唉.. 今日 諸事不順啊!!!!! 番學前睇下我有邊本bio 差邊本 再問黃南光點. 爬上床 個衣櫃頂全部都係今年用既書..
搵下搵下. 整跌左d野 之後仲係高空跌埋落地下 好似鋁window 跌落街咁既聲 碎晒 原來係個茶壺 勁大個
出面係膠入面有內膽 嚇死我啊個下 咁大個人都未試過打爛咁大件既物體 之後阿媽係咁話我 我咪喇喇聲走人啦
趕住番學 唔理喇.. 放學先再比佢話多次啦
今日調位 =.= 自由坐? 一d都唔自由既 一定要男同女坐.. 想同黎傑 坐 佢又話我讀bio 唔岩... 家丁叫我同佢坐
佢都唔係讀bio 而且佢咁高一定要坐勁後 我唔想囉.. 我想聽到書 話晒我聽力都唔係好得!!! 好彩無近視
想同e班升上黎既男仔坐.. 但佢地又穩晒e班d女仔...
之後再調 話我地2個中文班既 上chem堂個時大家都唔知做咩 我都想有個讀開英文既同學仔同我坐 幫下我呀...
我可以點啊.. 又要bio 同番bio坐 又要4周圍都係bio個d人 得個幾個男仔讀bio咋......
之後阿松 飛機上番黎 佢地都係2個中文班 阿sir調開左 黃南光同阿松坐丫 好羨慕啊 我都想有個英文人幫下我
飛機同阿冼坐 佢都有英文人 梅sir都同我講 話未係落實
lunch with 阿沈... good 可惜那裡的冷氣太大,... 好似要催我地走人咁.. 如果唔係傾多幾個鐘都就得..
番屋企.. 媽咪又講番我今朝打爛野 我今次真係無野反駁佢.. 只好怪佢放咁高做咩
又話我唔汁書 d書多到死 書多就緊係架啦 鬼叫屋企無足夠書櫃比我放書咩 話人地整齊 邊個人地??
我都想好似人地咁有間係自己既房 咁樣就有位放書架啦 又叫人掟晒d中4,5書 要參考架d書 話掟就掟咩
最唔鐘意佢成日掟走我d野,, 由細到大都係咁架 唔重要都唔掟 掟野前又唔問下人先.....
讀到中6緊係多書架啦. 我都話: 你可以打電話番學校問下點解咁多書
又話我成日唔執 都執到無乜好執啦 之前搵野次次都有執..
有時d野唔一定要當住人面前做左就叫好
禮堂時 謝sir講 老師認為好學生應該有的野 十位之中第1位係責任感 個心唸唸 仲唔係我?? 每年成績表都緊有呢句... 有責任心. 仲要拎a添! 之後個d好搞笑
我地話原來 讀書勤力都唔係太重要 去到第十位
再講 唔好既學生特徵 第2位 係 ''懶 '' wa.. 我又中左呀.. 都唔係準既. 好又中d 唔好又中d..
咁我係咩學生??? 一定係small potato啦!!
究竟我係咪食野唔做野 做野打爛野呢?? 我都唔知 因今次都唔係為做野
職務競投
我都係鐘意做中文科長 上年做開ma 就同阿松一齊做喇... kaka.. 有我上年辛苦既磨練 再加埋miss wong 的地獄式份量工作 難我唔到既
之後梅sir 搵人做中文學會主席 問我做唔做 我一口拒絕 之後阿sir搵到人 就笑我話夠人手啦 其實我都想做丫... 奈何我答應左做副社長 =.= 又怕當係主席咁咪喎 咪say no囉 唉.. 無得擔正 千奇唔好起我飛腳啊禮社 如果唔係我真係晒左個機會啦
話晒都lead 過禮社2年丫.. 算... 再簡埋科學學會幹事.. 中4想玩呢個都玩唔到 夠啦.. 我唔想再有野煩我
淨係禮社都夠煩啊..... 之後唸唸下.. 好似做中文主席威d喎 0.0 | 
Print
Correct
首堂的chem已經嚇倒我了.. 將我打沉. 現在的我有如幼稚園裡的小朋友坐在6s的班房中