|
| |||||||||||||||||||||||||||||||||||||||||||||||||
| |||||||||||||||
| |||||||
| |||||||
|
 |
2006 年 10 月 11 日 星期三  |
梅花間竹...  |
9/10 (一) 今日出左V3呀!! 晏晝去駱克城睇過, 已經裝緊啦~好野 放左工去麥記買星星薯餅~買一送一嘛~買完就去河內搵阿權 見到每部機都有5-6個銀, 不過唔知點解有d人唔玩住, 所以我好快就有得玩 一take過到purple storm係一個奇蹟!!
10/10 (二) 晏晝同cindy去合和60樓間新皇朝觀景酒家飲茶呀~咪起R66旋轉餐廳樓下囉, 一樣有靚景睇 XD 啲燒腩仔好好味呀~軟綿綿的~唔似出面果啲咁「孩烚烚」!! 雖然貴左啲, 但計環境同食物質素係有價值既, 今日一於豪一餐!! 另外~遲來了的...或者用黎預祝明年都得 http://203.194.245.88/wish/wish.asp?usrName=%AAB%A4%CD%AD%CC&submit=%C0%F2%A8%FA%C2%E0%B5o%A6a%A7%7D 又因為自己肥既問題唔開心了...之前咪一心想起angel face做瘦身既, 但睇左呢個網後, 我諗係正常人都知點做架喇... http://www.uwants.com/viewthread.php?tid=2716855&extra=page%3D1 都係做gym實際啲 我相信自己有keep住做運動既話, 食得再百無禁忌啲都唔會搞到而家咁既身勢
11/10 (三) 今晚放左工決定單拖行下~好耐都冇試過行去金鐘中環一帶飽覽下香港美景喇 出發之前當然起駱克城玩下V3啦~前日同今日既狀態都幾好呀 ^_^ 不過Go My Way 1 poor呢...七福神, Ru-Ru-Ru同Wall Street down-sizer都有4xx combo 一take過埋El Dorado同When I come Back 連埋星期一果兩舖直到今晚玩左四舖~而家25x分 之後行去金鐘喇~太古廣場出面啲衫好靚呀~等我遲下去果樹睇下有冇啱心水既冬天衫先 一路行去中環~本來係想去蜜蜂仔度食Champ餐既, 但諗諗下都係想去翠華食, 就去左果度喇~ 今日有海陸什扒餐食呀~佢既什扒唔同一般既有牛、豬同雞扒...而係有大大塊既炸魚扒, 一隻蟹拑, 一小舊雞槌仲有塊牛扒, 加埋啲瓜同冬菇仔...都有啲菜食, 唔錯唔錯~前菜仲有南瓜茸粟米湯同厚既牛油多士呀...仲有餐飲同大大舊西瓜呀~超正!! 之後起附近間LV window shopping, 個新款Bell Boy系列銀屯都幾靚呀, 想要返個, 但好貴呢... 行到9點鬆啲就返歸喇~ |
| 刊登時間︰2006-10-11 12:28 AM [ 訪客留言(1) ] [ 編輯日誌 ] |
| 2006 年 10 月 8 日 星期日 |
| 中秋節快樂!! |
3/10 (二) 今日放左工去九龍灣匯合阿權, 打左舖gf11之後去食飯 食完飯飯去睇「寶貝計劃」!! 爆好笑 個BB好cute呀 而且成龍啲戲次次都係咁好睇的...唔睇就真係走寶了~哈哈 睇完戲就去仙跡岩飲鴛鴦珍珠, 點知同我起5個月前起旺角飲果杯差好遠, 今晚呢杯好似飲凍水咁, 冇咩味既...都唔知點搞的 不過今晚好開心呢
