原罪 side story<不能見人好>
有人在人們都看到希望的時候，察覺到當中的絕望。
反之，在絕望中，有人總找到希望。
希望和絕望，好像只在乎選擇。
但世上沒有絕對有希望的事，只有絕對絕望的事。
我覺得上網真係好方便，講乜都得。又唔怕對方唔得閒，因為得閒人會答我。
係唔開心既時候。上網傾偈好過中學時煲粥既日子，不過唔好處都係太多閒人。好多都無乜見地。我想搵人開解下，唔係搵人悶我呀…
不過「Original Sin」幾好傾，答得有聞有路。
唔似其他人一知你係女或者失戀，就係咁講d無謂野。溝女就媾女啦！無聊！扮野！遇着個d無謂人，我就好掛住「Original Sin」
我有幾個星期無add佢囉。
因為佢叫我隊冧條仔。
佢傻架？冧友喎？玩呀？
點知越問越心寒，佢幫我計劃好哂！仲成份計劃書咁send俾我。我緊係無理佢啦。雖然睇落幾work，好似唔會上身。不過我點都覺得佢痴線。所以掉咗佢落黑名單。
不過我依家好想搵返佢。真係得佢俾過有用既意見我。同條仔講咩都廢既。佢都係癡落條八婆度。
我唔想見到佢地開心！我真係想隊佢。最好隊埋條八婆。
不過我add唔返「Original Sin」，點算……
|
