ 又或者全日都唔洗出街ge時候先飲~
但係~~~~ 正所謂~~~ 皇天不負有心人~~~
上個星期~
終於~ 俾我搵到一隻~ 飲完~~~ 我唔會有事ge牛奶~!!!!!!!!!!!!!!!!!
yeah~
佢就係~~~ 十字牌出ge~ 高纖低乳糖高鈣低脂奶~
sorry~ 個名係長咗d~ 而且唔係度度有得賣~  
 重... 重....... 重冇咁好飲tim~
不過~ 我飲完真係冇事喎~~~!!!!!
唉~ 真係魚與熊掌......