4/10 (三) 返左工都成大半個月, 呢排都係入下form, 點知有個同事呢排...睇佢個樣好似唔係太好老脾咁...仲要係經佢手行下d form既validation添 =.=" 我認我有少少form係打錯左少少野同埋見有資料錯左就同人改左, 但係大部分行唔到validation既form都係填form果啲workers填錯野 (冇人教佢地填係好慘的 =.=") 所以我又照入佢地提供既data咪搞到行唔到validation囉, 點知條八婆仲當住徐生起佢附近搵緊野果陣話我:「Annie, 你下次小心啲喇, 你打錯左好多野呀...」有冇搞錯呀?! 家下你搏乜撚野呀?! 你好話唔話你係都要起請我果個阿哥面前話我錯, cindy都話根本係小事, 佢又駛乜起樹搞大, 大佬呀!! 大家係同一team人黎架, 何必搞到大家唔開心呢...唉...所以我都費事駁返佢...我咪成朝黑口黑面囉 唔知點解佢呢排咁呢, 我啱黎返工果陣佢都幾寬容架嘛... 晏晝同cindy食齋果陣傾開, 原來佢都俾果個八婆話下, 佢就話: 「估唔到佢夠膽話我呀!!」呢句野出自佢口中真係型爆!! 哈哈~ 今日條氣好唔順呀, 放左工就去駱克城打兩舖機發洩下...
5/10 (四) 今日一返到黎~琴日話我果個女人今日又好寬容咁, 又「好心」咁同我講話我個電話唔好周圍擺, 驚俾啲送水既工人等等既陌生人撻左我部機... 今日包多幾包blank form, 手頭上就冇野做~我好想起果樹上網, 但為免嫌疑都係都徐生講聲:「我冇野做呀, 有冇野俾我做呀?」咁囉~咁佢叫我坐下先, 同埋都見佢問下我team啲人有冇野俾我做... 都係呢個女人 (係呀!! 咪係琴日話我果個囉) 有野俾我做, 佢叫敏兒, 叫我食完飯搵佢... 之後佢教我入excel...話如果我唔識佢好樂意教我添...我入入下野仲同我講: 「我見你坐得好辛苦wor...」又同我睇位幫我搬開啲野咁...點解琴日同今日既面容可以相差得遠成咁?! 唔通因為我而家幫佢做野 唔好話佢同我媽子差唔多年紀啦, 一把年紀都好識做戲的 XD 放左工諗住飛車返馬鞍山, 今晚約左小咪去元綠食野呀...點知行去撘車途中俾人截住同我講啲咩咩儲蓄計劃之類既野, 耽左成粒鐘囉... 之後撘681, 好好彩好快返到黎~就同小咪二人世界啦, 個二人餐超正呀, 有好多刺身食呀
6/10 (五) 今日中秋~好開心可以早放兩粒鐘 放左工諗住幫自己同小咪買個懷念免仔燈籠, 點知一問價錢成26蚊呀, 好貴 所以買唔成囉...之後去大家樂叫杯happy hour既熱檸茶飲, 一路坐低玩NDSL, 而家玩緊Mario VS Donkey Kong 2 自從返工後就未試過下晝咁樣玩啦 ^_^ 到5點幾就行去老銅夾糖食...因為我早幾日買TVB周刊有小蜜蜂糖果店既coupon送呀, 係送200g既糖糖呀!! 入到東角商場, 啲人多數幾乎行唔到, 所以夾完糖糖就閃人喇~返屋企食飯!! 原本今晚諗住睇完「鳳凰四重奏」大結局就同小咪起附近海灘行下, 可惜我頭痛~所以去唔成了...都知好掃你興架喇, sorry T_T 未到追月已經訓著了~留返精神聽日出去!!
