今日朝早到晏晝個頭都赤赤痛~所以大家見我起呢幾粒鐘內都冇咩點出聲...

但點都要食晏同飲檸茶 (起8:30要上堂既日子唔飲檸茶~我會死得~肯定全日飲豬肉湯)

咁我食左個拿破崙長通粉...麻麻地...份量唔多~

上英文堂~睇下本點名簿~原來2/4既補課得6個人返~比我預期中仲要少...

之後重量級既功課黎喇~係一組組做research paper...MLA (Modern Language Association) project...

仲要present~咁大型既project梗係學期尾交啦...要開始搵資料喇~

放左學就去河內道搵阿權喇~我而家打DMV加分都開始困難~一係唔加...有一舖玩too late two同centuar夾埋加左7分...(本來前幾日起聯合玩centuar有成13x combo架~但後尾香左  徙gas) 不過過左都好~我有信心再升sp架

之後大家都見攰~就去左九龍公園坐左一陣~跟住就去中港城個金牌坊食晚飯...

食完野行去尖東~一唱一和咁~阿權起度打乞嗤我就起度咳...呢排大家都起度交叉感染

希望大家快啲好啦~唔好再拖

今朝起身又喉嚨痛喇~仲有幾聲咳~呢排身邊都有唔少人病呀~大家要小心身體呀 >_<

12:30有中文補課~咁我早少少返學校, 起R7繼續整我既frontpage...我地學frontpage先學左3堂, 俾assignment我地做, 即係個人網頁果啲唔係問題~但都唔好要我地做online business丫~呢個發揮性真係幾狹窄架

好在可以分組做咋, 如果唔係真係唔知點死...

差唔多時候就上課室補課喇, miss講埋小說既最後部分, 之後果幾個字就俾我地揀第二份小組報告既topic.

卒之我地揀左「愛美麗在屯門」...miss話呢個唔易做wor...但睇落都唔算難丫~唔通做落先奶野?!

算啦~學梁啟超話齋~敬業效業算喇.

之後同candy落hall canteen食晏~我叫左個餐肉蛋飯, 加埋熱飲都係17蚊

食完野繼續做我既frontpage...我驚5:30放左學做完再send俾rachel會好炆水 (因為聽日要交 =.=")...同埋呢堂public speaking都係聽人present, 所以唔返lu~

做做下阿權打黎問我起邊...傾左一陣問下佢個frontpage係咪XP version, 跟住就去左佢度做哂佢lu~

放心啦~佢唔識幫我做架~

前兩晚訓得唔好...搞到今日上堂果陣烏下烏下~又回復返高中時既狀態 XD

加上今日國畫堂淨係睇阿sir畫畫同睇片~冇得郁手畫~倍添倦意 +

放學後去fz搵阿權~動物盃開喇~一定要打下

呢個盃有5首指定既歌拎黎計分~如果入到7500名內, 遲下就有隱藏歌玩

我就搵左鼻毛黎開齋, 好好彩咁full左第二次~有90.xx分呀  不過perfect率仲係幾低, 得80%

不過算啦, 見好就收~之後玩琉球, 有28.xx分~我起extra stage先敢玩亞熱帶...雖然我未玩過, 但我知開頭係好恐怖架, 幾抽4下4下紅綠rolling分分鐘搞到香呀...

最後玩左得15.xx分...哀愁遲下先玩喇~因為fz個hi-hat sense得唔好~

今日阿媽見我放假, 就叫我同埋個auntie落金匯庭飲茶~好鍾意個紅油炒手呀

之後冇咩野做...又唔知點解冇咩mood做frontpage~同時啱醒起琴晚阿權本exam留左起我手上~果陣下晝兩點幾佢都拜完山喇~我地通電話果陣, 佢起沙田fz隔黎...咁我去搵佢, 順便行街睇野

之後行去禾輋~佢起間麵包舖買左個飽食~而我就買左杯檸水...

飲啖先~嘩~洗潔精呀?!  費事徙野, 唯有頂硬上~順便殺菌 XD

行多陣佢就送左我去撘車返屋企lu~

今日1點同阿vivian, sasa打乒乓波...自從上次俾阿sir指點後, 進步左唔少, 至少我已經唔會好似以前咁開埋d低B波

囉  今日我地打打下, 阿sir都有出現~咁我地兩對兩咁打, 我同阿sir一邊, 而vivian同sasa起另一邊, 咁我又學識

多一樣野~就係混雙果陣係一人接一球, 同埋係對角線開波 (而家先知呢啲野會唔會好out呢 ) 到我接波果陣, 阿

sir係咁鼓勵我殺波 XD

打到兩點幾要清場~我就去R7摸索下點樣整個frontpage, 同埋搵下資料~卒之不知不覺整到3:25pm, 又餓又眼訓~ 但3:30要上堂, 咁黎唔切食下午茶~唯有買個餐肉三文治+熱檸茶等break食囉~

5:30放左學就去聯合搵阿權喇~之後去新世紀join may may去返ceu買衫, 小芒都黎埋~

may may果件粉紅色冇貨wor...要去分店拎 (點解仲受歡迎過我果件既...)

之後大芒打俾小芒~跟住我地就落新之城搵佢, 就一齊去左和民食野lu~等位都等左幾個字~卒之成10點先有野落肚...有部分野食就唔錯既, 有d就...仲有~始創和民啲侍應真係冇個靚~

就係咁, 大小芒請左我同may may食餐飽, 多謝你地呀

食完就齊齊落左好旺角打機, 勁大煙囉~不過太鼓6係$2/2首, 但1p個鼓壞得好緊要...

仲有~DMV$7, GFV就$5...咩世界呀...

may may為左解悶, 係咁餵部篤手指機...所以我地都玩左好耐...玩到點幾就同may may撘小巴返歸lu~