24/9    (日)

今日都唔可以訓晏啲, 因為要同媽子去機場見老豆, 又係照樣等左佢個幾鐘頭先蒲頭, 電話都冇個!!

走果陣個頭有啲痛, 所以自己返黎先, 唔同媽子去沙田喇

25/9   (一)

今日放左工約左小娟同小芒去紅磡食日本野

都成年冇見小芒, 把口仲係50年不變, 哈哈~

間日本野叫仁氣...我地除左係咁任食, 仲有好戲睇~我同小娟睇住小芒起館內示範溝仔

施美人計既結果就係嬴得三粒雪米磁同埋有人同佢交換電話...開心死佢啦~有得俾佢睇住啲細既, 哈哈~轉左口味wor

食完野就起利時行下, 啲飾物都幾靚呀, 可惜太貴了...

之後就去美麗華附近間pub飲野, 勝在人唔算多好清靜, 唔似啲bar咁嘈嘈貢!! 我就飲左杯screw-driver, 小芒就飲左杯around the world, 飲完就真係around the world喇 (飲完暈到氹氹轉呀嘛, 哈哈 )

飲到11點幾就齊齊撘87D返歸, 媽子照舊12點幾打黎, 通常呢個時候打黎都唔想聽到佢把聲架喇, 好恐怖...真係奪命追魂call呀...

26/9   (二)

都知我通常夜過12點返歸果晚, 媽子第二日實唔會同我講野, 我就更不在話下啦...所以夜返後第二朝我一定特別早起身, 唔想見到佢面色呀 =.="

今朝7點就出左門口喇, 係咪好叻呢, 哈哈~之後咪起公司附近食早餐囉

其實我對一件事係抱樂觀定係悲觀心態...係好睇我果日心情點

放左工就去新之城搵阿權, 今晚佢媽冇煮飯, 就同佢出去食啦~點知起新之城見到vivian同tony玩緊the house of dead 4 wor  佢地玩完就走啦, 而我同阿權就起兆萬行下...順便同佢吐苦水...話我屋企個阿媽唔開通...平時我放左工約fd, 佢地都係返工既, 都要7點幾8點先約到食飯啦...如果食下飯吹水行下至少要用成晚, 何況我唔係住市區, 返屋企要一定既時間, 咁你死都話過左12點返歸就話好夜, 打黎把聲根本好似鬧我咁, 咁我夜啲返又點敢打返去呢? 我見身邊朋友啲家長已經冇咩點理返歸呢味野啦, 一個電話打返去就唔追究...所以我淨係為呢樣野已經好大壓力, 唔想次次因為呢樣野就同阿媽打冷戰...而家突然好有衝動想搬出去住

想搬出去住唔係淨係呢個原因, 佢仲干涉我好多野的...例如: 我一玩NDSL佢就叫我唔好成日玩, 話壞眼wor, 鬼唔知咩, 我又唔係一日係咁玩~講真我起屋企係好少玩NDSL的~又話我徙錢買部低B野wor...我咁大個人做咩野係有我自由架, 因為我同媽子既生活模式同喜好都好唔同, 係~佢既生活係正常到爆, 朝早就耍太極, 平時都好少出街, 一日就起屋企聽收音機同鍾意睇啲資訊電視節目, 總之佢話佢花時間就係要學到野既地方...淨係呢樣野已經同佢好唔同, 我由細到大都鍾意打機, 同埋鍾意無拘無束既生活~一切唔起我願意做既範圍之內就叫束縛, 雖然佢唔係拎住我隻手畫公仔果隻, 但係佢周不時都鵝我, 好煩囉~如果佢唔干涉我太多野佢係一個絕頂好媽媽黎既...但係佢既生活模式唔同一般師奶...鍾意睇電視之煩果啲野, 我覺得一般師奶係唔抗拒NDSL既, 仲可能有興趣添...

以我媽子既性格, 同佢生活模式極唔相似既人佢就一定睇唔順眼, 尤其是我係佢個女添~就係咁, 住一齊大家都痛苦, 所以第日我搬出去住都有唔係冇可能~我希望佢可以睇開啲, 咁我都唔洗離開佢...