7/10 (六) 今日約左阿權1:30起九龍塘等, 出發去東涌!! 頭先撘撘下車去沙田先發現自己唔記得帶電話, 乜咁烏龍呀!! 我地去到東薈城就行outlet啦, 差唔多成個商場都係由outlet而成!! 仲有眼鏡88都有outlet, 哈哈~不過我最鍾意都係roxy既outlet...行完阿權話想試下麥記既香蕉批, 而我又想食星星薯餅, 就入去食啦 食完野落去taste買野飲, 行行下見到有好多halloween既面具同玩意呀, 於是阿權幫我同佢部機影左幾張低B相, 不過好得意, 哈哈~之後上返兩層搵位坐, 諗住打俾阿芝話我地一陣撘車過去, 弊!! 問題出現了, 就係我唔記得帶電話呀!! 我唔太記得阿芝電話呀, 試下同阿權個電話打佢個電話...唔通囉! 跟住試下打俾pp, 又係打錯左!! 點算好呢... 冇耐醒起試下打俾cherry睇下有冇pp電話, 佢話冇wor...好似冇希望啦, 其他人電話我唔記得啦...仲有邊個有阿芝佢地啲電話呢~正當阿權都擔心緊會唔會去唔成果陣, 我啱醒起打俾阿las, 好在我仲記得佢電話 (可能舊年有一排佢上黎學琴, 我周不時同屋企電話打俾佢, 所以都記得佢電話囉) 同佢傾左一陣後就打俾阿芝啦, 佢叫我地起果樹坐一陣...後來佢話佢條村附近啲燒烤爐俾人霸哂了, 所以要轉移陣地去南山燒...咁阿權同我玩下NDSL等住先, 冇耐中和黎join埋我地~ 到5點幾果陣就落返taste買大枝野飲, 大枝水呀, 燒烤網果啲野...就飛去撘18:10班車喇, 阿芝同佢媽子, patrick, pp同witz就起中途站上車搵我地~大家上到車梗係齊齊對戰NDSL啦~玩俄羅斯...我同pp一team~全程都嬴哂patrick佢地 大半個鐘後到左, 阿權坐車都坐到wing wing地 =.=" 一去到就有空爐真係正豆, 跟住冇耐就燒野食啦, 之後爹爹先黎到... 阿芝媽子好熱情, 同我講左唔少野, 仲帶我地上去行下添 今次我食少左野~唔知點解, 可能我腸胃唔好啦...好快就到11點幾, 要撘尾班車走了, 等車果陣見到對面有差唔多10隻牛, 冇耐仲見到佢地過馬路呀!! 哈哈哈~影左佢地相啦 之後再戰NDSL, 可惜我部機冇電, 好快就冇得玩了...嗚 阿芝同媽子落車返歸先~而我地就撘地鐵去奧運站行返旺角, 跟住爹爹走先...我地幾個諗住去聯合睇下出左V3未, 點知未出wor...就散水lu 我同阿權就齊齊撘N281, 好眼訓, 大家倚在一起睡了... |
| 刊登時間︰2006-10-09 01:24 AM [ 訪客留言(0) ] [ 編輯日誌 ] |
| 2006 年 10 月 1 日 星期日 |
| 馬里奧VS大金剛2入手!! |
24/9 (日) 今日都唔可以訓晏啲, 因為要同媽子去機場見老豆, 又係照樣等左佢個幾鐘頭先蒲頭, 電話都冇個!! 走果陣個頭有啲痛, 所以自己返黎先, 唔同媽子去沙田喇
25/9 (一) 今日放左工約左小娟同小芒去紅磡食日本野 都成年冇見小芒, 把口仲係50年不變, 哈哈~ 間日本野叫仁氣...我地除左係咁任食, 仲有好戲睇~我同小娟睇住小芒起館內示範溝仔 施美人計既結果就係嬴得三粒雪米磁同埋有人同佢交換電話...開心死佢啦~有得俾佢睇住啲細既, 哈哈~轉左口味wor 食完野就起利時行下, 啲飾物都幾靚呀, 可惜太貴了... 之後就去美麗華附近間pub飲野, 勝在人唔算多好清靜, 唔似啲bar咁嘈嘈貢!! 我就飲左杯screw-driver, 小芒就飲左杯around the world, 飲完就真係around the world喇 (飲完暈到氹氹轉呀嘛, 哈哈 飲到11點幾就齊齊撘87D返歸, 媽子照舊12點幾打黎, 通常呢個時候打黎都唔想聽到佢把聲架喇, 好恐怖...真係奪命追魂call呀...
