今日其實起到身返學既~肉體唔攰但精神差...卒之都係揀左蛇王~

訓到晏晝就去河內道搵阿權喇~之後去吉野家食飯~繼續草印花~講真, 我越黎越鍾意食吉野家

餵飽大家之後當然係去返河內道餵DMV啦~仲唔到自己起病病地既狀態下都full左3首歌: 直昇機2, Stop Spinning Me In Circles同埋Waza (阿權叫我full左Waza佢, 估唔到佢一講就full, 睇黎下次你要多次叫我full邊首歌仔喇 XD) 上代都full過呢幾隻歌既, 但今代記錄仲要好囉

玩到6點幾就同阿權行去紅磡撘馬鐵返歸lu~

今朝10點鐘要學琴, 冇得訓晏d添...

返到黎係咁打乞嗤流鼻水...個頭又痛...於是野都冇食就係咁訓左3粒鐘...

見周公途中, d auntie上黎我屋企同我老媽子開雀局~佢地見我訓醒後, 問我: 「冇野啦嘛?」

我係話冇野, 但感覺仲係飲左豬肉湯咁, 想開電腦做英文份essay都做唔落手, 琴又唔想練, 唯有對住部腦發嘔竇~而家冇咩胃口~所以有個auntie買左黑森林蛋糕黎我都食唔落喇...

再過一陣, 估唔到個頭第二邊痛, 冇計啦, 再訓~

到大約夜晚8點, 全體落左金匯庭食飯, 我都係食d清淡既野...菜飯、煨麵果d就最o岩我...

好唔舒服呀...鼻又酸...點算呀?

今日訓到晏晝~之後練左一陣琴...彈下抖下咁~就差唔多到夜晚7點, 約左may may佢地去元綠食飯~好耐冇見班同學喇~

我去到元綠果陣已經見到壽星妹阿wing, 阿娟同嘉寶~之後may may同芷玲都相繼而來, 一見到芷玲由遠方行黎, 有種行緊cat walk既feel

等左大半粒鐘位終於有得入去坐喇~小芒8點半先收工, 同埋大芒一齊黎~咁我地起等佢地既時間食住野先lu~

大部分人都係第一次見大芒~所以差唔多每個人都潤左佢一句, 就係因為咁~佢話俾我地嚇親wor~may may話我地係一班特別既女仔wor...(係咪你特別先呢~我指係特別串wor XD)

嘉寶果然早有準備,帶左相機黎,咁大家可以一齊影相喇~當中有唔少精彩環節, 梗係要拍下片睇啦 XD

最開心都係佢地話我瘦左, 我會繼續努力的

唉...喉嚨仲係痛呀...睇黎奶左野喇~

之前睇過DMO話今日有大喪, 於是約左阿權12:30起沙田火車站等, 我諗住起屋企樓下撘12:10既免費穿梭巴士去沙田 (可能係公聚假期啦, 特別多人 =.=) 搞到我miss左班車囉, 再下一班車就係12:50, 成八個字, 費事等lu~於是撘馬鐵去大圍join佢...

我地去左尖咀既海港冰室食晏, 一人叫左一個快餐, 我叫左個雞粒菜粒炒飯, 佢就叫左個茄汁吉列豬扒飯 (我果陣喉嚨痛, 所以唔食得呢個餐=.=) 份量好多, 有成3-4碗飯~都ok好食既

食完之後行左一陣街街, 跟住就落金星, 有人話河內道間機舖 (即係大喪地點) 個server壞左, 冇得入咭~於是我地起金星打左幾舖DMV先過去lu~(join阿las, pp+芷霞) 今次大喪比上次少左人, 唔知係咪冇得入咭既關係呢?

今日係慶祝patrick生日,  我地諗住7點鬆d起河內道過去新之城join埋佢地, 差唔多7點果陣, 阿權話想行去旺角撘車返屋企, 於是我問阿las佢地係行路定撘車過旺角, 佢地話撘車過去wor, 咁我同阿權就行左去旺角lu~後尾阿las打黎話佢地行緊去旺角wor~早知係咁就等埋你地啦...同阿權分開行左冇耐, 佢就打黎話見到爹爹佢地, 叫我等下佢地wor...就係咁撞到佢地lu~join埋阿las佢地就去左Hundred Cafe...間野唔大, d野食幾好味但唔多抵囉~勝在果處最低消費係$20, 又有UNO, 波子棋之類既野借黎玩, 如果冇人訂位真係可以坐成日玩^^

食完野我地10個人 (壽星仔partrick同阿芝, poem爹爹, 芷霞+pp, 阿las, 中和, 小平, V.G.同我) 就正式玩UNO計分lu~我地平時食完飯除左去打機就冇咩野可以玩到咁耐lu~好難得搵到地方玩得耐又開心~玩到12點幾, 中和突然收到電話話第二朝要去拜山wor, 所以要走先~咁我地9個繼續玩lu~我地點玩都唔夠壽星仔patrick咁高分 (過左1200分開魔笛lu XD) 後尾大家叫第2 round野飲, 大家都好一致叫左殺精七喜黎飲 (KM家族果然係名不虛傳 XD) 玩到差唔多3點, 間野要收工就走lu~再覆返may may電話, 佢話聽晚同幾個舊同學一齊去元綠慶祝肥wing生日wor, 仲叫我之前下晝陪佢去LCX, 唔得喇~我放兩日假出兩日街, 再出真係俾人媽叉...夜晚去附近元綠就得

之後同爹爹同埋V.G.撘N281返歸