我將呢啲野一五一十咁同阿權講, 佢大部分時間都係做一個好既聆聽者, 同埋安撫下我, 我都覺得欣慰的

唔講唔開心野喇~今晚就同阿權去金太郎食晚飯, 今晚我食剌身餐呀

之後去佐敦gamezone玩gf7, 玩完再行現時點 (In's Point) 有好多懷念精品玩具睇呀

今晚11點幾返到屋企喇~以免夜長夢多...

27/9   (三)

今晚起「鳳凰四重奏」見到戴思嘉喇, 好開心

除左第一代, 打後果啲我都好鍾意睇...鍾意汪子君既敢作敢為, 鍾意白慧珍既善解人意, 戴立仁把聲好搞笑呀

睇完電視就開門見山咁同阿媽協議, 佢話原來我遲返屋企打返去同佢講聲, 等佢冇咁擔心~佢係唔會鬧我既

之後我承諾: 如果我過12點返去既話, 就起10點幾打返去話佢知, 因為佢11點就要訓啦

不過間唔中架遮~我又唔係成日去街果啲既~做完呢個承諾都心安理得

29/9   (五)

最後我媽子見我個鼻腔比以前腫脹, 就綁架我話放左工同我去睇醫身生wor, 因為我一向都有鼻敏感, 佢怕唔睇會好嚴重

今日放左工就拿拿林去沙田恆星買NDSL既新帶: Mario VS Donkey Kong 2 - March of the Minis...$220~又有新野玩啦 

個盒超靚呀

之後返馬鞍山睇醫生, 媽子起診所等我, 真係好鬼多人, 等成粒鐘先到我~咁個醫生話會俾藥我食, 一場黎睇順便叫佢幫我check下我個身係咪水腫, 點知佢話冇咩野wor, 因為我果陣黎緊野, 所以個身脤啲係正常, 我想講我黎之前兩個禮拜個身就腫脹, 一個月有一半時間都維持起身體腫脹階段, 唔通咁都叫正常

睇完醫生都8點半有多, 早幾日同阿權相議話聽日會出黎, 話今日會再講, 點知佢到而家都未打黎, 咁我唯有打俾佢...一打去我就唔太好老脾咁問佢做咩唔打黎, 佢話以為我打去wor, 咁我又問佢如果今晚我唔打黎佢會點, 佢就話聽朝打wor, 一聽到我就好慶   即刻cut佢線~跟住佢打返黎講sorry...經我幾返難為之下, 就約左聽日出黎~雖然我地冇講清楚話邊個打黎, 但我唔打黎你都識打黎架嘛...真係 @_@"

有啲唔開心, 連我鍾意食既牛仔骨天使麵都冇埋...

30/9   (六)

今日同阿權出旺角, 諗住去雅蘭睇下...4樓有個玩具展~點知排隊撘lift見到條蛋散起條龍入面打尖...咁我同阿權係咁話:「打尖呀, 打尖呀...」咁樣, 點知條死八婆串串貢咁話:「有fd起前面呀, 問清楚先啦!!」睇佢一直咁向前行到去撘lift, 半個fd都見唔到囉...排多陣隊駛死咩? 仲要啤住我, 屌佢老母!! 就係為左慳果少少時間就出賣左自己個人格, 正一係有娘生冇胎教!!

原來個玩具展冇咩野睇, 所以好快落返黎, 之後去朗豪坊行下...阿權同我都好期待有一日可以坐上13樓果啲貴檔餐廳慢慢坐, 慢慢食, 個view同野食都好正呀 T_T 我等你 ^3^

之後心血來潮想飲咖啡, 就去Euro gogo度飲啦, 順便玩下NDSL

大約7點就起聯合附近睇佢食臭豆腐, 而我就食左串生腸~之後share支野飲就齊齊返歸lu

1/10   (日)

好野!! 有兩日抖啦, 返工到而家都未有機會訓晏啲呀, 呢兩日國慶假期可以如願以償!!

今日d auntie上黎打牌, 照樣起夜晚食飯, 不過今晚冇得去酒樓食啦, 因為等左半粒鐘枱...啲枱都係坐哂艇, 維持起等多30張先到我地...omg

之後去左中華拉麵食飯...4人餐$24x...飽到傻