26/9 (二) 都知我通常夜過12點返歸果晚, 媽子第二日實唔會同我講野, 我就更不在話下啦...所以夜返後第二朝我一定特別早起身, 唔想見到佢面色呀 =.=" 今朝7點就出左門口喇, 係咪好叻呢, 哈哈~之後咪起公司附近食早餐囉 其實我對一件事係抱樂觀定係悲觀心態...係好睇我果日心情點 放左工就去新之城搵阿權, 今晚佢媽冇煮飯, 就同佢出去食啦~點知起新之城見到vivian同tony玩緊the house of dead 4 wor 想搬出去住唔係淨係呢個原因, 佢仲干涉我好多野的...例如: 我一玩NDSL佢就叫我唔好成日玩, 話壞眼wor, 鬼唔知咩, 我又唔係一日係咁玩~講真我起屋企係好少玩NDSL的~又話我徙錢買部低B野wor...我咁大個人做咩野係有我自由架, 因為我同媽子既生活模式同喜好都好唔同, 係~佢既生活係正常到爆, 朝早就耍太極, 平時都好少出街, 一日就起屋企聽收音機同鍾意睇啲資訊電視節目, 總之佢話佢花時間就係要學到野既地方...淨係呢樣野已經同佢好唔同, 我由細到大都鍾意打機, 同埋鍾意無拘無束既生活~一切唔起我願意做既範圍之內就叫束縛, 雖然佢唔係拎住我隻手畫公仔果隻, 但係佢周不時都鵝我, 好煩囉~如果佢唔干涉我太多野佢係一個絕頂好媽媽黎既...但係佢既生活模式唔同一般師奶...鍾意睇電視之煩果啲野, 我覺得一般師奶係唔抗拒NDSL既, 仲可能有興趣添... 以我媽子既性格, 同佢生活模式極唔相似既人佢就一定睇唔順眼, 尤其是我係佢個女添~就係咁, 住一齊大家都痛苦, 所以第日我搬出去住都有唔係冇可能~我希望佢可以睇開啲, 咁我都唔洗離開佢... 我將呢啲野一五一十咁同阿權講, 佢大部分時間都係做一個好既聆聽者, 同埋安撫下我, 我都覺得欣慰的 唔講唔開心野喇~今晚就同阿權去金太郎食晚飯, 今晚我食剌身餐呀 之後去佐敦gamezone玩gf7, 玩完再行現時點 (In's Point) 有好多懷念精品玩具睇呀 今晚11點幾返到屋企喇~以免夜長夢多...
