請原諒我又脫期,在今個學期一個星期一篇似乎不太能維持到
基於最近大事件多,學業忙碌程度進入高峰期,就連好好睡一覺的時間都沒有
更沒時間去寫作品介紹或者其他東西
雖然故且在FaceBook稍微說過,但這邊還是詳細說一說比較好

============================================================================
其實這一陣子主要帶來壓力老樣子是那二方面,學業和家庭

學業方面,忙碌程度變本加厲
還要有一科老師極不人道,完全當學生是機器人,不用睡覺不用休息
基於不想再打一次,直接引用FaceBook:

「而當中更悲慘的是,有一科的老師教學我真是可以用精彩去形容
份測驗題目不清不楚,整個Variable又唔話比你知係咩來
個名又簡寫,叫Obj, 全寫是Object?即係要放咩入去??
考完怨聲載道,佢講:[即係計15%,你地有Lab計25%嫁嘛,咁個Quiz預左炒嫁啦]

以一般正常速度教書,去到上個星期才和我們說要組隊做Assignment
佢份野又不係少工作量,但係書仲有一個大Topic未開始教,又要7月頭交
我當佢快極一個星期教完,得返二個星期比我地,點做?
唔係剩係讀你一科啊....特別是你星期一至五時間表已經排滿嫁啦
計計埋埋,即係得4-5日左右,如果完全不訓覺有一個星期多少少啦

4個人一組,面對如此情境,大家都想盡量組齊人.偏生我地班29人
如果以全部4條友一組,最後剩1
問個老師..佢夠膽死講:[咁叫佢自己一組lor]
哇..真是精彩...

好啦...當分組既野是學生事,應該學生了
交果份野係要Demo既,可能佢都發現今個sem好痴線
見到課堂上無時間可以做Demo
佢諗出一個絕妙的方案:
[叫學生拍條Demo片放入CD度交埋比佢睇]
事實上,即係叫學生再抽多D課餘時間去做額外野
望下個時間表,望下D工作量,佢仲好意思用呢個絕妙方案

精彩精彩..........
咁點?唔係我死就我亡lor
睇下係累死還是成績炒死lor.............」

============================================================================
家庭方面沒很特別提過,主要又是因為二家姐因一時之氣,
覺得傭人不合乎她那種「正常」(實質上是極不合理和不人道)的標準

一下子把她解僱掉,但又不想後果,結果麻煩全世界
自己又搬到老遠,基於她的照顧方法有點問題,結果最後連母親都搞不定
母親抱怨二句之後又大家玩冷戰.

然後所謂星期六,日要母親在家鎮壓父親的約定又再一次化為空談
再加上不知為甚麼他們總要在一大早吵這些事,還要正正在我房門前面吵
結果我連睡都睡不了

而且我並不是沒有和他們說過我這陣子很辛苦
只不過...大家知道,我的家人多數左耳入右耳出...
有時我真想問一句：「是不是當我死的?」

在如此情境之下,我只能用四字記之曰：『心力交瘁』

============================================================================
又其實,這陣子香港發生很多事,新界東北,衝擊立法會,6.22投票等等
雖然我真的沒有多餘的精力去理會這些事
光是處理身體健康和學業都已經吃不消

但如果有多餘時間的大家不妨去了解一下.