27/9 (三) 今晚起「鳳凰四重奏」見到戴思嘉喇, 好開心 除左第一代, 打後果啲我都好鍾意睇...鍾意汪子君既敢作敢為, 鍾意白慧珍既善解人意, 戴立仁把聲好搞笑呀 睇完電視就開門見山咁同阿媽協議, 佢話原來我遲返屋企打返去同佢講聲, 等佢冇咁擔心~佢係唔會鬧我既 之後我承諾: 如果我過12點返去既話, 就起10點幾打返去話佢知, 因為佢11點就要訓啦 不過間唔中架遮~我又唔係成日去街果啲既~做完呢個承諾都心安理得
29/9 (五) 最後我媽子見我個鼻腔比以前腫脹, 就綁架我話放左工同我去睇醫身生wor, 因為我一向都有鼻敏感, 佢怕唔睇會好嚴重 今日放左工就拿拿林去沙田恆星買NDSL既新帶: Mario VS Donkey Kong 2 - March of the Minis...$220~又有新野玩啦 個盒超靚呀 之後返馬鞍山睇醫生, 媽子起診所等我, 真係好鬼多人, 等成粒鐘先到我~咁個醫生話會俾藥我食, 一場黎睇順便叫佢幫我check下我個身係咪水腫, 點知佢話冇咩野wor, 因為我果陣黎緊野, 所以個身脤啲係正常, 我想講我黎之前兩個禮拜個身就腫脹, 一個月有一半時間都維持起身體腫脹階段, 唔通咁都叫正常 睇完醫生都8點半有多, 早幾日同阿權相議話聽日會出黎, 話今日會再講, 點知佢到而家都未打黎, 咁我唯有打俾佢...一打去我就唔太好老脾咁問佢做咩唔打黎, 佢話以為我打去wor, 咁我又問佢如果今晚我唔打黎佢會點, 佢就話聽朝打wor, 一聽到我就好慶 有啲唔開心, 連我鍾意食既牛仔骨天使麵都冇埋...
30/9 (六) 今日同阿權出旺角, 諗住去雅蘭睇下...4樓有個玩具展~點知排隊撘lift見到條蛋散起條龍入面打尖...咁我同阿權係咁話:「打尖呀, 打尖呀...」咁樣, 點知條死八婆串串貢咁話:「有fd起前面呀, 問清楚先啦!!」睇佢一直咁向前行到去撘lift, 半個fd都見唔到囉...排多陣隊駛死咩? 仲要啤住我, 屌佢老母!! 就係為左慳果少少時間就出賣左自己個人格, 正一係有娘生冇胎教!! 原來個玩具展冇咩野睇, 所以好快落返黎, 之後去朗豪坊行下...阿權同我都好期待有一日可以坐上13樓果啲貴檔餐廳慢慢坐, 慢慢食, 個view同野食都好正呀 T_T 我等你 ^3^ 之後心血來潮想飲咖啡, 就去Euro gogo度飲啦, 順便玩下NDSL 大約7點就起聯合附近睇佢食臭豆腐, 而我就食左串生腸~之後share支野飲就齊齊返歸lu
1/10 (日) 好野!! 有兩日抖啦, 返工到而家都未有機會訓晏啲呀, 呢兩日國慶假期可以如願以償!! 今日d auntie上黎打牌, 照樣起夜晚食飯, 不過今晚冇得去酒樓食啦, 因為等左半粒鐘枱...啲枱都係坐哂艇, 維持起等多30張先到我地...omg 之後去左中華拉麵食飯...4人餐$24x...飽到傻 |
| 刊登時間︰2006-10-01 07:16 PM [ 訪客留言(1) ] [ 編輯日誌 ] |
| 2006 年 9 月 24 日 星期日 |
| 呢個禮拜都係non-stop... |
18/9 (一) 今日如常返工, 同時係第一日同我既拍檔cindy一齊食晏~仲係請我食架添 放左工約左時間去沙田間angel face做檢查, 因為我計劃減肥 個consultant同我係三分親, 同我做下問卷, 量高磅重同埋按下我個肚同下身d位~如我所料真係水腫 本來我一向唔相信啲瘦身公司的, 不過見係angel face既減肥以健康為指標, 咁我就想試下... 最後佢介紹左個抗氧化同香薰療程過我, 咁我落左幾百蚊訂同埋買左佢啲瘦身粥黎食, 佢俾左成包我試, 都幾好味 之後去偉華撘小巴返歸, 路經扭蛋庫就扭左兩隻蛋囉
19/9 (二) 今日放左工約左小咪去雅蘭中心做瑜珈, 佢早兩日起網上申請免費試玩一堂嘛, 就搵埋我去喇 又有機會做運動喇!! 間野都好大好靚, 個鬼婆導師個樣同身型真係令人羨慕!! 著緊身衫褲都映得個型好靚!! 如果俾啲咁既樣同身型我, 我甘願折壽數年!! 不過, 我同小咪都覺得呢一粒鐘免費堂上得好辛苦, 我覺得最辛苦係做倒V字, 我個頭一望向地就頭暈, 仲有雙手倒住向地下按, 按到我手都震埋!! 雖然辛苦, 但加埋其他動作, 我做左幾個字已經標汗, 仲覺得自己個肚好似冇咁漲添 (係咪心理作用呀 呢堂話就係lv2, 但係起最後10分鐘, 個鬼婆示範倒掛wor, 佢仲話得既話可以試下做wor, 我咁水皮點做得黎丫, 同埋果陣見小咪都好攰了, 哈哈~ 上完堂諗住搵負責人zoie俾返張圖書館同credit card過我地啦 (間公司話要keep住我地一張咭做身份證明的, 但唔可以係身分證囉) 點知佢地啲人係咁游說我地參加啲course囉, 好似俾完甜頭我地就一定要答謝返佢地咁, 我地一路冇應承, 佢地就一路同做gym同普通運動果啲比, 唔通我地冇選擇權利咩?! 好煩囉, 佢地鵝左我地成粒鐘喇, 正一死人頭!! 後尾佢都唔勉強我地就俾返啲咭我地, 走果陣已經係夜到可以食扒王之王宵夜lu... 咁小咪同我就去朗豪坊果間食啦, 多謝小咪 ^3^ 食完飽飽, 哈~由於條友部手機死左, 所以拎我部機同佢個fd喪玩同台sms了, 我地仲傾左好多野...有喜有悲啦, 過左去就算啦, 唔好再諗喇 ^_^" 之後就齊齊撘馬鐵返歸啦, 齊齊玩NDSL既爽解 (即係photo hunt) , 真係爽囉 最衰係間瑜珈啲人鵝我地徙哂我地啲時間啦, 搞到我地今晚好唔夠喉 XD
20/9 (三) 今日放左工就去荷記搵阿權, 之後行下UML, Mario DS系列既mushroom公仔同魔鬼公仔都係60蚊咋, 搞到我地心郁郁添 考慮下先, 唔買住...之後阿權話肚餓~就去食麥記星星薯餅餐啦, 佢係開齋食 阿權啲IVE fd想玩大腦學院, 咁我就借張G6同superkey過佢, 咁佢地聽日放幾粒鐘break就可以大玩啦 好快就到7點幾, 就撘車返歸lu~阿權仲要趕住返去bid隻tamama發聲器呢
22/9 (五) lunch time阿權打黎, 話起電子世界享受完V3 wor (暫時得果間機舖有得玩 =.=") 搞到我好想玩, 所以原來約聽日出, 就改為今晚出啦~因為尖金果邊都可能出嘛, 於是約左起尖咀等 點知果頭今晚都唔會出, 於是起尖咀行左一陣就撘地鐵去電子世界啦, 好多人呀...仲見到管家同阿ice添, 佢地都等左成粒鐘先有得玩呀!! 我見咁多人, 而且阿權頂唔住啲大煙味, 所以冇得玩lu 夜晚就去左炳記牛牛食晚餐~個雞明星真係超超超正呀!! 食完飯阿權又喪玩大腦學院~我地發覺我同佢既測試項目分別有強項同弱項, 而且佢話佢啲男性fd既強弱項又係同佢一樣, 但同我唔一樣wor, 唔通男仔同女仔個腦有差別 佢玩果陣我就睇「鳳凰四重奏」, 戴立仁把聲真係好頂癮呀 之後行一陣黃金同埋起附近機舖玩DM4同太鼓, 到10點幾就撘車返歸lu~因為我地約左聽朝去返電子世界玩V3呀, 好野 ^_^
23/9 (六) 今朝9點幾就約阿權起青山道麥記等lu~ 我食左個漢堡做早餐就齊齊去電子世界度打V3啦, 去到都已經有人玩緊, 等左一陣就有得玩喇...之後都要跟機, 到12點幾果陣都玩左3舖既, 不過果陣都幾多人~玩完就去金太郎食晏啦, 阿權都話果樹啲野好味 食完晏就過另一個電子世界玩DM4, 阿權話天氣熱唔想行出旺角, 所以就撘地鐵去啦 再去太子麥記互打NDSL, 點知俾我地見到個起上面落黎既兩母子~個細路大約4-5歲...唔知點解佢淨係撩我話柄, 我地玩緊NDSL都照講...咁我笑下做反應, 點知佢大聲講:「我跟你講話啊!」呢樣都冇咩野, 最嚇瓜人既係佢只係食包細薯條, 但係用成6-7包茄汁, 仲要成個人趴起身去啜盤面既茄汁呀...holy shit!!! 既然咁壯觀, 我就用手機拍左片啦, 片段在此: http://www.youtube.com/watch?v=t1i8iWqI5q0 佢件衫同塊面少不免留有茄汁, 當然啜埋手指添啦 =.=" 但佢個死人老母竟然唔出聲囉, 睇下香港啲家長丫, 一定即刻話啲細架喇 之後個細路好好客咁請我食芝士圈, 點敢食丫, 唔知包野入面有幾多細菌架... 其實望落個細路係有童真既, 之不過栽培起個咁既家長身上就自不然咁寵壞佢, 唉... 之後同阿權起旺角行一陣就返歸啦
|
| 刊登時間︰2006-10-02 01:23 AM [ 訪客留言(0) ] [ 編輯日誌 ] |
| 2006 年 9 月 17 日 星期日 |
| 呢個禮拜好多搞作呀... |
11/9 (一) 今日係阿權既開學日~等佢4點幾放左學就約起好運中心間大家樂見下面, 食下午茶再玩下NDSL 之後行左一陣到6點幾例牌撘免費車返歸
13/9 (三) 今日我第一日返工~一返工就打緊3號風, 仲橫風橫雨...真係「貴人招風雨」呀 同我拍檔果個係女人黎 (佢個職位係高級文書主任), 叫cindy~由於佢今日撘火車返工果陣遇到故障, 所以10幾先返到黎...佢返黎後就教我入form喇...入admission form同discharge form (亦係我既主要職責, 簡單啲講係做data entry) 入好每一類form我就會將啲form既order no.排好次序 照咁睇黎, 我份工係唔難做既, 但由於啲task係靠我一個人做就得, 所以應該好難同其他同事熟得黎 5點幾放左工, 好攰呀 (差唔多3個月冇試過6點幾起身嘛) 所以即刻撘車返歸喇
15/9 (五) 哈~返左3日工就有同事放完假升埋職, 所以佢請全公司啲人食大家樂下午茶 咁我當然要知邊個同事請食啦~就問cindy邊位係陳生啦, 然後親自多謝佢 放左工就去聯合搵阿權, 睇佢玩左一陣gf就上新屋, 因為管家早幾日生日呀, 今晚就上去同佢慶祝生日 阿權同我黎到果陣, 都係得芝家姐同patrick黎到, 連主角都未黎 XD 之後pp, 主角同爹爹陸續黎到~今晚係食豆腐宴, 因為主角鍾意食豆腐 食完飯好難得大家成晚坐埋一齊傾偈, 再回望幾年前~到而家剩返我地幾個真係好難得, 如無意外大家應該可以互通n年 臨走果陣芝家姐話星期日去南丫島wor, 咁我同阿權都得閒就應承左佢地啦 到11點幾就散水lu~同爹爹同埋阿權撘馬鐵返歸lu 返工日子既第一個weekend, 雖然聽日唔使返工但唔可以訓晏~因為聽朝同媽子去賣旗囉
16/9 (六) 今朝同媽子8點幾就到附近間合一堂拎旗袋~到8點9就正式各散東西去賣旗... 一個上午真係可看盡人生百態...真係一樣米養百樣人... 有啲人會主動咁入錢落你旗袋, 大部分既人見你叫佢買旗就會幫你買, 亦都有人唔當係一回事, 最衰果啲梗係叫佢賣旗明明冇旗起身就話買左果啲啦!! 我大概賣左3粒鐘就賣哂手上果6張旗, 都有350張以上架喇, 個袋係超重囉...之後返合一堂交返旗袋, 拎埋嘉許狀就去搵媽子, 佢仲未賣哂呀 到12點就一定要還旗袋, 於是同媽子去還完佢既旗袋就去食晏喇 下晝就去圖書館還書, 過左一日呀 之後去體育館果邊啲梳化...坐起樹玩NDSL, 當我玩緊炸彈人果陣, 有幾條約7-10歲既化骨龍起樹睇, 講啲野都幾好笑 一個起樹問係咩game黎, 另一個話係炸彈人, 仲有一個話:「好靚呀!!」 之後我玩緊果陣係一個綠炸彈人跟住主角, 有一個就話:「邊個黎架, 起度跟住哂, 正一跟尾狗~麻鬼煩!!」真係笑死我喇 玩到6點鬆啲就返歸lu
17/9 (日) 今朝11點起九龍塘匯合阿權就齊齊撘地鐵去中環搵芝家姐同patrick喇 之後去祖樂蜂買CHAMP餐上船食喇 (而家得返中環有得食咋!! 不過呢間野已成為賓賓世界...因為連店員都係賓人做囉~哈哈 我同阿權都未試過果間野啲包, 一咬落口真係超超超好味囉!! 薯條都正過麥記果啲呀... 差唔多兩點到南丫島~阿芝佢地想食cheese cake wor, 就去一間細既cafe食啦, 本來我唔諗住叫既 ~後尾試過佢地果啲, 又幾好味, 於是我就叫左我至愛既意大利芝士餅喇 食完飽飽就起程做運動喇~上山好辛苦呀, 行到我個心酸~係呀, 酸住痛果隻呀...比起三年前黎行既狀態真係差好遠, 我實在太水皮了... 不過今日郁下就體驗到唔慣做運動既惡果, 有消耗好過冇消耗丫~就係我唔慣消耗, 搞到我而家個身體差左囉, 身陳代謝唔好呀, 4個月前剪左頭髮到而家都冇咩點長呀, 你話死唔死丫... 我地幾個有時行行上都會休息既, 由榕樹灣行到去傻姑灣, 再行返去榕樹灣 (因為芝家姐話果樹有間泰國野幾好味, 又有串燒食呢 ^_^) 由2點幾行...加埋休息吹水等等, 返到榕樹灣都7點鬆d lu~食埋豆腐花就去食泰國野啦, 一碟大野3x蚊唔算貴, 仲有食串燒呢, 好味好味~ 之後大家商議想起中秋期間租間房大家住一晚玩下...芝家姐之前打電話問左個女人話250蚊一晚既, 點知去返果間野個後生仔話果日個女人報錯價囉~原來假期要600架~後來問多幾間, 一係冇位一係價錢貴, 最後都要告吹了 真係好可惜架, 好想入camp玩呀~不過去唔成camp可以約出去「啤啤Q」既 到8點幾就撘船出返中環lu~之後齊齊再撘船去尖咀就散水lu~我同阿權就行一陣...行左成日真係好攰, 之後去新港food court坐左一陣, 阿權話想打一陣機, 就去河內打一陣機就返歸lu~ 聽日返工肯定攰死, 哈哈~ |
| 刊登時間︰2006-10-01 07:12 PM [ 訪客留言(0) ] [ 編輯日誌 ] |
| 1 | 2 | 3 | 4 | 5 | 6 | 7 | 8 | 9 | 10 | ... | 32 | » |